I Timoti 5:1 - Edo Bible (E Baibol Ẹdo) Version 1996

¹ Ghẹ gu ọmwa ne ọwan sẹ ruẹ gui, sokpan heko gu ẹe guan vbene a miẹn wẹ erha a nọ. Gha ya obọ mu iran ne u wan sẹẹ, zẹ vbe etuẹn ne ikpia,

I Timoti 5:1 ပူးပေါင်းရင်းမြစ်များ

Levitikọs 19:32

“Wa gha daa ne avbe ọmaẹn, gha ya ọghọ ne iran, rhunmwuda ighẹ wa mu ohan mwẹ. Mẹ ọ re Nọyaẹnmwa.

Matiu 23:8

Wa ghẹ gie a gha tie uwa ‘Ọmamwaemwi’ rhunmwuda etẹn ọkpa wa hia khin, Ọmamwaemwi ọkpa ọre uwa vbe mwẹ.

Iwinna 14:23

Iran keghi mannọ ọdiọn lele dọmwadẹ esọsi ne iran. Iran keghi ye aguẹ kevbe erhunmwu rhie iran yan Nọyaẹnmwa ne iran mu ẹtin yan obọ.

Iwinna 15:4

Iran ghi sẹ Jerusalẹm, esọsi kevbe avbe ukọ kevbe avbe ediọn keghi wa ghọghọ mu iran, iran keghi na iyẹn emwi ne Osanobua viọ iran ya winna.

Iwinna 15:6

Avbe ukọ kevbe avbe ediọn keghi do iko ne iran ghe ẹmwẹ na ghe.

Iwinna 20:17

Pọl keghi gie uhunmwu ke Mailitọs gha rrie Ẹfisọs, ọ na wẹ ne avbe ediọn esọsi do miẹn irẹn vbe evba.

Ebe ne Pọl gbẹẹn gie emwa Rom 13:7

Rhunmwuda ọnii wa ha osa kevbe igho ne a fian ye emwi ne uwa mwẹ ne iran, wa ghi vbe gha ye ọghọ vbe ute da ne iran.

Galatia 6:1

Etẹn, a deghẹ a mu orhunmwu ọkpa mu orukhọ, wa ni re ọghe orhiọn vbọ, wa ghi dia ẹre ye odẹ, sokpan wa ghi ru ẹre ọghe ọghọ vbe ute. Wa tobọ uwa ghi vbe gha ba egbe, ne a ghẹ vbe danmwẹ uwa ghẹ.

Diuteronomi 33:9

Iran ọ ye ẹko ata yin ghe ruẹ sẹ evbibiẹ emọ, etẹn ra emọ iran ya uhi ruẹ ru emwi, iran ma mu ẹmwẹ ile ruẹ fua.

I Timoti 5:17

Avbe ediọn ni winna iwinna esi, zẹ vbe ọkaolotu, ọ kere ne a gha ka iran ye emwa ne ọ ke re ne ọ miẹn igho ukhukhu eva, kpataki iran ni winnaẹn ẹsẹse vbe orhu ne a kpe kevbe emwi ne a ma emwa ẹre.

I Timoti 5:2

avbe ikhuo ni wan sẹ ruẹ, zẹ vbe iye, ikhuo ne u wan sẹ, vbe etẹn ne ikhuo, gha gu iran yi uyinmwẹ ne ọ ma gbe iruẹn.

Taitọs 2:2

Tama avbe eniwanrẹn wẹ, te ọ kere ne iran gha re emwa ni gba ọghọ ginna egbe, ni mwẹ ẹwaẹn vbe uhunmwu kevbe ni i balọ egbe, ni iran gha re emwa ni mudia ẹse vbe iyayi, aho ẹmwẹ ọmwa kevbe iziengbe.

Taitọs 2:6

Erriọ vbe nọ, u ghi vbe tama avbe igbama ne iran ghẹ gha balọ egbe.

Jems 3:17

Sokpan ẹwaẹn ne ọ ke odukhunmwu rre, keghi re vbe okaro, ne ọ huanrẹn, ọ keghi vbe re ne ọ fu ọmwa egbe rre, ne rọkhọ kevbe ọghe ọse, ọ vuọn ne itohan, ọ keghi vbe viọ emwiorhọ iwinna esi ladian, ẹ i mwẹ ẹko ne ọkhọ ọmwa ra ẹkẹ vbe iwẹnwẹn.

Jems 5:14

Ne ọyẹnmwẹ sẹ rrọ ra? Wẹ ne ọ so ihuan urhomwẹ. Orhiọnkpa rrọọ ne egbe ma rran ra? Wẹ ne ọ tie eniwanrẹn iko ne iran na erhunmwu nẹẹn, iran ghi vbe ya eni Nọyaẹnmwa nọnọ ori ye ọre uhunmwu.

I Pita 5:1

I mu egbe rri otọ rinmwian avbe ediọn esọsi ni rre uwu uwa, mẹ tobọ mwẹ ne ọ vbe re ediọn, aro mwẹ sẹ oya ne Kristi re, ọ gha vbe sẹ mwẹ obọ vbe uwu uyi ne a gha rhie maa, I mu egbe rri otọ rinmwian uwa.

II Jọn 1:1

Ọmwa nii ne ọre Ediọn ọre ọ gbẹn ebe na gie okpokhuo nii, ke ẹe kevbe ivbi ẹre ne I ho ẹmwẹ ọnrẹn ẹsẹse. Ẹ i re mẹ ọkpa, sokpan emwa hia ne ọ ghi rẹn ẹmwata nẹ, ọre ọho ẹmwẹ ruẹn.

III Jọn 1:1

Ọmwa ni ne ọre Ediọn, ọre ọ gbẹn ebe na gie Gaiọs mwẹ ne ọ ghaan, ọmwa ne I họ ẹmwẹ ọnrẹn vbe ẹmwata.

Arhie Maan 4:4

A keghi yọyọ ẹkete enẹyanugie ọvbehe lẹga ẹkete nii, ediọn enẹyanugie keghi tota yan iran, a keghi yọ iran ogbọnmwọkpa, iran keghi vbe mu ẹde igoru rhuẹ.