I Timoti 4:16 - Edo Bible (E Baibol Ẹdo) Version 1996

¹⁶ Gha rhuan egbe ne u vbe gha ya emwi ne u ma emwa ẹre ẹro. Gha ru avbe emwi na khian, rhunmwuda, u gha ru vberriọ, u gha miẹn egbe ruẹ kevbe iran ni danmwehọ ruẹ fan.

I Timoti 4:16 ပူးပေါင်းရင်းမြစ်များ

I Krọnikol 28:10

U ghi rẹn wẹ te Nọyaẹnmwa zẹ uwẹ ne u bọ Ọgua Osa ẹre ne ọ huanrẹn. Banbanna nian, u ghi ru ẹe, u ghi wa mu aro yọ ne u ruẹe.”

II Krọnikol 19:6

ọ tama iran wẹẹ: “Wa gha mwẹ ẹwaẹn vbe uwa a gha hu ohiẹn, ẹre asẹ ọmwa ne agbọn ọ re uwa ya winna, sokpan asẹ ọghe Nọyaẹnmwa nọ, ọ vbe rrọ yaba uwa vbe uwa a bu ohiẹn.

Ẹksọdọs 23:13

Wa rhie ehọ ye ẹmwẹ ne I tama uwa, wa ghẹ na erhunmwu ghe osa ọvbehe, wa ghẹ kue so eni iran.”

Aizaia 55:11

Erriọ ọ re ẹmwẹ ne I tae ra vbe gha ye ẹ i mwẹ ọ ma ru emwi ne I wẹ ne ọ ru. Ọ gha ru emwi hia ne I gie ẹe ne ọ ya ru.

Jerimaia 23:22

Akpawẹ te iran rẹn iro ẹkhokho ekhọe mwẹ, iran gha ta uhunmwu ne I gie ma emwa mwẹ, iran gha te ru ẹe ne iran sẹ uyinmwẹ dan ne iran yin kevbe emwi dan ne iran ru rae.

Iyẹn ne ọ Maan Ọghe Mak 13:9

“Wa tobọ uwa, wa ghi khẹ ye egbe. Rhunmwuda emwa gha dekun uwa gha munọ ye iko ẹzọ. Iran gha gbele uwa vbe Ọgua ediọn. Wa gha mudia vbe odaro avbe ọba kevbe ekhaẹmwẹ rhunmwuda mwẹ, ne uwa kpe orhu Iyẹn Ne ọ maa ma iran.

Iyẹn ne ọ Maan Ọghe Luk 21:34

“Wa gha begbe! Wa ghẹ gie iwinna evbare ne a re, ayọn ne ọ wegbe ra osi ẹmwẹ agbọn na mu uwa, ne Ẹdẹ nẹdẹrriọ ghẹ do hẹ rhu uwa vbe udomwirri.

Iwinna 26:22

Sokpan Osanobua ọre ọ mudia mẹ do sẹ ẹdẹnẹrẹ na, ne I na ye zẹ ene unu mwẹ ma emwa hia, ọkpọlọ kevbe ọkanmwa. Emwi ne I tae ọrọre emwi ne avbe akhasẹ kevbe Mosis tae ighẹ ọ gha sunu.

Iwinna 6:4

Ẹghẹ nii, ma tobọ ima ghi wa mu aro ye ẹmwẹ erhunmwu ne a ka ke ikporhu, vbe ne a i ghi na ru emwi ọvbehe ba ẹre.”

Ebe ne Pọl gbẹẹn gie emwa Rom 11:14

U gha ghe, I gha sẹtin ruẹe ne oya gha da iran ne emwa mwẹ ne a sẹtin la ekpa ọnii miẹn eso fan vbọ.

Ebe ne Pọl gbẹẹn gie emwa Rom 16:17

Gun mwẹ tama uwa etẹn mwẹ, wa gha baba iran ni si iwannegbe rre ne iran na vbe mu iyayi emwa eso rhia ye iran obọ, iran ni ghe odan ye iruẹmwi ne uwa ka rhan obọ miẹn nẹ, wa gha lẹ ne iran.

Ebe ne Pọl gbẹẹn gie emwa Rom 2:7

Emwa eso rrọọ ni winna iwinna esi khian, iran ghi gha gualọ uyi, kevbe ọghọ, kevbe ẹfe etẹbitẹ, Osanobua gha rhie ẹfe etẹbitẹ ne iran.

I Kọrinti 1:21

Rhunmwuda Osanobua, vbe ekpa ẹwaẹn ne ọ wanrẹn, ọ keghi ru ẹe wẹ ne emwa ne agbọn i ghẹ sẹtin ya ẹwaẹn iran gualọ irẹn miẹn, sokpan, Osanobua keghi wẹẹ, ikpẹ orhu “akpa” ne ima kpe, ọre irẹn gha la ekpa ẹre miẹn iran ni yayi fan.

I Kọrinti 9:22

I gha miẹn iran ne iyayi ẹre ma wo vbe egbe, mẹ ghi vbe gha re ne ọ ma wo vbe egbe zẹ vbene iran ye, ne I miẹn ehe na silo iran ba egbe. Rhunmwuda ọnii, te I ghi ye egbe khian emwi hia ne emwa hia, ne I sẹtin la odẹikodẹ miẹn emwa eso fan.

I Kọrinti 9:27

I ghi liki egbe mwẹ ne ọ gbikpan, ne ọ miẹn ehe na gun mwẹ gha vbokho vbene I ho, ne a ghẹ miẹn wẹ, ugbẹn vbe imẹ ghi tie emwa rrie ọgbọ ne a si nẹ, mẹ tobọ mwẹ khian ne a rhie fua.

