Jems 2:14 - Edo Bible (E Baibol Ẹdo) Version 1996

¹⁴ Etẹn mwẹ, de esa ne ọ khin vbe orhiọnkpa a kha wẹ, “Mẹ mwẹ iyayi,” i ghẹ uyinmwẹ ọnrẹn ma rhie maa vberriọ? Iyayi nii gha sẹtin miẹn rẹn fan ra?

Jems 2:14 ပူးပေါင်းရင်းမြစ်များ

Jerimaia 7:8

Ghe, ẹmwẹ erẹrẹ ọ re uwa mu ẹtin yan.

Matiu 5:20

Ne I tama uwa, deghẹ ẹ i re te uyinmwẹ ẹmwata ọwua maa sẹ ọghe avbe ni ma emwa Uhi kevbe Farisi, wa i sẹtin la Arriọba ẹrinmwi.

Iyẹn ne ọ Maan Ọghe Luk 3:11

Rẹn wanniẹn tama iran wẹẹ, “Ọmwa ne ọ vbe mwẹ ẹwu eva, wẹ ne ọ rhie ọkpa ne ẹ i mwẹ, ọmwa ne ọ vbe mwẹ evbare, wẹ ne ọ yae ghae.”

Iyẹn ne ọ Maan Ọghe Luk 6:49

Sokpan ọmwa ne ọ họn ẹmwẹ mwẹ ne ọ ma ya ẹe ru emwi, ọ ye vbe ọmwa ne ọ bọ owa vbe ne ọ ma na gbe ẹyotọ, ugbẹn vbe ulẹmwẹ amẹ dekun owa ni, vbe ọwarọkpa, ọ keghi wa de rẹnkhẹn uan! U miẹn vbe ọ guọghọ ua hẹẹ!”

Iwinna 15:9

Ọ ma vbe rhie alughaẹn ye ẹkpo ima vbe iran, ọ ya orukhọ iran bọ iran rhunmwuda ighẹ iran yayi.

Iwinna 8:13

Saimọn tobọ ẹre keghi vbe yayi, a ghi sa amẹ nẹẹn nẹ, ọ keghi wa ya egbe ba e Filip, unu keghi yaẹn ẹsẹse vbe ọ miẹn iwinna ama kevbe ọyunnuan ne Filip gha winna.

Iwinna 8:21

Iwinna mwa ma kan ruẹn, u i vbe mwẹ oghae vbọ, rhunmwuda ekhọe ruẹ ma mudia ẹse vbẹ odaro Osanobua.

Ebe ne Pọl gbẹẹn gie emwa Rom 2:25

U gha ru vbene nene Uhi khare, ọre arhuẹ ruẹ na mwẹ esa. Sokpan adeghẹ u i ru vbene nene Uhi kha re, esa ne ọ ma rhuẹ ọre u ye.

I Kọrinti 15:2

Ọnii nọ wẹ iyẹn ne ọ maa, ẹmwẹ ne I kpe orhu ẹre ma uwa. Iyẹn Ne ọ maa na ọre a ya miẹn uwa fan, a deghẹ wa daeyi gbangbaangban, sokpan a ma gha kha ighẹ te uwa yayi kua kẹkan.

I Kọrinti 16:22

Ọmwaikọmwa ne ọ ma ho ẹmwẹ Nọyaẹnmwa, gha dee! Maranatha — Nọyaẹnmwa, rre!

Galatia 5:13

Zẹ vbe ọghe uwa, etẹn mwẹ, te a tie uwa la hin uwu ọviẹn rre, sokpan wa ghẹ gie ẹmwẹ egbe mwẹ I gue na, gha re ne uwa gha mu zẹ asa ne emwi ne egbe uwa guẹe, gha na maghan uwa. Sokpan wa gie aho ẹmwẹ ọmwa gha ya uwa ga egbe.

Galatia 5:6

Rhunmwuda, ma gha kugbe ba Kristi Jesu nẹ, a rhuẹ, ra ma rhuẹ, i ghi mwẹ esa ne ọ ye, emwi ne a kha ọrọre iyayi ne ọ winna vbe ekpa aho ẹmwẹ ọmwa.

