Jems 3:17 - Edo Bible (E Baibol Ẹdo) Version 1996

¹⁷ Sokpan ẹwaẹn ne ọ ke odukhunmwu rre, keghi re vbe okaro, ne ọ huanrẹn, ọ keghi vbe re ne ọ fu ọmwa egbe rre, ne rọkhọ kevbe ọghe ọse, ọ vuọn ne itohan, ọ keghi vbe viọ emwiorhọ iwinna esi ladian, ẹ i mwẹ ẹko ne ọkhọ ọmwa ra ẹkẹ vbe iwẹnwẹn.

Jems 3:17 ပူးပေါင်းရင်းမြစ်များ

I Ọba 3:12

I gha rhie emwi ne u nọ rẹn ne uẹn. I gha rhie ẹwaẹn kevbe irẹnmwi ne uẹn sẹ emwa hia ni ke aro nuẹn kevbe ni gha vbe rre vbe iyeke ruẹ.

I Ọba 3:28

Ivbi Izrẹl ghi họn ohiẹn ne Solomọn buru, iran keghi kpa uhe ne ẹẹn, rhunmwuda, iran miẹn wẹ Osanobua rhie ẹwaẹn ne ẹẹn ne ọ ya gha buohiẹn ẹse.

I Ọba 3:9

Rhunmwuda ọnii, rhie ẹwaẹn mẹ ne I ya gha gbearoghe emwa na vbe ne a na ta ẹmwata kevbe ne a na rẹn emwi ne ọ maa hin ne ẹ i maa rre. A deghẹ ẹ i re erriọ, vbe I a gha ya gbearoghe okpe emwa ruẹn na hẹ?”

I Krọnikol 22:12

Te Nọyaẹnmwa ne Osanobua ruẹ gha rhie irẹnmwi kevbe ẹwaẹn ne uẹn ne u miẹn ehe na gha khaemwisẹ yan ivbi Izrẹl vbe odẹ ne ọ gua Uhi ẹre ro.

I Krọnikol 22:9

Vbene ọ rhirhi a gha ye hẹ, ọ ye yan ma mwẹ. Ọ wẹẹ, ‘U gha biẹ ọmọ okpia ọkpa ne ọ gha khaemwisẹ vbe ọfumwegbe, rhunmwuda, I gha rhie ọfumwegbe ne ẹẹn vbe obọ avbe eghian rẹn hia. Eni ẹnrẹn ọ re ọ gha re Solomọn, rhunmwuda I gha rhie ọfumwegbe kevbe ọrọkhọrhọ ne ivbi Izrẹl vbe ẹghẹ ọre.

Job 28:12

“Sokpan de ehe ne a gha na miẹn ẹwaẹn? De ehe ne a gha na ruẹ vbene a ya miẹn ẹwaẹn?

Job 28:23

“Osanobua ọkpa ọ re ọ rẹn nene odẹ. Ọ rẹn ehe ne a gha na miẹn ẹwaẹn.

Job 28:28

Osanobua keghi tama emwa nagbọn wẹẹ, ‘Deghẹ wa ho ne uwa gha wan, wa ghi gha ya ọghọ ne Nọyaẹnmwa. Ne uwa miẹn ehe na rẹn otọ emwi, te uwa gha fiwerriẹ hin ọkhọ rre.’ ”

Ẹksọdọs 36:2

E Mosis keghi tie Bezalẹl, Oholiab kevbe emwa ifuẹro hia ne Nọyaẹnmwa rhie ẹtin na, kevbe emwa hia ni mu egbe ne iran ya ru iyobọ, ọ tama iran wẹ ne iran suẹn iwinna.

Itan 2:6

E Nọyaẹnmwa ọ re ọ ya ẹwaẹn ne ọmwa. Obọ ẹre ọ re ẹwaẹn kevbe irẹnmwi ke rre.

Aizaia 2:4

Ọ gha dọlọ avbe uhunmwu ẹvbo nekhua kugbe. Iran gha ya umozo iran dunmwu emwi ne ọ yevbe ẹguẹ kevbe asoro iran, iran gha ya dunmwu ikhu. Avbe uhunmwu ẹvbo ighi khọn okuo ọvbehe iran ighi mu egbe okuo ọvbehe.

