I Timoti 4:4 - Edo Bible (E Baibol Ẹdo) Version 1996

⁴ Emwi ne Osanobua yi hia ọre ọ maa, ọkpa ne avbe rhie fua ẹ i rrọọ, sokpan, erhunmwu ekpọnmwẹ ọre ọ kere ne a ya gha miẹn iran.

I Timoti 4:4 ပူးပေါင်းရင်းမြစ်များ

Gẹnẹsis 1:31

Osanobua keghi ghe emwi hia ne irẹn yi, ẹko ke sẹ ọre ọyẹnmwẹ ẹsẹse. Ẹdẹ ghi gbe ẹdẹ keghi mu, ọnii na gha re ikpẹdẹ ne ogiehan.

Iwinna 10:15

Urhu ni dọlegbe tama rẹn wẹẹ, “Emwi ne Osanobua kha nẹ wẹ ọ huanrẹn, ghẹ ghi kae ba ne ọ ma huan.”

Iwinna 15:29

wa ghẹ rri evbare ne a ya ru ẹbọ, wa ghẹ rri esagiẹn, wa ghẹ rri aranmwẹ ne a ye obobọ kuẹn gbua, wa ghi gha bi egbe hin alama oghẹ rre. Wa gha khian ẹse a deghẹ wa da egbe uwa yi ne a ghẹ ru avbe emwi na. Wa ọ khian ẹdẹ hia.”

Iwinna 21:25

Sokpan zẹ vbe ọghe iran ne ẹ i re Ju ni do yayi, ma gbẹn ebe gie iran nẹ ya kha ma iran wẹ ne iran ghẹ rri emwi ne a ya ru ẹbọ, ra esagiẹn ke sagiẹn, kevbe aranmwẹ ne a kuẹn gbua a, kevbe ne iran gha biegbe ne ẹmwẹ oghẹ.”

Ebe ne Pọl gbẹẹn gie emwa Rom 14:14

Akugbe ne I mwẹ ba Kristi, rhie ma mwẹ vbe ne aro na da ẹe wẹẹ emwi ọkpa i rrọọ ne ọ wa tobọ ẹre re ne ọ ma huan, sokpan deghẹ ọmwaikọmwa na ghi ka emwi ọkpa ye ne ọ ma huan nẹ, emwi ni khian ne ọ ma huan ne irẹn.

Ebe ne Pọl gbẹẹn gie emwa Rom 14:20

Ghẹ rhunmwuda evbare mu emwi ne Osanobua ru nẹ rhia. A sẹtin rri evbare ke evbare, sokpan ọ ma kei ne a rri emwi ne ọ gha ye ọmwa ọvbehe de ye orukhọ.

Ebe ne Pọl gbẹẹn gie emwa Rom 14:6

Ọmwa ne ọ ka ẹdẹ ọkpa ye kpataki, te ọ ruẹe ne uyi Osanobua. Ọmwa ne ọ rri evbare hia, uyi Osanobua ọre ọ vbe ruẹe na rhunmwuda, te ọ kpọnmwẹ Osanobua ye evbare nii. Ọmwa ne ọ vbe wẹẹ rẹn i rri evbare eso, uyi Nọyaẹnmwa ọre ọ ruẹe na, ọ ghi vbe kpọnmwẹ Osanobua.

I Kọrinti 10:23

Iran kha re wẹ, “Ma sẹtin ru emwi ne ọ rhirhi khọn mwa.” Ẹmwata nọ, sokpan ẹ i re emwi hia ọre ọ ke re. “Ma sẹtin ru emwi ne ọ rhirhi khọn mwa,” sokpan ẹ i re emwi hia ọre ọ mwẹ iyohọ ne ọmwa.

I Kọrinti 10:25

U sẹtin rri emwikemwi ne a khiẹn vbe ẹki, vbe ne a i na vbe nọ ọta rhunmwuda osẹe ekhọe.

I Kọrinti 10:26

Rhunmwuda, zẹ vbene ebe kha re, “Agbọn ke emwi hia ni rre uwu ẹre, ọ ghe Nọyaẹnmwa nọ.”

I Kọrinti 10:30

A deghẹ mẹ kpọnmwẹ Osanobua ye evbare mwẹ, vbe ọ zẹ ne ọmwa rhọkpa gha na gha zan mwẹ ba ẹmwẹ evbare ne I mẹ kpọnmwẹ yi nẹ?”

Diuteronomi 32:4

“E Nọyaẹnmwa ọrọre ne ọ khọn ne uẹn nọ wegbe, nọgbae kevbe ẹmwata vbe odẹ ọ re hia; ọmwata kevbe ne ọ ta uhunmwu ẹmwẹ ẹre Osanobua rua khin; emwi ne ọ kere kene ọ maa ọ re ọ ru.

I Timoti 4:3

Emwa na ọre ọ ta ẹe khian wẹ, ọ ma kei ne a gha rhie okhuo, ọ ma kei ne a gha rri evbare eso. Sokpan te Osanobua yi avbe evbare na ne avbe emwa ni yayi, ni vbe rẹn ẹmwata nẹ, ne iran gha rri ọẹ vbe iran a ghi na erhunmwu ekpọnmwẹ yọ nẹ.