I Timoti 6:2 - Edo Bible (E Baibol Ẹdo) Version 1996

² Eviẹn ọmwa ne arowa ẹre re ọmwa ne ọ yayi, wẹ ne iran ghẹ miẹn iran fo rhunmwuda ighẹ etẹn iran khin, sokpan te ọ kere ne iran gha ga iran sẹ ayọ, rhunmwuda emwa ne ọ rri ere iwinna ne iran winna keghi vbe re emwa ni yayi ne iran ho ẹmwẹ ọnrẹn. U ghi ye emwi na kpe orhu, u ghi vbe ya ẹe gha ma emwa emwi.

I Timoti 6:2 ပူးပေါင်းရင်းမြစ်များ

Joẹl 2:28

“Vbe okiekie, I gha hihiẹ orhiọn mwẹ yan dọmwadẹ emwa, ivbi uwa nikpia kevbe ivbi uwa nikhuo ghi gha ta uhunmwu ne I gie; avbe ọmaẹn ghi gha mina, avbe igbama ghi gha miẹn umian.

Nọmbas 16:3

Iran keghi do si egbe koko ye odaro e Mosis kevbe Errọn, iran tama iran wẹẹ, “Ọwua tua gbe, e Nọyaẹnmwa ọre ọ yan emwa nii hia, e Nọyaẹnmwa vbe rrọ yaba ima hia. Vbọzẹ ne uwẹ ne Mosis na ghi tọn egbe ruẹ mu yan emwa e Nọyaẹnmwa na hia?”

Matiu 23:8

Wa ghẹ gie a gha tie uwa ‘Ọmamwaemwi’ rhunmwuda etẹn ọkpa wa hia khin, Ọmamwaemwi ọkpa ọre uwa vbe mwẹ.

Matiu 25:40

Ọba ghi wanniẹn wẹẹ, ‘Ne I tama uwa, ẹghẹikẹghẹ ne uwa ya ru egbe emwi vberriọ ne ne ọ kanmwa sẹ vbe uwu iran ne etẹn mwẹ na, wa ruẹe mẹ nẹ.’

Matiu 6:24

“Orhunmwu ọkpa ne ọ gha sẹtin ga arowa eva, ẹ i rrọọ. Ọ gha ho ẹmwẹ ọkpa, ọ ghi gha khuiwu enogieva, ọ gha họn ẹmwẹ ne ọkpa, ọ ghi gha yan enọkpa zẹ, wẹ i sẹtin ga Osanobua ga igho.

Iwinna 1:15

Vbe iyeke ikpẹdẹ eso, iran ni yayi keghi si koko ye ehe ọkpa, ehia keghi gha re iyehan (120), Pita keghi kpaegbe, ọ na gha guan, ọ wẹẹ,

Ebe ne Pọl gbẹẹn gie emwa Rom 11:17

A ghi giagia ahọ eso kua vbe erhan ohọ ne a kọe, a keghi do mu abọ erhan ohọ ni rre oha mama yọ. Wa ne ẹ i re Ju, te uwa yevbe erhan ohọ ni rre oha nii, wanwan nian, agbọn ẹfe kevbe ne ọ mwẹ ẹtin ne ọre ọghe avbe Ju, sẹ uwa obọ.

Ebe ne Pọl gbẹẹn gie emwa Rom 8:29

Rhunmwuda avbe iran ne Osanobua hannọ zẹ nẹ, ọre irẹn vbe viọ ye efọnkpa ne iran do ye vbe Ovbi ẹre, ne Ọmọ miẹn ehe na do gha re okaro vbe uwu ẹbu etẹn ni bun.

Galatia 5:6

Rhunmwuda, ma gha kugbe ba Kristi Jesu nẹ, a rhuẹ, ra ma rhuẹ, i ghi mwẹ esa ne ọ ye, emwi ne a kha ọrọre iyayi ne ọ winna vbe ekpa aho ẹmwẹ ọmwa.

Ẹfisọs 1:1

E Pọl, ọmwa ne ọ re ukọ Osanobua ne ọ winna ne Kristi Jesu vbe ekpa iho Osanobua, ọre ọ gbẹn ebe na gie emwa Osanobua ni rre Ẹfisọs, iran ni mudia ẹse vbe uwu ẹdẹ agbọn iran vbe uwu Kristi Jesu.

