I Timoti 5:3 - Edo Bible (E Baibol Ẹdo) Version 1996

³ Gha ya oghẹ ne avbe ikhuo ni de ẹgbẹ ni re ẹgbẹ ne ẹgbẹ.

I Timoti 5:3 ပူးပေါင်းရင်းမြစ်များ

Job 29:13

Emwa ne ẹmwẹ agbọn hie ẹre uke kegha tian mwẹ, I keghi yi avbe ẹgbẹ obọ ne ẹkun sẹ iran otọ.

Job 31:16

“I ma he he ẹdẹ ne I ru iyobọ ne ovbiogue, I ma he giẹ agbọn khan avbe ẹgbẹ ẹdẹ,

Psalm 146:9

Ọ degue avbe ọrriọvbe ni rre otọe mwa, ọ ru iyobọ ne avbe ẹgbẹe kevbe emọ ni i mwẹ erha, sokpan, ọ ghi zagha uma emwa dan an.

Psalm 68:5

Osanobua ne ọ rre uwu Ọgua Osa ẹre nọhuanrẹn gbearoghe ọ re ọ gbearoghe avbe emọ ni i mwẹ erha rẹn ọ re ọ degue avbe ẹgbẹe.

Psalm 94:6

Iran gbele avbe ẹgbẹe kevbe emọ ne ẹ i mwẹ erha iran keghi vbe gbele avbe erriọvbe ni rre otọe mwa.

Ẹksọdọs 20:12

“Ya ọghọ ne erha a kevbe iye uẹ ne u miẹn ehe na tọ vbe otọ ne imẹ ya nuẹn.

Jerimaia 49:11

“Wa sẹ avbe emọ ne ẹ i mwẹ erha uwa rae mẹ, I gha gbearoghe iran. Avbe ikhuo ni dẹgbẹ vbe uwu uwa sẹtin yaro khọ mwẹ.

Matiu 15:6

ohan i ghi gi ẹe dọlegbe ya ẹe mu ọghọ ye erha e ra iye ẹe egbe. Erriọ ọre uwa ya zẹ uhi Osanobua kọ, ne uwa miẹn ehe na mu ọghe uwa sẹ.

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

Iyẹn ne ọ Maan Ọghe Luk 2:37

Ọdọ re ghi vbe wu nẹ, ọ keghi vbe ya ukpo enẹ yan iyenẹ ru ẹgbẹ. Ẹ ghi kpao vbe Ọgua Osa rre. Asọn vbe avan ọre ọ ya ga Osanobua vbe aguẹ kevbe erhunmwu.

Iyẹn ne ọ Maan Ọghe Luk 7:12

Ugbẹn vbe ọ ghi wa sẹ onurho ẹvbo ni, emwa ni mu orinmwi khian kegha gbe usun ladian. Okpia ne ọ wu na kegha re ukpọmọkpa ne okhuo ni wa mwẹ, ẹgbẹ vbe nọ, iran ni bun keghi vẹ lele ẹe ke ore ẹvbo gha dee.

Iyẹn ne ọ Maan Ọghe Jọn 1:47

Ugbẹn vbe Jesu ghi bẹghe Nataniẹl Vbe ọ bu ẹre dee, ọ wẹẹ, “Ghe Ovbi Izrẹl vbe ẹmwata, ẹko ne ero i ye.”

Iwinna 6:1

Ọ ghi kpẹe kherhe, vbe avbe erhuanegbe ghi bun yọ nẹ, imuaẹmwẹ keghi do gha rrọọ ne avbe Ju ni rre owa kevbe avbe Ju ni zẹ ẹvbo Grik. Avbe Ju ni zẹ Grik keghi kha wẹ iran gha ghae evbare, iran i ghae sẹ avbe ẹgbẹe ni re ọghe iran vbọ obọ.

Iwinna 9:39

Rhunmwuda ọnii, Pita mu egbe ọ keghi lele iran gha khian. Ọ ghi sẹ evba, iran keghi rhie ẹre gha rrie nene ughugha vbe egedege. Avbe ẹgbẹe hia keghi mama rhuẹe, iran gha viẹ, iran kegha viọ ẹwu ọkotọ kevbe ọkodukhunmwu ne a sele vbe ẹghẹ ne ọ na rre agbọn ma emwa.

