Jems 1:13 - Edo Bible (E Baibol Ẹdo) Version 1996

¹³ A deghẹ a ya egbe edanmwẹ vberriọ rhuan ọmwa ghe, wẹ ne ọ ghẹ gha kha wẹ, “Obọ Osanobua edanmwẹ na ke rre.” Rhunmwuda a i sẹtin ye ọkhọ danmwẹ Osanobua ghe, rẹn tobọ ẹre i vbe danmwẹ ọmwa rhọkpa ghe.

Jems 1:13 ပူးပေါင်းရင်းမြစ်များ

Gẹnẹsis 22:1

Ọ ghi kpẹe fua kherhe, Osanobua keghi danmwẹ Ebraham ghe; ọ tama rẹn wẹẹ, “Ebraham!” Ebraham keghi wanniẹn wẹẹ, “Ghe mwẹ, I danmwehọ!”

Gẹnẹsis 3:12

Okpia nii ke wanniẹn wẹẹ, “Okhuo ne u ma rhie ke mwẹ, ọre ọ rhie ọmọ erhan nii mẹ, mẹ keghi rriọe.”

Aizaia 63:17

Vbua ghi na gie ima bibi hin odẹ ruẹ rre hẹ yi? Vbua ghi na gie ima zevbudu sẹrriọ, ne ima ghi na fi iyeke gbe uwẹ? Werriegbe rre, rhunmwuda iran ni ga uwẹ, rhunmwuda iran ni wa re ọwuẹ, ke otọe gha dee.

Matiu 4:7

Jesu keghi vbe wanniẹn tama rẹn wẹẹ, “Sokpan ebe nọhuanrẹn vbe tae nẹ wẹẹ, ‘Ghẹ danmwẹ Osanobua Nọyaẹnmwa ruẹn ghe.’ ”

Jems 1:12

Afiangbe nọ ne ọmwa ne ọ ziẹn egbe vbe a gha danmwẹ ọẹn ghe, rhunmwuda a deghẹ ọ ma rrie edanmwẹ, ọ gha miẹn arrọọ rhie zẹ vbe ne Osanobua ve iran ni ho ẹmwẹ ọnrẹn re.

Jems 1:14

Emwi dan ne ọmwa ho ghẹ ghi bi ẹre uhunmwu fua nẹ, i ghẹ ifi ẹre ghi mu ẹn nẹ, ẹghẹ ni, ọ ghi de fi uwu edanmwẹ.

Jems 1:2

Etẹn mwẹ, a deghẹ edanmwẹ ughughan ghi vba uwa, wa ghi gha ka egbe uwa ye ne uhunmwu ẹnrẹn maa.