I Timoti 5:8 - Edo Bible (E Baibol Ẹdo) Version 1996

⁸ Sokpan, a deghẹ ọmwaikọmwa ma gbe aro ghe emwa rẹn, kpataki iran ni re etẹn ọnrẹn, ọ fi iyeke gbe nene iyayi nẹ, ọ wa rhia sẹ ne ọ ma yayi.

I Timoti 5:8 ပူးပေါင်းရင်းမြစ်များ

Gẹnẹsis 30:30

Ekherhe ne u te mwẹ vbe I te rre keghi do khian ọrhẹnrhẹn, e Nọyaẹnmwa keghi rhunmwuda mwẹ fiangbuẹ vbe ehe ne I rhirhi a yo. Eban nian, ọ sẹe ne I gha ru Ọghe ne egbe mwẹ.”

Aizaia 58:7

Wa fian ne iran ne ohanmwẹ gbe vbe evbare uwa, ne uwa vbe gha gie iran ne ivbiogue ne ẹ i mwẹ owa gha la owa uwa. Wa gha viọ ukpọn ne iran ne ẹ i miẹn rhuan, ne uwa ghẹ he ne uwa ru iyobọ ne etẹn uwa.

Matiu 18:17

Sokpan deghẹ ọ ma vbe zẹ ye iran ẹre, ya gui ẹzọ ruẹ hia ma esọsi. Deghẹ ọ ma vbe zẹ ye esọsi re, u ghi wa kae ba ọrriọvbe ra iran ni koko igho uhunmwu.

Matiu 7:11

Vbene uwa ghi vbe rhia sẹ, wa ye rẹn ya gha rhie emwi ne ọ maa ne ivbi uwa, wa ma ghi la evba rẹn ighe Erha uwa ne ọ rre ẹrinmwi gha viọ emwi esi ne iran ni nọrẹn vbe obọ ẹre.

Iyẹn ne ọ Maan Ọghe Jọn 15:22

Iran ghẹ i rri abe emwi rhọkpa akpawẹ mẹ ma rre do gu iran guan, vbene ọ ghi ye na nian, iran i ghi miẹn emwi mu ẹmwẹ orukhọ iran na.

I Kọrinti 6:6

Ne uwa gha na te ru vberriọ, ọtẹn ọkpa ghi mu ọtẹn ọvbehe ye iko, ne iran ni ma yayi gha bu ohiẹn ni.

II Kọrinti 12:14

Ukpo eha ọ na khin ne I khian he do miẹn uwa aro na sẹvba, I i ra ye vbe ya ye uwa egbe. Wa tobọ uwa ọre I gualọ ighẹ ẹ i re igho uwa. A deghẹ erriọ te nọ, emọ ọre ọ ma koko erha, ẹ i re erha ọre ọ koko emọ.

II Kọrinti 6:15

Vbe Kristi kevbe Setan khian gba gu egbe gha rọ hẹ yi? De emwi ne nọyayi kevbe nọma yayi na re ọkpa yi.

Galatia 6:10

Rhunmwuda ọnii, ẹghẹikẹghẹ ne a ya miẹn otọ, wa gie a gha ru emwa hia ẹse, sokpan sẹe hia sẹẹ hia, iran ne ima gba re ọkpa vbe ẹgbẹe iyayi.

II Timoti 2:12

Deghẹ ma ye zin egbe, ma gha vbe gu ẹe dakha. Deghẹ ma siẹn ọẹn, rẹn gha vbe siẹn mwa.

II Timoti 3:5

Iran de obọ mu avbe emwi ne a ru ne agbọn miẹn, ni rre iyayi mwa, iran ghi he ẹtin ne ọ rrọọ. Wa bi egbe ne avbe emwa na.

Taitọs 1:16

Iran ghi gha ye unu kha ighẹ iran rẹn Osanobua, sokpan uyinmwẹ iran ghi gha kha ighẹ ohoghe nọ. Iran ghi vuọn ne ẹkokhọmwẹ, iran i họn ẹmwẹ, iran i vbe sẹtin ru emwi ne ọ maa rhọkpa.

II Pita 2:1

Vbe ẹghẹ ne ọ gberra, a miẹn avbe emamwaemwi ohoghe ni bun vbe uwu ẹbu iran, erriọ wa vbe nọ, a gha vbe miẹn avbe emamwaemwi ohoghe vbe uwu uwa. Iran gha ma emwa iruẹmwi omurhia kevbe ohoghe, iran ghi vbe siẹn Arowa iran ne ọ miẹn iran fan, iran ghi la ekpa ọnii si ọfuan udomwurri mu rhu egbe iran uhunmwu.

Ebe ne Jud gbẹẹn 1:4

Rhunmwuda, emwa dan eso rẹnrẹn la uwu ima vbe ne a ma na rẹn, iran gha mu ikporhu ẹmwẹ ẹsọhẹ Osanobua khian ne iran miẹn ehe na rhie otọ ne uyinmwẹ alama oghẹ iran, ne iran miẹn ehe na he Jesu Kristi ye otọ, ọmwa ne ọre Arowa ọkpa ne ima mwẹ kevbe Nọyaẹnmwa. Ẹghẹ ne ọ kpẹre ne ọ gberra, ọre Ebe ta ẹmwẹ a bu abe gbe emwa na, ye otọ ighẹ ne ọ do sẹ iran egbe na.

Arhie Maan 2:13

I rẹn ehe ne u ye, evba nii nọ ighẹ ehe ne ẹkete Setan ye. Te u wa rhie egbe lele mwẹ, u ma mu iyayi ruẹ fi otọ, uhin ya sẹ ne iran na gbẹe rua vbe ehe ne Setan ye ighẹ Antipas ne ọguọmwadia ẹmwata mwẹ.

Arhie Maan 3:8

I rẹn emwi ne u ru, I rẹnrẹn i ghẹ ẹtin kherhe ọ re u mwẹ, u wa rhie ekhọe lele emwi ne I ma ruẹn re, u keghi wa vbe rhie egbe mu mwẹ. I kie urho ọkpa ye otọ nuẹn, ọmwa ne ọ gha sẹtin khui ẹre, ẹ i rrọọ.