Iwinna 9:41

Pita keghi nien obọ ya ru iyobọ nẹ ne ọ kpaegbe, ọ keghi tie emwa iyayi nii, kevbe avbe ẹgbẹe, ọ keghi rhie ẹre ne iran ke ẹe kevbe ẹmwẹ ne unu.

Diuteronomi 10:18

“Ọ gie a miẹn wẹ obọ esi ọ re ọ ya mu avbe udefiagbọn kevbe ẹgbẹe. Ọ ho ẹmwẹ avbe erhunmwuyẹn, ni rre uwu ima, ọ ghi vbe rhie evbare kevbe ukpọn ne iran.

Diuteronomi 14:29

Evbare na. ọghe avbe Livai nọ vbe ne a na miẹn wẹ iran imwẹ emwi obọ iran, kevbe avbe orhunmwuyẹn, emọ ne ẹ i mwẹ erha, kevbe avbe ẹgbẹ ni rre ẹvbo uwa. Iran ghi rre do gha viọ emwi ne iran imwẹ hia. Wa ghi ru ọna, e Nọyaẹnmwa Osanobua rua gha vbe fiangbe uwa vbe emwi ne uwa ru hia.

Diuteronomi 16:11

Gha ghọghọ vbe odaro Nọyaẹnmwa, wẹ kevbe avbe ivbi uẹ, kevbe eguọmwadia ruẹ, kevbe avbe e Livai, avbe ọrriọvbe, emọ ne ẹi mwẹ erha kevbe avbe ẹgbẹ ni rre owa ruẹ. Wa ghi ru ọna vbe ihe ọkpa ni ne a na ga ẹe.

Diuteronomi 16:14

Ke uwa kevbe ivbi uwa, eguọmwadia uwa kevbe avbe e Livai, avbe ọrriọvbe, emọ ne ẹ i mwẹ erha, kevbe avbe ẹgbẹ ni rre ẹvbo uwa, wa ghi gha ya oghọghọ ru ẹe.

Diuteronomi 27:19

“ ‘Ihẹn Osanobua rre uhunmwu ọmwa ne ọ gban emwi ne ọ sẹ orhunmwuyẹn, emọ ne ẹ i mwẹ erha kevbe ẹgbẹ egbe hin ẹre obọ rre.’ “Emwa ni hia ghi kha wẹẹ, ‘Isẹ!’

I Tẹsalonaika 2:6

Ma ma ho ne ọmwa rhọkpa tian ima, ọre uwa nọ, ra emwa ọvbehe.

I Timoti 5:2

avbe ikhuo ni wan sẹ ruẹ, zẹ vbe iye, ikhuo ne u wan sẹ, vbe etẹn ne ikhuo, gha gu iran yi uyinmwẹ ne ọ ma gbe iruẹn.

Jems 1:27

Emwi ne Osanobua ne Erha tie ẹre iyayi ẹmwata ne ọ gbae ọre ọna khin, ne a gha koko avbe emọ ne ẹ i mwẹ erha kevbe ikhuo ni de ẹgbẹ vbe uwu usẹ ne iran ye, kevbe ọmwa bi egbe, ne agbọn na ghẹ mu ẹn rhia.

I Pita 2:17

Wa gha daa ne emwa hia, wa gha hoẹmwẹ ivbi iyayi ne iho uwa, wa gha mu ohan Osanobua, wa gha gbe uhunmwu ke otọ ne Enọgbaisi.

I Pita 3:7

Kevbe uwa ne avbe ọdọ, vbe obọ ne uwa ya mu avbe amwẹ uwa, wa ghi gha ye rre wẹ, emwa ni ma wo vbe egbe iran khin, wa ghi gha mu iran tetete, rhunmwuda iran tobọ iran gha vbe deba uwa ghae vbe arrọọ ne Osanobua ra ghae ne emwa. Wa ghi gha ru vberriọ ne emwi rhọkpa ghẹ mu idobo ye uwa erhunmwu ne uwa na.