I Timoti 4:6 - Edo Bible (E Baibol Ẹdo) Version 1996

⁶ U ghi ma avbe etẹn emwi na, u ghi gha re ọguọmwadia ne ọ maa ọghe Kristi Jesu, vbene u na ya ẹmwẹ iyayi na, kevbe iruẹmwi ẹmwata ne uka lele khian, koko egbe uẹ, vbe ekpa ọghe orhiọn.

I Timoti 4:6 ပူးပေါင်းရင်းမြစ်များ

Psalm 19:7

Te uhi e Nọyaẹnmwa wa gba te ọ rhie ẹtin ọgbọn ye ọmwa iwu. Iyi e Nọyaẹnmwa gia mu ẹtin yan, te ọ rhie ẹwaẹn ne iran ne ẹi te mwẹ.

Itan 4:2

Emwi ne i ma uwa re wa maa, rhunmwuda ọnii, wa ghi ye iran hia rre.

Jerimaia 15:16

Wẹ gunmwẹ guan, I keghi rhie ehọ ye ẹmwẹ hia. Ọwuẹ ọ re imẹ khin Nọyaẹnmwa, Osanobua ne Oghodua, rhunmwuda ọnii ẹmwẹ ruẹn keghi ya oghọghọ kevbe ọyẹnmwẹ vuọn ekhọe mwẹ.

Matiu 13:52

Ọ keghi dọlegbe tama iran wẹẹ, “Ọnii rhie ma wẹ deghẹ ọma emwa Uhi ọkpa do khian ọrhuanegbe vbe uwu Arriọba ẹrinmwi, rẹn ghi do yevbe ọdafẹn nọyan owa, ọ ghi vbe gha viọ emwi ọgbọn kevbe emwi ọwiẹyi ke uwu aza ẹre ladian.”

Iyẹn ne ọ Maan Ọghe Luk 1:3

Banbanna nian, Evbavba, vbene imẹ ghi na vbe gbe aro ke otọ gualọ otọ avbe emwi na hia ke omuhẹn ọnrẹn gha dee, I yayi wẹ emwi ne ọkere nọ ne I mwamwa ehia ọsegbe ọsegbe gbẹnnẹ ye ebe guẹ.

Iwinna 1:15

Vbe iyeke ikpẹdẹ eso, iran ni yayi keghi si koko ye ehe ọkpa, ehia keghi gha re iyehan (120), Pita keghi kpaegbe, ọ na gha guan, ọ wẹẹ,

Iwinna 20:31

Rhunmwuda ọnii, wa khẹ ye egbe, wa ghi yerre wẹ ukpo eha gbalaka ọre I ya gha ma edọmwadẹ ọghọe vbe uwu uwa emwi vbe asọn kevbe avan ke imẹ ke ameve.

Iwinna 20:35

Vbe uwu emwi hia, I rhie ma uwa wẹ vbe nian ọre ọ kere ne I ma kakabọ gha winna ne a miẹn ehe na ye iran ni ma wo vbe egbe obọ. Wa ye ẹmwẹ ne Nọyaẹnmwa Jesu tobọ ẹre ta ẹe rre wẹẹ, ‘Ne a gha rhie ne emwa ọvbehe ọre ọghọ ye sẹ ne a gha ghe emwa ọvbehe obọ.’ ”

Ebe ne Pọl gbẹẹn gie emwa Rom 15:15

Sokpan vbe ebe ne I gbẹn gie uwa, emwi ne I ta ẹe vbọ, I ma vbe zẹdẹ rhie aranmwẹ kọ ẹho guan. Emwi ne ọ ya mwẹ si agbada vbe unu guan ọrọre rhunmwuda ukpo ne Osanobua mu mwẹ yi.

I Kọrinti 4:17

Rhunmwuda ọnii ọre I ra na gie Timoti bu uwa gha dee. Ọmọ ne ọ ghan kevbe ne ọ gie a mu ẹtin yan, ọre ọ khin mwẹ re vbe uwu Nọyaẹnmwa. Ọ gha ma uwa owẹ ne I vin ne I ru emwi lele vbe ẹdẹ agbọn mwẹ vbe uwu Kristi Jesu, ne I vbe ma emwa re vbe esọsi hia vbe ehe hia.

II Kọrinti 11:23

Eguọmwadia Kristi iran khin ra? Ẹmwẹ mwẹ khọ ọghe ọmwẹmwẹ sokpan mẹ ru ọguọmwadia sẹ iran. Obọ mwẹ da iwinna sẹ iran. I yo eghan ẹghẹ ni bun sẹ iran, a gbe mwẹ asan sẹ iran ẹsẹse, me ọ he rhie owẹ ye agbanmwẹ idin sẹ iran.

II Kọrinti 3:6

Rhunmwuda, rẹn ọre ọ ru ẹe ne ima sẹtin gha ga ile nọgbọn, ne ẹ i re uhi ne a gbẹnnẹ ye otọ, sokpan, ọghe Orhiọn. Uhi ne a gbẹnnẹ ye otọ uwu ọre ọ si rre, sokpan arrọọ ọre Orhiọn rhie ne ọmwa.

II Kọrinti 6:4

Sokpan vbe uwu emwi ne ima ru hia, ma ghi gha hia ne ima gha rhie maa wẹ, eguọmwadia Osanobua ma khin, vbe ekpa ne a na ye ẹgbodin ziengbe vbe uwu ọlọghọmwa, ukpokpo, kevbe orueghe.

Ẹfisọs 6:21

Taikikọs ọtẹn mwa ne ọ ghan kevbe ọguọmwadia ne ekhọe esi vbe uwu iwinna Nọyaẹnmwa, ọre ọ ghi na iyẹn vbene I ye hẹ ma uwa ne uwa miẹn ehe na rẹn vbene I ghi ye egbe khian hẹ.

