I Timoti 4:8 - Edo Bible (E Baibol Ẹdo) Version 1996

⁸ Egbe ne a ya sa ekhae, vbe maa, sokpan odẹ hia ọre isekhae ọghe orhiọn na maa, rhunmwuda, a rẹnrẹn ighẹ a gha la ẹe miẹn arrọọ, vbe ẹghẹ na kevbe ẹghẹ ne ọ dee.

I Timoti 4:8 ပူးပေါင်းရင်းမြစ်များ

Job 36:11

Iran gha họn urhu Osanobua, iran na gha ga ẹe, iran ghi gha rrọ vbe ọfumwegbe, agbọn ghi vbe maa iran.

Psalm 145:19

Ọ viọ emwi ne iran i mwẹ ne iran ni ya ọghọ ne ẹẹn, ọ họn utumwẹ iran, ọ keghi miẹn iran fan.

Psalm 37:11

Sokpan avbe ọmẹhẹ ọ re ọ ra yan otọe nii iran ghi vbe gha ye ọfumwegbe zọmọ vbe uwu ẹre.

Psalm 37:29

Ọmwata ọ re ọ ra yan otọe nii ọ ghi vbe yin ẹnrẹn rhinrin ẹdẹ.

Psalm 37:9

Iran ni mu ẹtin yan e Nọyaẹnmwa, ọ re ọ ra yan otọe ni, sokpan, a gha khulo avbe emwa dan ladian.

Psalm 84:11

E Nọyaẹnmwa ọrọre ne ọ degue mwa, kevbe ọba uyi, ne ọ ya itohan kevbe ọghọ fiangbe mwa. Ẹ i gban emwi ne ọ maa rhọkpa, hin obọ iran ni ru vbene ọ kere rre.

Itan 19:23

Gha ye ọghọ ne Nọyaẹnmwa, u gha tọ, ẹko gha vbe vuọn ọn, u ghi vbe gha rrọọ vbe a i mwẹ ẹbe.

Itan 22:4

Gha ya ọghọ ne Nọyaẹnmwa, gha mu egbe rri otọ, u gha miẹn ẹfe, uyi, kevbe utọmwẹ.

Asan-Ibo 8:12

Ọmworukhọ sẹtin wa ru orukhọ iyisẹn, ọ ghi ye gha rre agbọn. Erriọ nọ, I rẹn ẹmwẹ ne iran ta wẹẹ, “U gha ya ọghọ ne Osanobua, emwi hia ghi gha dunna nuẹn.

Aizaia 3:10

Emwa ẹmwata gha ghọghọ, emwi ghi wa vbe gha dunna ne iran. Iran gha rriere ẹsọn ne iran miẹn.

Aizaia 33:16

Ẹghẹ nii, wa gha rrọọ vbe ai mwẹ ẹbe, ẹkun ghi vbe sẹ uwa otọ vbene a miẹn wẹ, uwu owa ọkhẹ ne Ọ wegbe ọ re uwa ye. Wa gha miẹn evbare gha re, wa ghi vbe miẹn amẹ gha wọn.

Jerimaia 6:20

De emwi ne iran wẹ I ya eturari ne iran viọ ke Siẹba rre ru yi ra avbe emwi ne ọ winhin ne iran viọ ke urria rre? Mẹ i ra rhan obọ miẹn emwi ihaoko iran ra ne izọ ese iran gha yẹ mwẹ.

Matiu 12:32

Ọmwa gha fi. unu gie ovbi ọmwa, a gha ya bọe, sokpan ọmwa ne ọ fi unu gie Orhiọn Ne Ọ Huanrẹn, a i ya bọe nian ra ẹdẹdẹmwẹdẹ.

Matiu 19:29

Debare, ọmwaikọmwa ne ọ sẹ owa rae kevbe etẹn nikpia, etẹn nikhuo, erha ra iye, emọ ra ugbo rhunmwuda mwẹ, ukhukhu iyisẹn avbe emwi na hia gha sẹ ọre obọ deba ẹfe ne ẹ i mwẹ ọfo.

Matiu 6:33

Emwi ne uwa gha ru ọrọre ne uwa ka mu aro ye ẹmwẹ Arriọba Osanobua kẹe kevbe emwi ni lelẹe khian nẹ, rẹn gha ye emwi ni ghi dekẹe hia sẹ uwa ọkẹn.

Iyẹn ne ọ Maan Ọghe Mak 10:30

Ọ gha miẹn inu ne ọ sẹ iran ukhukhu ne ọ khin vbe agbọn na, ọ gha miẹn ukhukhu iyisẹn ọ ghe owa, etẹn ne ikpia, etẹn ne ikhuo, iye, emọ kevbe ugbo deba ukpokpo, kevbe agbọn ne ọ dee, ẹfe ne ẹ i mwẹ ọfo.