Aizaia 32:6

Ẹmwẹ ukọnmwẹ ọ re akpa guan, ọ ghi vbe gha zẹ iro emwi dan ne irẹn gha ru, emwi ne ọ ru kevbe ẹmwẹ ne ọ ta, ne a ya yagha e Nọyaẹnmwa ọ re ehia khin. Ẹ i rhie evbare ne ọmwa ne ohanmwẹ gbe ra ne ọ sa amẹ ne ọmwa ne ovbamẹ gbe wọn.

Aizaia 40:11

Ọ gha gbearoghe avbe ohuan rẹn zẹvbe ne ọsuohuan ru. Ọ gha si avbe oteghe ohuan koko, ọ ghi munọ iran ye ekuaobọ ẹre ọ ghi su avbe iye iran hẹnnẹhẹnnẹ.

Daniẹl 1:17

Osanobua keghi rhie irẹnmwi kevbe ẹwaẹn ne avbe emọ na vbe ebe ne a tie kevbe irẹnmwi ni dinmwi ọghe odun agbọn na. Ye vbe ba ẹre ọ keghi vbe rhie ẹwaẹn ne a ya rhan otọ imina kevbe umian ne Daniẹl.

Malakai 2:9

Rhunmwuda ọnii, te imẹ ghẹghi vbe ru ẹe wẹ ne ivbi Izrẹl gha zan uwa rhunmwuda wa ma ru vbene imẹ ho; wa gha ma emwa emwi, wa i ya obọkpa mu emwa hia.”

Malakai 3:3

Te irẹn ra do bu ohiẹn zẹ vbe ọmwa ne ọ kpe, kevbe ne ọ vbe ya esiliva khian ọgbọn. Zẹ vbene ogun ẹrọnmwọ kpe esiliva kevbe igoru, erriọ ukọ e Nọyaẹnmwa ra kpe avbe ohẹn huan ne iran miẹn ehe na gha viọ emwi ihaoko ne ọ kere gie Nọyaẹnmwa.

Matiu 23:28

Erriọ ọre uwa ye zẹẹ, agbọn ghi gha ghe uwa ighẹ uwa maa, sokpan ẹko uwa vuọn ne ohoghe kevbe orukhọ.

Matiu 5:8

Ọ maa ne iran ne ekhọe ẹre hianrẹn, iran gha miẹn Osanobua aro!

Matiu 5:9

Ọ maa ne iran ni gualọ ọfumwegbe emwa, Osanobua gha tie iran ivbi irẹn!

Iyẹn ne ọ Maan Ọghe Luk 21:15

Rhunmwuda I gha rhie ẹmwẹ kevbe ẹwaẹn ne uwa, sẹrriọ wẹ eghian uwa ọkpa nọ gha sẹtin mu aro da uwa ne ọ muan ẹmwẹ ne uwa tae, ẹ i rrọọ.

Iyẹn ne ọ Maan Ọghe Luk 6:36

Wa gha mwẹ itohan zẹ vbene erha uwa vbe mwẹ itohan.

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Iyẹn ne ọ Maan Ọghe Jọn 1:47

Ugbẹn vbe Jesu ghi bẹghe Nataniẹl Vbe ọ bu ẹre dee, ọ wẹẹ, “Ghe Ovbi Izrẹl vbe ẹmwata, ẹko ne ero i ye.”

Iwinna 11:24

Banabas keghi re ọmwa esi ne ọ vuọn ne Orhiọn Ne Ọ Huanrẹn kevbe iyayi. A keghi viọ emwa ni bun bu Nọyaẹnmwa gha dee.

Iwinna 9:36

Okhuo ọkpa ne a tie ẹre Tabita keghi rre Jopa, ọmwa iyayi nọ. (Dọkas ọre a tie ẹre vbe Grik, emwi ne a ya ọnii kha ọrọre ẹrhuẹ.) Ọ lo ẹghẹ ẹre ye iwinna ne ọ maa kevbe ne ọ gha ye avbe ivbiogue obọ.

Ebe ne Pọl gbẹẹn gie emwa Rom 12:18

Zẹ vbene ọ kan ruẹn, hia vbe odẹikodẹ ne uwa vbe emwa hia gba gha ma ẹko egbe.

Ebe ne Pọl gbẹẹn gie emwa Rom 12:9

Wa gie aho ẹmwẹ ọmwa gha re ne ọ sẹ otọ ẹko. Ghẹ gha ma ẹko emwi dan. De obọ mu emwi esi.

Ebe ne Pọl gbẹẹn gie emwa Rom 15:14

Etẹn mwẹ, mẹ rẹnrẹn wẹ te emwi ni maa hia wa gba uwa obọ, kevbe wẹ wa rẹn emwi ẹsẹse, ighẹ wa gha sẹtin gha ma egbe uwa emwi.

