I Timoti 4:3 - Edo Bible (E Baibol Ẹdo) Version 1996

³ Emwa na ọre ọ ta ẹe khian wẹ, ọ ma kei ne a gha rhie okhuo, ọ ma kei ne a gha rri evbare eso. Sokpan te Osanobua yi avbe evbare na ne avbe emwa ni yayi, ni vbe rẹn ẹmwata nẹ, ne iran gha rri ọẹ vbe iran a ghi na erhunmwu ekpọnmwẹ yọ nẹ.

I Timoti 4:3 ပူးပေါင်းရင်းမြစ်များ

Gẹnẹsis 9:3

U sẹtin gha rri iran kevbe ebe uwọnmwẹ. I ya ehia fiohan nuẹn zẹ vbe evbare.

Asan-Ibo 5:18

Emwi ne I gualọ otọ ẹre miẹn ọ re ọna khin wẹ, emwi ne ọ kei ne ọmwa sẹ ọrọre ne ọ gha re, ne ọ gha da, ne ọ ye emwi ne ọ miẹn ẹsọn yi gha zọmọ vbe ẹdagbọn kherhe ne Osanobua rhie ne ẹẹn na: uhunmwu ne ọmwa mu rre ọ re onii khin.

Daniẹl 11:37

Ọba na gha yangbe ẹbọ ne iran ni karo ne ẹẹn ghoro. Kevbe avbe ẹbọ ne avbe ikhuo ho ẹmwẹ ọnrẹn. Vbe ẹmwata, te ọ ra yangbe avbe ẹbọ hia rhunmwuda, rẹn wẹ, rẹn kpọlọ sẹẹ iran hia.

Matiu 14:19

Ọ keghi tama emwa hia ne iran tota ye otọ vbe uhunmwu irunmwu, ọ keghi viọ eka isẹn kevbe ehẹn eva nii, ọ keghi tọn aro mu ghe odukhunmwu, ọ kpọnmwẹ Osanobua ọ keghi giagia eka ni viọ ne avbe erhuanegbe ẹre, avbe erhuanegbe keghi vbe viọ ne avbe emwa nii.

Matiu 15:11

Ẹ i re emwi ne ọ la ọmwa uwu unu ọre ọ ya ẹe khian ne ọ ma huan, sokpan emwi ne ọ ke uwu ẹre ladian ọre ọ ya ẹe khian ne ọ ma huan.”

Matiu 15:36

Ọ keghi viọ eka ihinrọn kevbe ehẹn nii, ọ kpọnmwẹ Osanobua, ọ keghi gia ẹre hẹ ne avbe erhuanegbe ẹre, avbe erhuanegbe keghi gha ẹre ne avbe emwa nii.

Iyẹn ne ọ Maan Ọghe Luk 24:30

Ọ ghi gu iran tota vbe eteburu, ọ mu ebrẹd, ọ ghi kpọnmwẹ nẹ, ọ keghi gia ẹre viọ ne iran.

Iyẹn ne ọ Maan Ọghe Jọn 6:23

Okọ ọvbehe eso vbe ke Taiberias gha die ọkpẹn ẹzẹ vbe ehe ne iran na rri eka vbe Nọyaẹnmwa kpọnmwẹ nẹ.

Iwinna 27:35

Ugbẹn vbe ọ ghi ta vberriọ nẹ, Pọl keghi rhie ebrẹd, ọ keghi sirra iran kpọnmwẹ Osanobua, ọ na fiaẹn, ọ na gha re.

Ebe ne Pọl gbẹẹn gie emwa Rom 14:17

Rhunmwuda, Arriọba Osanobua i re ẹmwẹ ne a gha re kevbe ne a gha da, sokpan ọghe nene emwi ẹmwata kevbe ọfumwegbe kevbe ọyẹnmwẹ ne nene Orhiọn Ne Ọ Huanrẹn rhie ne ọmwa.

Ebe ne Pọl gbẹẹn gie emwa Rom 14:3

Ọmwa nọ rri emwi hia, wẹ ne oghẹ gha zan ọmwa ne ẹ i re, nọ rri a sakan, wẹ ne oghẹ gha zan nọ rri emwi hia, rhunmwuda Osanobua rhan obọ miẹn rẹn nẹ.

