Jems 3:15 - Edo Bible (E Baibol Ẹdo) Version 1996

¹⁵ Ẹ i re ẹrinmwi egbe ẹwaẹn vberriọ ke rre, ọ ghe agbọn na nọ, ẹ i re emwi orhiọn, ọghe esu nọ.

Jems 3:15 ပူးပေါင်းရင်းမြစ်များ

II Samuẹl 13:3

Sokpan, rẹn kegha mwẹ ọse ọkpa ne a tie ẹre Jonadab, ovbi ọtẹn Devid nokpia ne a tie ẹre Siama, ọ kegha re ọmwa ne ọ wan ẹwaẹn egui.

II Samuẹl 15:31

E Devid ghi họn ighẹ Ahitofẹl vbe deba isọtẹ Absalọm, ọ keghi kha wẹẹ, “Nọyaẹnmwa, lahọ, fi ibude Ahitofẹl werriẹ khian ukọnmwẹ.”

II Samuẹl 16:23

Ude ne Ahitofẹl bu ẹghẹ nii, te emwa wa rhie ẹre vbene a miẹn wẹ ẹmwẹ ne Osanobua ta ẹe wa nọ, erriọ ọ re Devid kevbe Absalọm ya ẹe gha ru emwi.

Jerimaia 4:22

E Nọyaẹnmwa khare wẹẹ, “Akpa ọ re avbe emwa mwẹ khin, iran ma rẹn mwẹ. Iran ye vbe emọ ni kọẹn iran imwẹ irẹnmwi hiehiere. Iguẹsẹ iran khin vbe emwi dan ne a ru emwi esi ne a ru i dunna ne iran.”

Iyẹn ne ọ Maan Ọghe Luk 16:8

Arowa ọdia ẹkẹ vbe iwẹnwẹn na keghi tian rẹn ye ogie ẹwaẹn ne ọ wan rẹn na rhunmwuda, emwa ne agbọn ye ogiẹwaẹn ye obọ mu iwinna iran ẹse sẹ iran ne ivbi uwanmwẹ.”

Iyẹn ne ọ Maan Ọghe Jọn 3:17

Rhunmwuda Osanobua ma gie Ovbi ẹre ne ọ do gha re ne ọ bu ohiẹn agbọn, sokpan ne ọ do gha re ne ọ miẹn agbọn fan.

Iyẹn ne ọ Maan Ọghe Jọn 8:44

Ivbi erha uwa ne Esu ọre uwa khin. Emwi ne erha uwa ho ọre uwa vbe ho ne uwa gha ru. Izigha rẹn wa khin ke otọe gha dee. Ọma he mwẹ obọ vbe ẹmwata ẹdẹ, rhunmwuda ẹmwata i vbe rre uwu irẹn, ọ gha ta ohoghe, emwi ne a ya we ẹe ọre ọ ru ni, rhunmwuda, ohoghe nọ, kevbe erha ohoghe hia.

Iwinna 13:10

ọ wẹẹ, “Wẹ ne ovbi e Esu. Wẹ ne oghian emwi ni maa hia, wẹ ne ẹkẹ vbe iwẹnwẹn gba ẹre obọ, wẹ ne ọ hia ne ọ gha ya ẹmwata Nọyaẹnmwa khian ohoghe vbe ẹghẹ hia!

Ebe ne Pọl gbẹẹn gie emwa Rom 1:22

Iran khare ighẹ iran waan, sokpan akpa iran wa khin.

I Kọrinti 1:27

Sokpan te Osanobua wa yan ru ẹe wẹ, ne irẹn hannọ emwi ne agbọn tie ẹre akpa, ne ọ miẹn ehe na ya ekhue mu avbe umẹwaẹn.

I Kọrinti 2:14

Sokpan ọmwa ne ẹ i mwẹ nene Orhiọn Ne Ọ Huanrẹn, ẹ i sẹtin rhan obọ miẹn ọhẹ ne ọ ke obọ Osanobua rre. Ẹmwata ẹ i rẹn emwi ne a ya ẹe kha, ẹmwẹ oya ehia khin vbe ehọ ẹre rhunmwuda orhiọn ne ọ huanrẹn ọre a ya sẹtin rẹn vbene uyi ẹre sẹ hẹ.