Filipai 2:20

Rẹn ọkpa ọre I miẹn ne emwi ne ọ rre imẹ ekhọe vbe rre ọre ekhọe, kevbe ne ọ vbe zẹ ye ẹmwẹ uwa.

Filipai 2:22

Wa tobọ uwa miẹn vbene ọ vbe ta egbe ọmwa ne irẹn khin hẹ, vbe imẹ vbe ọre gba winna, zẹ vbe ọmọ vbe erha ye iwinna iyẹn ne ọ maa.

Filipai 3:16

Vbene ọnii a rhirhi gha ye hẹ, wa gie ima rhie owẹ lele ukpowẹ ne ima la de usin do sẹ wanwan na.

Kọlose 2:19

Ẹ i ghi re igbinna ọghe Kristi ne ọ re ẹzi ehia rẹn ghi ye. Vbe ekpa ọdakha Kristi, a ghi gha koko egbe hia, a ghi vbe dee akhuẹn kevbe inian ni rrọọ hia kugbe, ọ ghi vbe do waan zẹ vbe ne Osanobua ho ẹre yi.

Kọlose 3:16

Wa gie ikporhu Kristi ke ẹe kevbe uvuọnmwẹ ọnrẹn gha rre ekhọe uwa. Wa gha ye ẹwaẹn ma egbe emwi, ne uwa vbe gha ya ẹe bu egbe ude. Wa gha ye Psalm so ihuan, wa gha so ihuan kevbe ihuan ni huanrẹn, wa gha ye ekhọe oghọghọ so ihuan ghe Osanobua uwa.

Kọlose 4:7

Taikikọs ne ọtẹn mwa ne ọ ghan, ogieva mwẹ ne ekhọe esi, ọmwa ne ima gba re ọguọmwadia vbe uwu iwinna Nọyaẹnmwa, gha ta vbene emwi hia ghi ye mwẹ hẹ ma uwa.

I Tẹsalonaika 3:2

Ne ima gie Timoti bu uwa gha dee, ọtẹn mwa, ọmwa ne ọ gu ima winna ne Osanobua vbe ekpa ne ọ na kpe orhu nene Iyẹn Ne ọ maa ọghe Kristi. Ma gi ẹe bu uwa gha dee ne ọ do yi uwa obọ kevbe ne ọ vbe rhie iyobọ ne iyayi uwa.

I Timoti 1:10

Iran ni gbe alama oghẹ, iran ne ẹmwẹ oghẹ khian ẹre ọvbehe, iran ni do ọmwa mu, iran ni ta ohoghe, ra ni ta emwi ne aro iran ma sẹ, ra ni ru emwikemwi ne ọ lughaẹn ne iruẹmwi ẹmwata nii.

I Timoti 4:16

Gha rhuan egbe ne u vbe gha ya emwi ne u ma emwa ẹre ẹro. Gha ru avbe emwi na khian, rhunmwuda, u gha ru vberriọ, u gha miẹn egbe ruẹ kevbe iran ni danmwehọ ruẹ fan.

I Timoti 6:3

Ọmwa ne ọ rhirhi ma emwa emwi ọvbehe, ne ọ ma gu ẹmwẹ ẹmwata ọghe Nọyaẹnmwa Jesu Kristi kevbe iruẹmwi iyayi mwa ro.

II Timoti 1:6

Rhunmwuda ọnọna, ọre I na ye ruẹ rre ne u yobọ da ẹe yi gbain ighe ọhẹ ne Osanobua ya wuẹ vbe ẹghẹ ne I na viọ obọ yan ruẹn uhunmwu.

II Timoti 3:10

Sokpan, aro ruẹ sẹ emwi ne I ma emwa ẹre, kevbe uyinmwẹ mwẹ, u vbe miẹn iyayi mwẹ, izin egbe mwẹ, aho ẹmwẹ ọmwa mwẹ, kevbe vbene I hia hẹ.

II Timoti 4:3

Rhunmwuda ẹghẹ dee ne emwa i gha ra na danmwehọ iruẹmwi ẹmwata, sokpan iran ghi lele ne ọ khọn iran, iran ghi silo avbe emamwaemwi gboo ne egbe iran, ne iran gha ta egbe ẹmwẹ ne ohanmwẹ ọnrẹn gbe iran ma iran.

Taitọs 2:1

Sokpan, wẹ ghi gha ma emwa emwi zẹ vbene iruẹmwi ne ọ gbae kha re.

I Pita 2:2

Wa gha ye vbe emobọ nodẹ, ohanmwẹ ẹwẹn ẹmwẹ ẹmwata ọghe orhiọn ghi gha gbe uwa ẹghẹ hia, wẹ, wa ghẹ ghi gha wẹn ọẹn, wa ghi do wan, a ghi miẹn uwa fan.

II Jọn 1:9

Ọmwaikọmwa ne ọ ma rhie owẹ lele emwi ne Jesu ma emwa ẹre, sokpan ọ keghi fian yan rẹn, ẹ i mwẹ Osanobua. Sokpan ọmwa ne ọ rhie owẹ lele emwi ne ọ ma emwa ẹre, ọ mwẹ Erha kevbe Ọmọ.

Ebe ne Jud gbẹẹn 1:5

A gha rhe miẹn wẹ wa ka rẹn emwi na nẹ, I ho ne I ye ye uwa ẹre rre, vbene a miẹn wẹ Nọyaẹnmwa miẹn ivbi Izrẹl fan hin otọ Igipt rre hẹ, sokpan vbe okiekie, ọ keghi gbele iran ni ma yayi ni rrọọ ua.