Ebe ne Pọl gbẹẹn gie emwa Rom 14:6

Ọmwa ne ọ ka ẹdẹ ọkpa ye kpataki, te ọ ruẹe ne uyi Osanobua. Ọmwa ne ọ rri evbare hia, uyi Osanobua ọre ọ vbe ruẹe na rhunmwuda, te ọ kpọnmwẹ Osanobua ye evbare nii. Ọmwa ne ọ vbe wẹẹ rẹn i rri evbare eso, uyi Nọyaẹnmwa ọre ọ ruẹe na, ọ ghi vbe kpọnmwẹ Osanobua.

I Kọrinti 6:13

Ọmwa ọvbehe sẹtin kha wẹẹ, “Ẹko ọ yan evbare, evbare ọ yan ẹko.” Ẹmwata nọ, sokpan Osanobua gha rhie ufomwẹ ye e eva. A ma rhie egbe ne ọmwa ne ọ yagha gbe alama oghẹ, sokpan ne ọ gha ga Nọyaẹnmwa. Nọyaẹnmwa vbe kpehe ne egbe.

I Kọrinti 7:28

Sokpan a deghẹ u rhie okhuo, u ma ru a i ghẹ ru. A deghẹ okhuo ne ẹ i mwẹ ọdọ vbe rọnmwẹ ọdọ, ọ ma ba emwi ku ru. Sokpan ọ gha te yẹ mwẹ nuẹn akpawẹ te u sẹtin rhie uhunmwu ke ẹmwẹ orhikhan ẹdẹgbegbe ne iran na khian gha ye ladian.

I Kọrinti 8:8

Vbene ọ rhirhi gha ye hẹ, evbare i sẹtin si ima sikẹ Osanobua sẹ ayọ, a deghẹ a ma re, emwi rhọkpa ma wi mwa, a gha vbe re, emwi na miẹn rhie i vbe rrọọ.

Kọlose 2:16

Rhunmwuda ọnii, wa ghẹ ghi gie ọmwa rhọkpa gha yi uhi ne uwa, vbe ekpa ọghe emwi ne uwa gha re ra emwi ne uwa gha da, ra vbe emwi ne ọ dekan ẹdẹ iruemwi, ra ugie uki ọgbọn, ra Ẹdẹ Ikẹtin.

Kọlose 3:17

Emwi ne uwa a rhirhi ta ra emwi ne uwa a rhirhi gha ru, wa gha ru ẹe vbe eni Nọyaẹnmwa Jesu, vbe ne uwa na la ekpa ẹre rhie uyi ne Osanobua ne Evbavba.

I Timoti 2:4

Ọmwa ne ọ ho ne emwa hia fe, ne iran vbe do rẹn ẹmwata nii.

I Timoti 4:4

Emwi ne Osanobua yi hia ọre ọ maa, ọkpa ne avbe rhie fua ẹ i rrọọ, sokpan, erhunmwu ekpọnmwẹ ọre ọ kere ne a ya gha miẹn iran.

I Timoti 5:14

Rhunmwuda ọnii, emwi ne I ho ọrọre wẹ ne avbe ẹgbẹ ni re ibiẹka gha rọnmwẹ ọdọ, ne iran biẹlẹ, ne iran gbe aro ghe owa iran, ne a ghẹ rhie otọ ne iran ne eghian mwa ya gha zan mwa.

Hibru 13:4

Ọ kere ne emwa hia gha ye ọghọ ne orọnmwẹ, ọdọ vbe amwẹ ghi gha re emwa ne ẹ i fi owẹ ye oha, Osanobua gha bu ohiẹn iran ni gbe alama kevbe ni ru oghẹ.

Hibru 13:9

Wa ghẹ gie iruẹmwi ughughan ne a ma he ka rẹn, bi uwa hin urodẹ ẹmwata rre. Ọ kere ne a ya ẹsọhẹ Osanobua ye orhiọn ima khian ni wo vbe egbe, i ghẹ ẹ i re a ru emwi ne uhi kha re vbe ekpa evbare, iran ni ka ru vbene avbe uhi nii khare yi, ma miẹn emwi ọkpa ne iran miẹn vbọ.