Jems 2:17 - Edo Bible (E Baibol Ẹdo) Version 1996

¹⁷ Erriọ ọre iyayi ye, a deghẹ rẹn ọkpa wa nọ ighẹ iwinna i rrọọ, orinmwi nọ.

Jems 2:17 ပူးပေါင်းရင်းမြစ်များ

I Kọrinti 13:13

Wanwanna, iran eha ọre ọ rrọọ, iyayi, idaehọ, kevbe aho ẹmwẹ ọmwa, ne ọ sẹ re vbe uwu iran eha na ọrọre aho ẹmwẹ ọmwa.

I Kọrinti 13:3

Ọ gha khọn rẹn ne I ya emwi ne I mwẹ hia ru ẹse, uhin ya sẹ egbe ikinnegbe mwẹ ne aregbe, wẹ ne a giẹn uan vbe erhẹn, a deghẹ mẹ i mwẹ aho ẹmwẹ ọmwa, ere ọkpa ẹ i rrọọ mẹ.

Galatia 5:6

Rhunmwuda, ma gha kugbe ba Kristi Jesu nẹ, a rhuẹ, ra ma rhuẹ, i ghi mwẹ esa ne ọ ye, emwi ne a kha ọrọre iyayi ne ọ winna vbe ekpa aho ẹmwẹ ọmwa.

I Tẹsalonaika 1:3

Rhunmwuda, ma yerre vbe odaro Osanobua kevbe Erha mwa, vbene uwa ye iyayi uwa ru emwi hẹẹ, vbene aho ẹmwẹ ọmwa uwa ye uwa winna ẹsẹse hẹẹ, kevbe ne idaehọ uwa vbe uwu Nọyaẹnmwa Jesu Kristi ye gbain hẹ.

I Timoti 1:5

Emwi ne I rhunmwuda ẹre yi iyi na ọrọre, ne ọ gua ẹe kpao ighẹ aho ẹmwẹ ọmwa ne ekhọe sẹẹnrẹn, orhiọn ne ekhọe ẹre i gu gui, kevbe iyayi ne ẹ i re ọghe ababa.

Jems 2:14

Etẹn mwẹ, de esa ne ọ khin vbe orhiọnkpa a kha wẹ, “Mẹ mwẹ iyayi,” i ghẹ uyinmwẹ ọnrẹn ma rhie maa vberriọ? Iyayi nii gha sẹtin miẹn rẹn fan ra?

Jems 2:26

Rhunmwuda, zẹ vbene egbe ne orhiọn i ye, re orinmwi, erriọ zẹẹ, iyayi ne ẹ i mwẹ iwinna, orinmwi nọ.