Iyẹn ne ọ Maan Ọghe Luk 5:38

Ọgọ ohian ọgbọn ọre a ruẹn ayọn ne ọ fian yi.

Ebe ne Pọl gbẹẹn gie emwa Rom 8:28

Ma rẹnrẹn wẹ vbe uwu emwi hia, te Osanobua yaba emwa ni ho ẹmwẹ ọnrẹn ru emwi ne ọ ma an, avbe emwa ne irẹn tie re zẹ vbene ọ mwamwa ẹn.

I Kọrinti 3:22

E Pọl, Apọlọs, e Pita, agbọn na, uwu, ẹfe ẹghẹ ne a ye na, ẹghẹ ne ọ dee, wa ọre ọ yan ehia.

I Kọrinti 8:8

Vbene ọ rhirhi gha ye hẹ, evbare i sẹtin si ima sikẹ Osanobua sẹ ayọ, a deghẹ a ma re, emwi rhọkpa ma wi mwa, a gha vbe re, emwi na miẹn rhie i vbe rrọọ.

I Timoti 4:7

Sokpan, u ghi gha lẹ ne umaranmwẹ ne ẹmwata Osanobua i ye nii, emwi ne ọ ma kei ne a gha ta. Tobọ gha ma egbe uẹ emwi ye uyinmwẹ vbe ọghe Osanobua.

I Timoti 6:3

Ọmwa ne ọ rhirhi ma emwa emwi ọvbehe, ne ọ ma gu ẹmwẹ ẹmwata ọghe Nọyaẹnmwa Jesu Kristi kevbe iruẹmwi iyayi mwa ro.

I Timoti 6:5

Igbeagbanmwẹ ne iran muhẹn ighẹ emwa ne ekhọe ẹre sohie nẹ, ẹmwata i ghi vbe rre iran unu. Iran ro ighẹ iyayi, emwi ne a ya gualọ igho ọre nọ.

I Timoti 6:6

Ẹmwata nọ wẹ iyayi sẹtin zẹ ẹfe ku ọmwa, a deghẹ ọ gie emwi ne ọ mwẹ sẹ ọre ọkẹn.

II Timoti 3:5

Iran de obọ mu avbe emwi ne a ru ne agbọn miẹn, ni rre iyayi mwa, iran ghi he ẹtin ne ọ rrọọ. Wa bi egbe ne avbe emwa na.

Taitọs 3:8

Ẹmwata ọre ẹmwẹ na khin. I ho ne u kakabọ tua unu mu ẹmwẹ na, ne iran ni ya Osanobua yi miẹn ehe na mu aro ye ẹmwẹ iwinna esi ne a winna. Ena ọrọre emwi ne ọ maa kevbe ne ọ ke ne emwa.

Hibru 13:9

Wa ghẹ gie iruẹmwi ughughan ne a ma he ka rẹn, bi uwa hin urodẹ ẹmwata rre. Ọ kere ne a ya ẹsọhẹ Osanobua ye orhiọn ima khian ni wo vbe egbe, i ghẹ ẹ i re a ru emwi ne uhi kha re vbe ekpa evbare, iran ni ka ru vbene avbe uhi nii khare yi, ma miẹn emwi ọkpa ne iran miẹn vbọ.

I Jọn 2:25

Ọnọna ọrọre emwi ne Kristi vbe kha ighẹ, rẹn gha rhie ne ima, ọnii nọ wẹẹ, arrọọ ne ẹ i mwẹ ọfo.

Arhie Maan 3:12

Ọmwa ne ọ khọn miẹn otọ, I gha ya ẹe ru orre vbe Ọgua Osa ọghe Osanobua mwẹ, ẹ i ghi vbe kpao vbe evba ẹdẹ. I ghi gbẹn eni Osanobua mwẹ yan rẹn, Jerusalẹm ne ọgbọn ne ogha ke obọ Osanobua mwẹ ke odukhunmwu tuorre gha di otọ. I gha vbe gbẹn eni mwẹ ne ọgbọn yan rẹn.

Arhie Maan 3:21

Iran ni khọnmiotọ, I gha rhie asẹ ne iran, ne iran tota ke mwẹ vbe ẹkete mwẹ, zẹe vbene imẹ khọnmiotọ, ne I na vbe tota ke Erha mwẹ nian vbe ẹkete ẹre.

I Samuẹl 15:22

E Samuẹl keghi kha wẹẹ, “De ne ọ yẹ e Nọyaẹnmwa sẹẹ vbọ yi? Ahọn ẹmwẹ ra ese ne a zọọ? A họn ẹmwẹ ne ẹẹn, ọre ọ maa sẹẹ ne a gha gbe ohuan ne ọ maa sẹẹ ne ẹẹn.