I Timoti 5:18 - Edo Bible (E Baibol Ẹdo) Version 1996

¹⁸ Rhunmwuda, ebe khare wẹ, “Ghẹ rro ekagha ye ẹmila nọ wiẹn ọka unu,” kevbe wẹ, “Igho ne ọmwa ne ọ winna miẹn, khẹ kẹe.”

I Timoti 5:18 ပူးပေါင်းရင်းမြစ်များ

Levitikọs 19:13

“Ghẹ gu ọmwa do ẹki a sẹ ọmwa, ra ne u gbe ẹe miẹn re emwi. Ghẹ da igho ne u hae ne ọmwa ne ọ winna nuẹn yi, ghẹ da ẹe yi la asọn ọkpa kẹkan.

Matiu 10:10

Wa ghẹ rhie ẹkpo ọ vbu evbare mwẹ obọ, wa ghẹ rhie ẹwu ra ibata ọvbehe ya gbe akhua, wa ghẹ rhie ọkpọ mwẹ obọ, ọmwa ne ọ winna, te a gha rhie emwi ne ọ khẹ kẹe nẹẹn.

Iyẹn ne ọ Maan Ọghe Luk 10:7

Wa ghi di owa ọkpa ni ya, wa ghi gha re, wa ghi vbe gha da emwi ne iran rhie ne uwa, rhunmwuda ọ kere ne a gha ha osa ne ne ọ winna. Wa ghẹ gha si ke owa ọkpa la ọvbehe.

Ebe ne Pọl gbẹẹn gie emwa Rom 10:11

Rhunmwuda ebe tae wẹ, “Ọmwaikọmwa ne ọ yaeyi, ẹ i ra gbe I ma rẹn.”

Ebe ne Pọl gbẹẹn gie emwa Rom 11:2

Osanobua ma he emwa rẹn ne irẹn hannọ zẹ ke omuhẹn gha dee. Wẹ gha yerre wẹ Osanobua tae vbe ebe ne Elaija na gha ha ivbi Izrẹl ifi ẹzọ wẹẹ,

Ebe ne Pọl gbẹẹn gie emwa Rom 4:3

Ebe kha re wẹẹ, “Ebraham ya Osanobua yi, rhunmwuda iyayi ẹre, Osanobua keghi kae ye ọmwata.”

Ebe ne Pọl gbẹẹn gie emwa Rom 9:17

Rhunmwuda ebe tama Fero wẹẹ, “Emwi ọre ọ zẹẹ ne I na ya a ma ọba, ne I miẹn ehe na la egbe ruẹ rhie ẹtin mwẹ ma an, kevbe ne I miẹn ehe na ya eni mwẹ khian ne a rẹnrẹn vbe uhunmwu otọ agbọn hia.”

I Kọrinti 9:14

Erriọ ọre Nọyaẹnmwa vbe ta wẹ, iran ni kpe orhu iyẹn ne ọ maa, uwu ẹre ọre iran gha na vbe gha re.

Galatia 3:8

Ebe miẹn ọẹn ye otọ nẹ wẹ, iyayi ọre Osanobua ra ya dọlọ iran ne ẹ i re Ju kugbe ba egbe ẹre. Ọnii ọ si ẹe ne ebe na ka kpe orhu Iyẹn Ne ọ maa ni ma Ebraham ye otọ wẹ, “Ekpa ruẹ ọre Osanobua ra na fiangbe emwa hia ni rre agbọn.”

Diuteronomi 25:4

“Ghẹ rro ekagha ye ẹmila unu vbe u a gha ya ẹe wiẹn ọka.

Jems 4:5

Ghẹ gha ro ighẹ, ẹ i mwẹ otọ emwi ne a ya ẹe kha ighẹ ne ebe ne kha wẹẹ, “Orhiọn ne Osanobua rhie ye uwu ima, orriarria ọbanabe ọre ọ vuọn rẹn.”