I Kọrinti 3:19

Rhunmwuda, emwi ne emwa ne agbọn tie ẹre emwi ẹwaẹn, ukọnmwẹ nọ vbe aro Osanobua. Zẹ vbene ebe ta ẹe, “Uwu iguemwi ne iran gu ẹe, ọre Osanobua na khuẹn ifi mu avbe umẹwaẹn.”

I Kọrinti 3:3

Rhunmwuda emwi agbọn na he wa ye gu uwa obọ ro. Ugbẹn vbe a miẹn wẹ, wa ye gbe ọvo egbe, wa gu egbe gui, ẹ i re te ọnii rhie maa ighẹ emwa kẹkan ọ ghe agbọn na ọre uwa he ye khin, wa keghi wa yin zẹ vbene iran guẹe.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

II Kọrinti 11:3

Afianma fian mwẹ ne iran ghẹ ya ruẹn ẹmwẹ ye uwa ekhọe mu ẹn rhia, wa ghi zobọ vbe ne uwa na te wa guobọ Jesu vbe ne a i gbe ikhan yi, zẹ vbene ẹyẹn ye ẹkẹ vbe ero, rẹrẹ Ivi.

Filipai 3:19

Ẹrinmwi erhẹn ọre iran ra na mu omẹ, orriarria egbe iran ọrọre ẹbọ ne iran gho, emwi ne ọ kere ne ekhue ẹre gha mu iran ọre iran ya ghagha, ẹmwẹ emwi agbọn na ọkpa ọre iran mu roro.

II Tẹsalonaika 2:9

Ẹtin e Setan ọre Ọmwa Dan nii gha ya rre, ọ ghi winna iwinna ọyunnuan ughughan, kevbe orhiemaa ohoghe, kevbe ọyunnuan.

I Timoti 4:1

Te Orhiọn wa ta ẹe gbe ẹe ẹre ẹho rua wẹ, ọ gha sẹ ẹdẹ okiekie, emwa ni bun gha mu iyayi fua, iran ghi gha ru ne orhiọn ohoghe khare kevbe iruẹmwi esu.

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.

Jems 1:5

Sokpan deghẹ a miẹn ne ẹ i mwẹ ẹwaẹn vbe uwu uwa, wẹ ne ọ na erhunmwu ghe Osanobua, ne ọ gha rhie ẹre nẹẹn, rhunmwuda, ọwọrhọwọrhọ ọre Osanobua viọ emwi ne emwa hia.

Jems 3:17

Sokpan ẹwaẹn ne ọ ke odukhunmwu rre, keghi re vbe okaro, ne ọ huanrẹn, ọ keghi vbe re ne ọ fu ọmwa egbe rre, ne rọkhọ kevbe ọghe ọse, ọ vuọn ne itohan, ọ keghi vbe viọ emwiorhọ iwinna esi ladian, ẹ i mwẹ ẹko ne ọkhọ ọmwa ra ẹkẹ vbe iwẹnwẹn.

Ebe ne Jud gbẹẹn 1:19

Iran na ọre ọ si iwannegbe rre, iran ne amiẹn wẹ, emwi egbe kẹkan ọkpa ọre ọ ya iran ruemwi, emwa ne Orhiọn nii i gue hiehie.

Arhie Maan 12:9

A keghi mu Ugbogiorinmwi ne gẹdẹgbẹ nii fua. Rẹn ọrọre ẹyẹn nẹdẹ nii, ne a tie ẹre Setan, ne ọ mu otọ agbọn hia rẹrẹ. A keghi fi ẹe fi agbọn ke ẹe kevbe avbe odibo ẹre hia.

Arhie Maan 2:24

“Sokpan wa ni ghi dekẹe Vbe Tiatira, ma lele iruẹmwi dan na, wa ma he ruẹ emwi ne iran nekpa tie ẹre ‘oro ne ọ dinmwi ọghe Setan.’ Emwi ne I tama uwa ọrọre wẹ, I i ra ghi kun ihẹ ba uwa ihẹ.

Arhie Maan 9:11

Iran kevbe mwẹ ọba ne ọ khaemwisẹ yan iran, ọ nii ọrọre odibo ne ọ gbe aro ghe uvun ne ẹ i mwẹ ehe ne ọ sẹe nii. Eni ẹnrẹn vbe Hibru keghi re Abadọn, sokpan vbe Grik iran keghi tie ẹre Apọyọn (Emwi ne a ya ẹe kha ọrọre “Omurhia.”)