Jems 3:14 - Edo Bible (E Baibol Ẹdo) Version 1996

¹⁴ Sokpan, deghẹ te uwa mwẹ oya ọmwa da ọmwa vbe ekhọe uwa, ighẹ ẹko khọ uwa, emwi vbe da uwa, ọ ma ghi kei ne uwa gha hio, ne uwa vbe gha ba ẹmwata ohoghe.

Jems 3:14 ပူးပေါင်းရင်းမြစ်များ

Gẹnẹsis 37:11

Etẹn Josẹf nikpia kegha guẹe mu ohu sokpan erha ẹe kegha rria ẹmwẹ nii hia vbe ekhọe.

Gẹnẹsis 38:9

Sokpan Onan rẹnrẹn wẹ ẹ i re irẹn ọre ọ ra yan emọ nii; rhunmwuda ọnii, ẹghẹ hia ne ọ ya miẹn amwẹ ọtiọnrẹn, ọ ghi mu eku ẹre ku otọ, ne ọtiọnrẹn ghẹ miẹn ehe na gha mwẹ urho.

II Ọba 10:16

Ọ tama rẹn wẹẹ, “Lele mwẹ gha dee ne u do tobọọ ye aro miẹn ọẹn vbene I ga e Nọyaẹnmwa hẹ.” Iran keghi gba hin gha rrie Sameria.

II Ọba 10:31

Sokpan, e Jehu ma ye ekhọe lele uhi ne Nọyaẹnmwa ne Osanobua yi ne ẹẹn, sokpan, ọ keghi lele igiemwi e Jeroboam ne ọ si ivbi Izrẹl la orukhọ.

Job 5:2

Ne ọmwa, rhunmwuda ighẹ emwi sọnnọ ẹn, kpokpo egbe ya uhunmwu yọ, uyinmwẹ ukọnmwẹ akpa vbe abobo ọre nọ.

Itan 14:30

Ekhọe ne ọfumwegbe ye, te ọ ye egbe rran ọmwa; sokpan te igbọvo yevbe ẹtẹ ne ẹ i mwẹ ukhunmwu.

Itan 27:4

Emwi dan ne ọ rhia emwi ọ re ohu khin, sokpan a i zẹdẹ yae gie igbọvo hiehiere.

Aizaia 11:13

Otọe arriọba Izrẹl i ghi ra vbe dọlegbe gha gu e Juda taekpẹn ọvbehe, e Juda i ghi ra vbe gha re oghian Izrẹl ọvbehe.

Habakọk 1:3

Vbe u a ghi na gunmwẹ miẹn ọlọghọmwa vbenian hẹ yi? Vbe uwẹ ra sẹtin ziengbe gha ghe amaruẹse vberriọ hẹ yi? Omurhia kevbe uyinmwẹ ọkpankpan lẹga mwẹ; igbinna kevbe ẹzọ wa vbe rre ehe hia.

Matiu 27:18

Rẹn wa rẹn ighe ikhuiwu ọre iran ya si Jesu gie irẹn.

Iyẹn ne ọ Maan Ọghe Jọn 16:2

Iran gha sua uwa uhunmwu hin uwu Ọgua ediọn iran rre. Ẹghẹ dee ne ọmwa ne ọ de uwa izigha gha na ro ighe Osanobua ọre irẹn ya ehia ga.

Iwinna 13:45

Ugbẹn vbe avbe Ju ghi miẹn ubunmwẹ ẹvbo, igbọvo keghi vuọn iran ekhọe, iran kegha gbe odan ye ẹmwẹ ne Pọl ta, iran na gha ya ukpẹ sakan ẹn.

Iwinna 26:9

“Mẹ tobọ mwẹ kegha ro wẹ, ọ kere ne I ru emwi hia ne ẹtin mwẹ gha sẹ ya gu Jesu ne ovbi Nazarẹt gha khọn.

Iwinna 5:17

Ẹghẹ ni ọre ogie ohẹn kevbe ivbi otu ẹre, deba otu emotọ ọghe avbe Sadusi, na wa kakabọ gha gbe ọvo avbe ukọ, iran na ghi wẹ, iran gha gualọ odẹ ne iran gha la iran re.

Iwinna 7:9

“Avbe erha mwa odede kegha mu ohu Josẹf, iran keghi khiẹn ọre ọviẹn fua gha rrie otọ Igipt. Sokpan Osanobua keghi ya ba ẹre.

Ebe ne Pọl gbẹẹn gie emwa Rom 1:29

Uyinmwẹ dan hia wa gua iran obọ ro, ọkhọ, orriarria, iba, uwu igbọvo iran wa ye, izigha, igbinna, erẹrẹ, kevbe irriakhuẹ.

Ebe ne Pọl gbẹẹn gie emwa Rom 13:13

Wa gie ima gha ru emwi ọmwa ne ọ rẹn enegbe, zẹ vbe ivbi uwanmwẹ ẹdẹ, ẹ i re vbe uwu oyanghan, ra ayọn ne a da gbe egbe, ẹ i re uwu alama oghẹ ra u sakanmwẹ, ẹ i re vbe uwu igbinna ra oya ọmwa da ọmwa.

Ebe ne Pọl gbẹẹn gie emwa Rom 2:17

Wẹ vbo? Ẹ i re Ju ọre u tie egbe ruẹ re, u mu ẹtin yan nene Uhi gha ya Osanobua rhuọ.

Ebe ne Pọl gbẹẹn gie emwa Rom 2:8

Emwa ọvbehe vberriọ ni rẹn ọghe enegbe iran ọkpa, iran ma ye obọ ye ẹmwẹ emwi ne ọre ẹmwata, ne iran miẹn ehe na gha lele emwi ne ẹ i re ẹmwata. Osanobua gha hihiẹ okuosu kevbe ohu ẹre yan iran.

