Jems 2:11 - Edo Bible (E Baibol Ẹdo) Version 1996

¹¹ Rhunmwuda ọmwa ne ọ khare wẹ, “Ghẹ ghẹ,” ọre ọ vbe kha wẹ, “Ghẹ gbe ọmwa ran.” Gia kha wẹ, u ma ghẹ u rra uhi nẹ a deghẹ u gbe ọmwa ran.

Jems 2:11 ပူးပေါင်းရင်းမြစ်များ

Levitikọs 4:13

“Ọ gha re ivbi Izrẹl hia ọre ọ ru orukhọ, ighẹ te iran rra ọkpa vbe uwu uhi e Nọyaẹnmwa vbene ẹ i na re ẹmwẹ iran.

Levitikọs 4:2

“Ne ọ tama ivbi Izrẹl wẹ ọmwaikọmwa gha rukhọ, ọ na rra uhi ẹ Nọyaẹnmwa, vbene ẹ i na re ẹmwẹ ọnrẹn, emwi ne ọ gha ru ena khin.

Levitikọs 4:22

“Ọ gha re enogie ẹre ọ rukhọ, ighẹ ọ rra uhi e Nọyaẹnmwa vbe ne ẹ i na re ẹmwẹ ọnrẹn.

Matiu 19:18

Rẹn keghi vbe nọ Jesu wẹẹ, “De uhi ne ọ khin?” Jesu keghi wanniẹn, “Ghẹ de izigha, ghẹ ghẹẹ, ghẹ rhaa, ghẹ ta ohoghe.

Iyẹn ne ọ Maan Ọghe Mak 10:19

Deghẹ u rẹn uhi ghẹ do izigha. Ghẹ ghẹe, ghẹ rhaa, ghẹ ta ohoghe, ghẹ do ẹki ogberhu, ye ọghọ ne erha kevbe iyuẹ.”

Iyẹn ne ọ Maan Ọghe Luk 18:20

Deghẹ u rẹn avbe Uhi: ‘Ghẹ ghẹ, ghẹ de izigha, ghẹ rhaa, ghẹ ta ohoghe, ya ọghọ ne erha a kevbe iye uẹ.’ ”

Ebe ne Pọl gbẹẹn gie emwa Rom 13:9

Avbe uhi na, “Ghẹ ghẹ, ghẹ di zigha, ghẹ rha, ghẹ ye aro ye emwi ẹrrẹe,” ena hia kevbe ọvbehe ne ọ rhirhi gha khin, uhi ọkpa ọre a ya fian ehia ifi wẹ, “Ho ẹmwẹ ogieva ruẹ zẹ vbene u ho ẹmwẹ egbe ruẹ.”