I Kọrinti 12:8

Orhiọn ni ghi ya ẹmwẹ ẹwaẹn ne a guan we arhin ọkpa, vbe ne Orhiọn nii na vbe ya ẹmwẹ irẹnmwi we ọmwa ọvbehe.

II Kọrinti 10:1

Mẹ ne Pọl wa tobọ mwẹ rinmwian uwa, mẹ ne a wẹ re I gha gu ọmwa mudia, I ghi gha re ọmẹhẹ, sokpan I gha kpao vbe ehe ne uwa ye rre nẹ, I ghi gha khọ mu uwa, I ye ufumwẹ kevbe itohan Kristi rinmwian uwa.

II Kọrinti 6:6

Vbe ekpa a i mwẹ iruẹn, irẹnmwi, iziengbe, kevbe itohan, ma keghi rhie egbe maa zẹ vbe eguọmwadia Osanobua, vbe ekpa Orhiọn Ne ọ huanrẹn, vbẹ ekpa aho ẹmwẹ ọmwa ẹmwata ne ima mwẹ.

II Kọrinti 7:11

Wa ghe emwi ne Osanobua ye ẹko ne ọ rriara uwa na ru, vbene uwa ghi mu aro ye emwi hẹ, vbene uwa ghi ziga hẹ ne uwa rhie maa ighẹ, wa ma rẹn ọkpa wa ma rẹn eva. Egbe ohu nọkhua vberriọ egbe utumwẹ wa bu rre vberriọ, a mu emwi roro, a mu aro ye emwi, a mu egbe ne a ya gbe ọmwa hin ọkhọ rre! Wa keghi wa rhie egbe uwa zẹ vbe ọmwa ne ọ ma rri abe rhọkpa vbe uwu ẹmwẹ na.

II Kọrinti 9:10

Osanobua ne ọ viọ emwiokọ ne uwa ho hia ne uwa, ọ ghi vbe gi ẹe zọ, ne ọ vbe mọ emwiorhọ ọkpọkua ne obọ ne ọ ru ẹse ọghe uwa.

Ẹfisọs 5:9

Rhunmwuda, uwanmwẹ ọre ọ rhie otọ ne avbe emwi esi, vbene umamwẹ, emwi ne ọ gbae kevbe ẹmwata ye, ne a mọ ọmọ wọrhọwọrhọ.

Filipai 1:11

Ẹdẹ agbọn uwa ghi do vuọn ne avbe emwi ne ọre ne ọ maa, ọghe ẹmwata ne a ghe ginna ọmwa, ne Jesu Kristi ọkpa sẹtin rhie ladian ne uyi kevbe urhomwẹ Osanobua.

Filipai 4:8

Vbe ufomwẹ ehia, etẹn mwẹ, wa gha ya avbe emwi ni maa kevbe ne ọ gie a ta ẹmwẹ ọnrẹn ẹse vuọn ekhọe uwa, avbe emwi ẹmwata, adazẹ ne ọ gbae ne ẹ i mwẹ iruẹn kevbe ne ọ mwẹ uyi.

Kọlose 1:10

Ẹghẹ nii, wa ghi sẹtin do gha yin vbene Nọyaẹnmwa ho, wa ghi vbe gha ru emwi ne ọ yẹ ọre. Ẹdẹ agbọn uwa ghi do gha mọ ọmọ iwinna ne ọ maa ughughan hia, wa ghi vbe gha wan yọ vbe uwu vbe ne uwa rẹn Osanobua hẹ.

I Tẹsalonaika 2:7

A gha rhe miẹn wẹ, zẹ vbe ukọ Kristi, ọ te khẹ ke mwa ne a ya nọ emwi vbe obọ uwa.

I Timoti 5:21

Vbe sirra Osanobua kevbe Kristi Jesu, kevbe avbe odibo Osa ni huranrẹn, I ya imuegberriotọ tama ruẹn, ne u gha ye avbe ẹmwẹ na ru emwi vbe ne a i na zẹ ọmwa ẹkpe, ra ne a gha ghe ọmwaikọmwa ikpanro vbe uwu emwi ne u ru hia.

II Timoti 2:24

Ọ ma kei ne ọguọmwadia e Nọyaẹnmwa gha gui ẹzọ. Ọ kere ne ọ gha tohan emwa hia, ọmaemwaemwi ne ọ maa kevbe ne ọ zin egbe.