Ẹfisọs 1:15

Ọna ọre ọ sii ẹe ne a na miẹn wẹ, ke ne I ya họn ẹmwẹ iyayi uwa vbe uwu Nọyaẹnmwa Jesu, kevbe aho ẹmwẹ ọmwa ne uwa mwẹ ghe emwa Osanobua hia,

Ẹfisọs 3:6

Nene oro ọ na khin wẹẹ, rhunmwuda iyẹn ne ọ maa, iran ne ẹ i re Ju, vbe gu iran ne Ju ghae vbe afiangbe Osanobua ina egbe ọkpa nii ọre iran hia khin, iran vbe mwẹ oghae vbe emwi ne Osanobua la ekpa Kristi Jesu ve.

Kọlose 1:2

Gie emwa Osanobua ni rre Kọlose, iran ni re etẹn ẹmwata vbe uwu Kristi. Te Osanobua ne Erha mwa gha rhie ẹsọhẹ kevbe ọfumwegbe ne uwa.

Kọlose 1:4

Rhunmwuda, ma họn ẹmwẹ iyayi uwa vbe uwu Kristi Jesu kevbe aho ẹmwẹ ọmwa ne uwa mwẹ ghe emwa Osanobua hia.

Kọlose 4:1

Wa ne arowa, wa gha ya obọ ne ọ kere kevbe ne ọ maa mu avbe eviẹn uwa. Wa yerre ighẹ wa tobọ uwa vbe mwẹ Arowa vbe ẹrinmwi.

II Tẹsalonaika 1:3

Te ima gha kpọnmwẹ Osanobua ne uwa vbe ẹghẹ hia etẹn mwẹ. Ọ kere ne ima gha ru vberriọ, rhunmwuda, iyayi uwa wa mobọ wan yọ, kevbe aho ẹmwẹ ọmwa ne uwa mwẹ ghe egbe, wa vbe mu otọ yọ.

I Timoti 4:11

Gha yi avbe emwi na iyi, ne u vbe gha ma emwa ẹre.

I Timoti 5:1

Ghẹ gu ọmwa ne ọwan sẹ ruẹ gui, sokpan heko gu ẹe guan vbene a miẹn wẹ erha a nọ. Gha ya obọ mu iran ne u wan sẹẹ, zẹ vbe etuẹn ne ikpia,

Taitọs 2:1

Sokpan, wẹ ghi gha ma emwa emwi zẹ vbene iruẹmwi ne ọ gbae kha re.

Taitọs 2:15

Gha ma emwa avbe emwi na hia, vbe gha lo asẹ hia ne ọ gu ẹe vbe uwu ẹghẹ ne u na rhie igiẹdu ne iran, kevbe ne u na vbe gu iran gui hin ọkhọ rre, ighẹ iran ni danmwehọ ruẹ. Ghẹ gie ọmwa rhọkpa vbe uwu iran ye aro gue uẹ re.

Taitọs 3:8

Ẹmwata ọre ẹmwẹ na khin. I ho ne u kakabọ tua unu mu ẹmwẹ na, ne iran ni ya Osanobua yi miẹn ehe na mu aro ye ẹmwẹ iwinna esi ne a winna. Ena ọrọre emwi ne ọ maa kevbe ne ọ ke ne emwa.

Hibru 3:1

Etẹn mwẹ vbe uwu Kristi, emwa ne Osanobua vbe tie. Wa ghe Jesu ne Osanobua gie ne ọ do gha re Ogie Ohẹn ọghe iyayi mwa.

Hibru 3:14

Rhunmwuda, otu Kristi ma hia ye, deghẹ ma mu uhunmwu kọ ẹe gbangbaangban, ya sẹ ufomwẹ, ighẹ a mu ẹtin yan ne ima gha mwẹ vbe omuhẹn.

I Pita 5:1

I mu egbe rri otọ rinmwian avbe ediọn esọsi ni rre uwu uwa, mẹ tobọ mwẹ ne ọ vbe re ediọn, aro mwẹ sẹ oya ne Kristi re, ọ gha vbe sẹ mwẹ obọ vbe uwu uyi ne a gha rhie maa, I mu egbe rri otọ rinmwian uwa.

II Pita 2:10

Ibiba avbe emwa ni lele orriarria emwi ohọhọ egbe iran, iran na vbe yagha ẹtin Osanobua. Avbe emamwaemwi ohoghe na keghi re emwa itengbemu, ni vbe ze vbe udu. Iran i ya ọghọ ne emwi ni rrọ ni mwẹ uyi, ni rre odukhunmwu, sokpan, iran ghi gha ya ukpẹ sakan iran.

Ebe ne Jud gbẹẹn 1:8

Erriọ ọ vbe ye, avbe emwa na miẹn umian, ne ọ ya iran ru orukhọ ghe egbe iran, iran ghi zan asẹ Osanobua, iran ghi gha ya ukpẹ sakan emwi ni mwẹ uyi ni rre odukhunmwu.