I Timoti 6:3 - Edo Bible (E Baibol Ẹdo) Version 1996

³ Ọmwa ne ọ rhirhi ma emwa emwi ọvbehe, ne ọ ma gu ẹmwẹ ẹmwata ọghe Nọyaẹnmwa Jesu Kristi kevbe iruẹmwi iyayi mwa ro.

I Timoti 6:3 ပူးပေါင်းရင်းမြစ်များ

Itan 15:4

Ẹmwẹ itohan te ọ rhie arrọọ rre, sokpan, ẹmwẹ ọbe, te ọ gbe orhiọn.

Matiu 22:21

Iran wanniẹn tama rẹn wẹẹ, “Ọ ghe Nọgbaisi nọ” Jesu wanniẹn tama iran wẹẹ, “A deghẹ erriọ nọ, wa rhie ne ọre ọghe Nọgbaisi ne ẹn ne uwa vbe rhie ne ọ re ọghe Osanobua ne Osanobua.”

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Ebe ne Pọl gbẹẹn gie emwa Rom 16:17

Gun mwẹ tama uwa etẹn mwẹ, wa gha baba iran ni si iwannegbe rre ne iran na vbe mu iyayi emwa eso rhia ye iran obọ, iran ni ghe odan ye iruẹmwi ne uwa ka rhan obọ miẹn nẹ, wa gha lẹ ne iran.

I Tẹsalonaika 4:8

Rhunmwuda ọnii, ọmwaikọmwa ne ọ ma rhan obọ miẹn iruẹmwi na, ẹ i re ọmwa ne agbọn ọre ọ ma rhan obọ miẹn ighẹ Osanobua ne ọ rhie nene iruẹmwi rre nọ, ọmwa ne ọ rhie Orhiọn Ne Ọ Huanrẹn ọghọe ne uwa.

I Timoti 1:10

Iran ni gbe alama oghẹ, iran ne ẹmwẹ oghẹ khian ẹre ọvbehe, iran ni do ọmwa mu, iran ni ta ohoghe, ra ni ta emwi ne aro iran ma sẹ, ra ni ru emwikemwi ne ọ lughaẹn ne iruẹmwi ẹmwata nii.

I Timoti 1:3

I ho ne u tota vbe Ẹfisọs, zẹ vbe ne I ka tama ruẹn ẹghẹ ne I na gha gberra rrie Masidonia. Emwa eso vbe evba ma emwa iruẹmwi ohoghe, u ghi wẹ ne iran da obọ ẹre yi.

I Timoti 1:6

Emwa eso fi iyeke gbe emwi vberriọ nẹ, iran keghi bibi odẹ la uwu igbagbanmwẹ akpa.

II Timoti 1:13

Wẹ gha rhie owẹ lele ẹmwẹ ẹmwata ne I ma ruẹn re, zẹ vbe igiemwi ne u gha lele, u ghi mudia ye uwu iyayi kevbe aho ẹmwẹ ọmwa ne ọre ọghomwa vbe uwu a ya egbe ba Kristi Jesu.

II Timoti 4:3

Rhunmwuda ẹghẹ dee ne emwa i gha ra na danmwehọ iruẹmwi ẹmwata, sokpan iran ghi lele ne ọ khọn iran, iran ghi silo avbe emamwaemwi gboo ne egbe iran, ne iran gha ta egbe ẹmwẹ ne ohanmwẹ ọnrẹn gbe iran ma iran.

Taitọs 1:1

E Pọl ne ọguọmwadia Osanobua, kevbe ukọ ọghe Jesu Kristi, ọre ọ gbẹn ebe na rre. Te a hannọ mwẹ zẹ, a na vbe gie mwẹ wẹ, ne I ya ru iyobọ ne iyayi emwa ne Osanobua hannọ zẹ, kevbe ne I vbe dia iran ye odẹ ẹmwata, zẹ vbene iwinna ugamwẹ mwa ma emwa ẹre.

Taitọs 1:9

Ọ ghi gha re ne ọ yobọ da ẹmwẹ nii yi gbangbaangban, ẹmwẹ nii ne ọ gia mu ẹtin yan kevbe ne ọ gu iruẹmwi nii ro. Odẹ vberriọ ọre ọ gha na sẹtin ye iruẹmwi ẹmwata nii, rhie igiẹdu ne emwa ọvbehe, ọ ghi vbe sẹtin rhie ehe ne iran ni gbe odan yọ na ba odẹ ku, ma agbọn.

Taitọs 3:8

Ẹmwata ọre ẹmwẹ na khin. I ho ne u kakabọ tua unu mu ẹmwẹ na, ne iran ni ya Osanobua yi miẹn ehe na mu aro ye ẹmwẹ iwinna esi ne a winna. Ena ọrọre emwi ne ọ maa kevbe ne ọ ke ne emwa.