I Kọrinti 13:4

Te aho ẹmwẹ ọmwa ziengbe emwi, ọ vbe mwẹ itohan, oya ọmwa i da ẹe, aho ẹmwẹ ọmwa, ẹ i ye obọ rra ẹwẹe ra ne ọ gha tọn egbe mu.

I Kọrinti 3:3

Rhunmwuda emwi agbọn na he wa ye gu uwa obọ ro. Ugbẹn vbe a miẹn wẹ, wa ye gbe ọvo egbe, wa gu egbe gui, ẹ i re te ọnii rhie maa ighẹ emwa kẹkan ọ ghe agbọn na ọre uwa he ye khin, wa keghi wa yin zẹ vbene iran guẹe.

I Kọrinti 5:2

De ne uwa ghi tọn egbe mu ba nian? Vbe ẹmwata, te ọ kere ne uwa gha khiẹ, ọmwa ne ọ ru emwi na, ne uwa si ẹe ladian hin uwu ẹbu uwa rre.

I Kọrinti 5:6

Ọ ma kei ne uwa na tọn egbe mu! Wa ma họn vbe a ya ẹe kpa itan wẹ, “Eyist kherhe ọre ọ ya ebrẹd hia hue.”

II Kọrinti 12:20

Afianma fian mwẹ wẹ, I gha sẹ evba, ẹ i re vbene I ho ne uwa gha ye I ra na do vba uwa, wa tobọ uwa ghi vbe miẹn wẹ, ẹ i re emwi ne uwa te ho ne imẹ gha khin ọre I khin. Afianma fian mwẹ wẹ, I gha do vba ẹzọ, oya ọmwa da ọmwa, ọkpankpan, arẹn ne egbe mwa ọkpa, ọtakhọ, kevbe ewẹwẹwẹ, uhiomwẹ kevbe otighi.

Galatia 5:15

Sokpan deghẹ te uwa ru emwi vbe atita, vbe ne uwa na kuan egbe, ye akọn rri egbe, wa ghi khẹ ye egbe ne uwa ghẹ ya miẹn egbe uhunmwu.

Galatia 5:20

ẹbọ ne a gho kevbe azẹn, emwa ghi ya eghian so egbe, iran ghi gha gbinna, oya iran ghi gha da egbe, okuo kevbe oguegue. Iran ghi gha ghae egbe ye otu kevbe oka.

Galatia 5:21

Iran ghi gha gbe ọvo egbe, iran ghi gha da ayọn gbe egbe, iran ghi gha gbe izabọbọ ẹwia kevbe avbe emwi ni khọ vberriọ. I vbe gie uwa rẹn nian, zẹ vbene I ka vbe ta ẹe yi wẹ, iran ni ru avbe emwi na, iran i sẹtin rhan obọ miẹn Arriọba Osanobua.

Galatia 5:26

Ọ ma kei ne ima gha tọn egbe mu ra ne a gha ho egbe ẹmwẹ ra ne oya egbe gha da egbe.

Galatia 6:13

Iran tobọ iran ni rhuẹ re, iran i ru vbene nene Uhi khare. Iran ho ne a rhuẹ uwa, ne iran miẹn ya gha rhuọ wẹ, wa yobọ ye ẹmwẹ iwinna ikinnegbe na.

Filipai 1:15

Ọ rhe ye rriọ, eso vbọ kpe orhu Kristi rhunmwuda oya ọmwa da ọmwa kevbe ẹmwẹ ne a ru, sokpan eso wa ya ẹkoata kpe orhu.

Filipai 2:3

Wa ghẹ ya ekhọe a gua ye ẹgẹn ọmwa ọkpa ru emwi rhọkpa, ra ekhọe a ba wẹ, sokpan wa gba gha daa ne egbe, vbene u i na ro ighẹ wẹ maa sẹ ọmwa ọvbehe.

I Timoti 2:4

Ọmwa ne ọ ho ne emwa hia fe, ne iran vbe do rẹn ẹmwata nii.

I Timoti 6:4

Uhiomwẹ ọre orhu ẹre aro, ọma rẹn emwi rhọkpa. Ẹmwẹ akuọkan ne a muan ye vbene a ta ẹe hẹ, ọre ọ rre ọre aro, ọna ọ si oya ọmwa da ọmwa rre kevbe ẹzọ, kevbe ihẹn ne a tie ne egbe, kevbe a i ghi gba ẹko egbe.

Taitọs 3:3

Rhunmwuda ẹghẹ ọkpa rrọọ ne ima tobọ ima na te vbe kọn, a i họn ẹmwẹ, a keghi vbe ba emwi ku ru. Orriarria kevbe emwi ni rhiẹnrhiẹn ughughan keghi mu ima oghunmwu. A ke gha lo ẹdẹ mwa hia vbe uwu ikhọẹko, kevbe oya ọmwa da ọmwa, emwa eso kegha khu iwu mwa, ma keghi vbe gha khọ ẹko iran.

Jems 1:18

Ekhọe obọ ẹre ọre ọ ya la ekpa ẹmwẹ ẹmwata yi ima, ne ima miẹn ehe na gha rre ukpo ne okaro vbe uwu ẹbu avbe emwi ne ọ yi hia.

Jems 3:16

Rhunmwuda, eheikehe ne oya ọmwa da ọmwa ke emwi da mwẹ ye, evba ọre a na miẹn olighi kevbe emwi dan hia.

Jems 5:19

Etẹn mwẹ a deghẹ ọkpa vbe uwu uwa bibi odẹ hin ẹmwata rre, ighẹ ọmwa ọkpa ọvbehe na dọlegbe rhie ẹre rre,