Jems 2:20 - Edo Bible (E Baibol Ẹdo) Version 1996

²⁰ Akpa! Te u ho ne a rhie maa ruẹn wẹ, iyayi, vbe ne iwinna ina rrọọ i ghẹ ẹ i mwẹ esa.

Jems 2:20 ပူးပေါင်းရင်းမြစ်များ

Itan 12:11

Ọwẹe ne ọ winna ẹse ghi gha mwẹ evbare ne ọ kpọ kua sokpan, ukọnmwẹ nọ ne a ya gha mu ẹghẹ rhia ye iwinna ne ẹ i mwẹ ere.

Jerimaia 2:5

E Nọyaẹnmwa khare wẹẹ, “De ẹzọ ne avbe erha uwa odede miẹn gunmwẹ gui yi?” De emwi ne iran ghi rhunmwuda ẹre fi iyeke gbe mwẹ? Iran tobọ iran keghi khian ne ẹ i mwẹ esa ne ọ ye.

Ebe ne Pọl gbẹẹn gie emwa Rom 1:21

Iran rẹn Osanobua, sokpan iran ma rhie uyi ne ọ khẹ kẹe nẹẹn, debare, iran ma kpọnmwẹ ọẹn. Ne iran gha na te ru vberriọ, ekhọe iran keghi do khian emwi oya fẹẹrẹ.

Ebe ne Pọl gbẹẹn gie emwa Rom 3:28

Vbene a ghi ya mu ẹmwẹ na ye owa ẹre ọrọre wẹ, iyayi ọkpa ọre ọ ye ọmwa khian ọmwata vbe odaro Osanobua, ighẹ ẹ i re ne ọ na ru vbene nene Uhi kha re.

Ebe ne Pọl gbẹẹn gie emwa Rom 9:20

Sokpan, vbe uwẹ a ke rre yi ọse mwẹ ne ọ zẹ azẹ wanniẹn ma Osanobua? Akhe vbe nọ ọmwa ne ọ maẹn wẹẹ, “Vbua na ma mwẹ vbenian hẹ yi?”

Galatia 5:6

Rhunmwuda, ma gha kugbe ba Kristi Jesu nẹ, a rhuẹ, ra ma rhuẹ, i ghi mwẹ esa ne ọ ye, emwi ne a kha ọrọre iyayi ne ọ winna vbe ekpa aho ẹmwẹ ọmwa.

Galatia 6:3

A deghẹ orhiọnkpa tie egbe ẹre ọmwa kpataki, ugbẹn vbe ẹ i mwẹ emwi ne ọ khin, egbe ẹre ọre ọ rẹrẹ.

Kọlose 2:8

Wa ghẹ gie ọmwaikọmwa ya ẹwaẹn akuọkan ne agbọn ya rẹrẹ ọmwa mu uwa oghunmwu, iruẹmwi la obọ dinna obọ, ọghe emwa, ọre ọ ke rre, kevbe obọ avbe eniwanrẹn asọn ni da kha vbe avbe ideghedeghe agbọn vbe ẹrinmwi, ighẹ ẹ i re obọ Kristi.

I Timoti 1:6

Emwa eso fi iyeke gbe emwi vberriọ nẹ, iran keghi bibi odẹ la uwu igbagbanmwẹ akpa.

Taitọs 1:10

Rhunmwuda emwa ni bun ọre ọ sọtẹ, iran ghi vbe gha ya ẹmwẹ nọ ma khian rẹn iran, rẹrẹ emwa ọvbehe, kpataki iran ne a fi ẹre ekhọe werriẹ hin ugamwẹ avbe Ju nẹdẹ rre.

Jems 1:26

Deghẹ ọmwaikọmwa ro ighẹ ọmwa ne ọ mwẹ iyayi rẹn khin, a deghẹ ẹ i rhie aranmwẹ kọ ẹho guan, iyayi ẹre i mwẹ esa.

Jems 2:17

Erriọ ọre iyayi ye, a deghẹ rẹn ọkpa wa nọ ighẹ iwinna i rrọọ, orinmwi nọ.

Jems 2:26

Rhunmwuda, zẹ vbene egbe ne orhiọn i ye, re orinmwi, erriọ zẹẹ, iyayi ne ẹ i mwẹ iwinna, orinmwi nọ.