I Tẹsalonaika 1:3

Rhunmwuda, ma yerre vbe odaro Osanobua kevbe Erha mwa, vbene uwa ye iyayi uwa ru emwi hẹẹ, vbene aho ẹmwẹ ọmwa uwa ye uwa winna ẹsẹse hẹẹ, kevbe ne idaehọ uwa vbe uwu Nọyaẹnmwa Jesu Kristi ye gbain hẹ.

I Timoti 1:5

Emwi ne I rhunmwuda ẹre yi iyi na ọrọre, ne ọ gua ẹe kpao ighẹ aho ẹmwẹ ọmwa ne ekhọe sẹẹnrẹn, orhiọn ne ekhọe ẹre i gu gui, kevbe iyayi ne ẹ i re ọghe ababa.

I Timoti 4:8

Egbe ne a ya sa ekhae, vbe maa, sokpan odẹ hia ọre isekhae ọghe orhiọn na maa, rhunmwuda, a rẹnrẹn ighẹ a gha la ẹe miẹn arrọọ, vbe ẹghẹ na kevbe ẹghẹ ne ọ dee.

Taitọs 1:16

Iran ghi gha ye unu kha ighẹ iran rẹn Osanobua, sokpan uyinmwẹ iran ghi gha kha ighẹ ohoghe nọ. Iran ghi vuọn ne ẹkokhọmwẹ, iran i họn ẹmwẹ, iran i vbe sẹtin ru emwi ne ọ maa rhọkpa.

Taitọs 3:8

Ẹmwata ọre ẹmwẹ na khin. I ho ne u kakabọ tua unu mu ẹmwẹ na, ne iran ni ya Osanobua yi miẹn ehe na mu aro ye ẹmwẹ iwinna esi ne a winna. Ena ọrọre emwi ne ọ maa kevbe ne ọ ke ne emwa.

Hibru 11:17

Iyayi ọre ọ ya Ebraham ya Aizik ne ovbi ẹre zọ ese vbe Osanobua danmwẹ Ebraham ghe. Ebraham ọrọre ọmwa ne Osanobua ve ẹre emwi, sẹ evba, ọ keghi wa ye mu egbe ne ọ ye ovbi ẹre ne ukpọmọkpa zọ ese.

Hibru 13:9

Wa ghẹ gie iruẹmwi ughughan ne a ma he ka rẹn, bi uwa hin urodẹ ẹmwata rre. Ọ kere ne a ya ẹsọhẹ Osanobua ye orhiọn ima khian ni wo vbe egbe, i ghẹ ẹ i re a ru emwi ne uhi kha re vbe ekpa evbare, iran ni ka ru vbene avbe uhi nii khare yi, ma miẹn emwi ọkpa ne iran miẹn vbọ.

Jems 1:16

Wa ghẹ gia rẹrẹ uwa re etẹn mwẹ ni ghan.

Jems 2:16

De esa ne ọ khin vbe uwẹ a tama iran wẹ, “Osanobua ne ọ fiangbe uwa. Wa ghẹ bannọ egbe ye oni, wa rri evbare ẹse.” Vbene uwẹ ma na rhie emwi ne a ya gaga egbe vbe agbọn ne iran?

Jems 2:18

Sokpan orhiọnkpa sẹtin kha wẹ, “Wẹ mwẹ iyayi, mẹ mwẹ iwinna.” Ewanniẹn mwẹ ọrọre wẹ, “Tama mwẹ vbene u gha sẹtin gha mwẹ iyayi hẹẹ vbene iwinna ina rrọọ, mẹ gha ya iwinna rhie iyayi mwẹ ma ruẹn.”

Jems 2:26

Rhunmwuda, zẹ vbene egbe ne orhiọn i ye, re orinmwi, erriọ zẹẹ, iyayi ne ẹ i mwẹ iwinna, orinmwi nọ.

II Pita 1:5

Rhunmwuda emwi vbe nian, wa ziga vbe ẹtin uwa hia, ne uwa rhie umamwẹ ba iyayi uwa, wa ghi rhie irẹnmwi ba umamwẹ uwa,