Taitọs 1:15

Emwi hia ọrọre ne ọ huanrẹn vbe obọ emwa ne iran tobọ iran vbe huan, sokpan a i miẹn emwi ọkpa ne ọ huanrẹn vbe obọ iran ne a ru ẹre awua mu rhia kevbe ne ẹ i mwẹ iyayi, rhunmwuda a ru orhiọn kevbe ekhọe iran awua mu ẹn rhia nẹ.

Taitọs 3:2

Tama iran ne iran ghẹ ta ọmwaikọmwa ọtakhọ, sokpan ne iran gha re ne ọ ho ẹmwẹ ọfumwegbe, kevbe ne ọ gu emwa hia ru ọse, kevbe ne iran gha gu emwa hia yin uyinmwẹ ọmẹhẹ.

Hibru 12:11

A gha gbe ima hin ọkhọ rre, vbobọ vbobọ nii, ọ ghi ye vbe ne a miẹn wẹ, te a wa ho ne a rhia ima ekhọe rua, ighẹ i re ne ọ ya ẹe rhiẹnrhiẹn. Sokpan Ọ ghẹ ghi sẹ okiekie, a vbe emwa ne a gu gui vberriọ dia ye odẹ, ghi do miẹn ẹdẹ agbọn nekhuẹrhẹ, ọ ghe ọmwa ẹmwata, rhie vbọ.

Hibru 12:14

Hia ne u gu emwa hia gha rrọọ vbe ọfumwegbe, kevbe ne u vbe yin uyinmwẹ, ne ọ huanrẹn, rhunmwuda vbe ne ọnii i na rrọọ, orhiọnkpa ne ọ gha sẹtin miẹn Nọyaẹnmwa aro, ẹ i rrọọ.

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.

Jems 1:5

Sokpan deghẹ a miẹn ne ẹ i mwẹ ẹwaẹn vbe uwu uwa, wẹ ne ọ na erhunmwu ghe Osanobua, ne ọ gha rhie ẹre nẹẹn, rhunmwuda, ọwọrhọwọrhọ ọre Osanobua viọ emwi ne emwa hia.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.

Jems 2:4

Ẹghẹ nii, ẹ i re te uwa ghi zẹ egbe ẹkpe, wa keghi vbe lele iro dan gha bu ohiẹn.

Jems 3:15

Ẹ i re ẹrinmwi egbe ẹwaẹn vberriọ ke rre, ọ ghe agbọn na nọ, ẹ i re emwi orhiọn, ọghe esu nọ.

Jems 4:8

Wa sikẹ Osanobua, rẹn gha vbe sikẹ uwa. Wa kpe obọ uwa a, wa ne emwa orukhọ. Wa kpe ekhọe uwa huan, wa ne emwa ẹkẹ vbe iwẹnwẹn.

I Pita 1:22

Vbene uwa ghi na la ekpa ne uwa na ru vbene ẹmwata khare, ye egbe uwa khian ne ọ huanrẹn nẹ nian, ne uwa na vbe mwẹ aho ẹmwẹ ọmwa ẹmwata ghe emwa iyayi ne iho uwa, wa gha ya ekhọe uwa hia ho ẹmwẹ egbe uwa ẹsẹse.

I Pita 2:1

Rhunmwuda ọnii nian, wa gie a wabọ emwi dan hin ehe ne uwa ye rre, ohoghe ne a ta fo, kevbe ẹkẹ vbe iwẹnwẹn kevbe oya ọmwa da ọmwa, kevbe ẹmwẹ obi unu.

I Pita 2:18

Wa ne eguọmwadia, wa gha gbe uhunmwu ke otọ ne iran ne arowa uwa, wa ghi wa gha ya ọghọ ne iran, ẹ i re iran ni fu ni mu ẹmwẹ ọmwa ro ọkpa, sokpan kevbe iran ni khọ ba ẹre.

I Jọn 3:18

Ivbi mwẹ, ọma kei ne aho ẹmwẹ ọmwa ima gha re ọghe ẹmwẹ unu kevbe etalọ, ọ kere ne ọ gha re aho ẹmwẹ ọmwa ẹmwata, ne a la ekpa uyinmwẹ rẹn.

I Jọn 3:3

Ọmwaikọmwa ne ọ mwẹ idaehọ na vbe uwu Kristi, ọ gha da egbe ẹre yi vbe ne ẹ i mwẹ iruẹn, zẹ vbene Kristi vbe re ne ẹ i mwẹ iruẹn.