Ẹfisọs 4:14

Ẹghẹ nii, ma i ghi ra gha re emọ obọ ne ulẹmwẹ ẹzẹ mu yo mu rre, kevbe ne ẹhoho ẹziza, ọghe iruẹmwi emwa erẹrẹ, bi yo bi rre, emwa ni ya ero ne ọ ke ẹko iran zọ rre de emwa ọvbehe odẹ.

Kọlose 4:17

Wa khama Akipọs wẹ, “Ghẹ i mwẹ u ma winnaẹn fo ighẹ okhuo ne a fian nuẹn vbe iwinna Nọyaẹnmwa.”

I Tẹsalonaika 2:16

Iran te ra da ima obọ yi wẹ ne ima ghẹ kpe orhu ẹre ma emwa ne ẹ i re Ju, ighẹ ẹmwẹ nii ne ọ gha rhie imiẹnfan gie iran. Evba ehia ghi na do yi uhunmwu ighẹ orukhọ ne iran ru ke ẹghẹ ni gha dee. Obọ izohu Osanobua he ghi do vba iran.

I Timoti 1:3

I ho ne u tota vbe Ẹfisọs, zẹ vbe ne I ka tama ruẹn ẹghẹ ne I na gha gberra rrie Masidonia. Emwa eso vbe evba ma emwa iruẹmwi ohoghe, u ghi wẹ ne iran da obọ ẹre yi.

I Timoti 4:15

Gha ya avbe emwi na rue emwi, ne u vbe zẹ egbe ruẹ obọ ne iran, ne alaghodaro ruẹ miẹn ehe na gha re ne aro emwa hia sẹẹ.

I Timoti 4:6

U ghi ma avbe etẹn emwi na, u ghi gha re ọguọmwadia ne ọ maa ọghe Kristi Jesu, vbene u na ya ẹmwẹ iyayi na, kevbe iruẹmwi ẹmwata ne uka lele khian, koko egbe uẹ, vbe ekpa ọghe orhiọn.

II Timoti 2:10

Ọna ọre ọ si ẹe, ne I na ya egbe miẹn emwi hia, rhunmwuda, emwa ne a hannọ zẹ ọghe Osanobua, ne imiẹnfan ne ọ rre uwu Jesu Kristi sẹtin vbe sẹ iran obọ, ke ẹe kevbe uyi etẹbitẹ.

II Timoti 3:14

Sokpan zẹ vbe ọghe uwẹ, u ghi gha lele avbe ẹmwata ne a ma ruẹn re, kevbe ne uwẹ vbe yayi gbain. Rhunmwuda u rẹn emwa ni ma ruẹn emwi.

II Timoti 4:2

Gha kpe orhu nene ẹmwẹ, mu yan rẹn wẹ, ne a gha ta ẹe, deghẹ ẹghẹ ke yọ, ra ọ ma ke yọ ne u gha yae la emwa ekhọe, ne u gha gu ọmwa gui, ne u gha rhie igiẹdu ne emwa, kevbe ne u gha ye i ziengbe ma emwa emwi.

Taitọs 1:9

Ọ ghi gha re ne ọ yobọ da ẹmwẹ nii yi gbangbaangban, ẹmwẹ nii ne ọ gia mu ẹtin yan kevbe ne ọ gu iruẹmwi nii ro. Odẹ vberriọ ọre ọ gha na sẹtin ye iruẹmwi ẹmwata nii, rhie igiẹdu ne emwa ọvbehe, ọ ghi vbe sẹtin rhie ehe ne iran ni gbe odan yọ na ba odẹ ku, ma agbọn.

Taitọs 2:15

Gha ma emwa avbe emwi na hia, vbe gha lo asẹ hia ne ọ gu ẹe vbe uwu ẹghẹ ne u na rhie igiẹdu ne iran, kevbe ne u na vbe gu iran gui hin ọkhọ rre, ighẹ iran ni danmwehọ ruẹ. Ghẹ gie ọmwa rhọkpa vbe uwu iran ye aro gue uẹ re.

Taitọs 2:7

Wẹ tobọ ruẹ gha re igiemwi vbe uwu iwinna esi hia. U ghi mu aro yọ ne u vbe gha ta ẹmwata vbe u a gha ma emwa emwi.

Failimọn 1:19

I gha tobọ mwẹ ye obọ mwẹ gbẹn ọnọna vbọ: Mẹ Pọl gha ha ruẹ re. (Ẹ i re ne I gha na ghi vbe gha ye ruẹ ẹre rre ighẹ iyọha wẹ tobọ ruẹ yẹ mwẹ re.)

Hibru 12:15

Wa khẹ ye egbe, ne ọmwaikọmwa ghẹ ya fi iyeke gbe ẹsọhẹ Osanobua. Wa mwẹ ẹwaẹn, ne ọmwaikọmwa ghẹ ya khian utẹzi ne ọ gha wan nẹ, ọ ghi ye obi ẹre gha kpokpo emwa ni bun.

Hibru 13:9

Wa ghẹ gie iruẹmwi ughughan ne a ma he ka rẹn, bi uwa hin urodẹ ẹmwata rre. Ọ kere ne a ya ẹsọhẹ Osanobua ye orhiọn ima khian ni wo vbe egbe, i ghẹ ẹ i re a ru emwi ne uhi kha re vbe ekpa evbare, iran ni ka ru vbene avbe uhi nii khare yi, ma miẹn emwi ọkpa ne iran miẹn vbọ.

Jems 5:20

wa ye ọ na rre. Ọmwaikọmwa ne ọ dia ọmwa orukhọ uhunmwu hin odẹ dan ne ọ te ye ladian, rẹn gha miẹn orhiọn ọmwa orukhọ nii fan hin obọ uwu, ọ ghi vbe gie a ya orukhọ ọkhọngborrie bọ ọmwa.