I Timoti 4:10 - Edo Bible (E Baibol Ẹdo) Version 1996

¹⁰ Ọna si ẹe ne ima na domian, kevbe ne a na kakabọ winna, rhunmwuda, ọghe Osanobua ne ọ rrọọ ọre idanmwehọ mwa ye, ọmwa ne ọre Ọmiọnmwafan emwa hia, kpataki iran ni yayi.

I Timoti 4:10 ပူးပေါင်းရင်းမြစ်များ

Psalm 107:2

Wa dọlegbe ta avbe ẹmwẹ na ya rho e Nọyaẹnmwa, wa hia ne ọ dẹe werriegbe, ọ miẹn uwa fan nẹ vbe obọ eghian uwa.

Psalm 118:8

Ọ kere ne a mu ẹtin yan e Nọyaẹnmwa, sẹẹ ne a mu ẹtin yan ọmwa.

Psalm 36:6

Umamwẹ ruẹn gbe ogege vbe oke ne ọ yo. Ẹmwata ruẹ yevbe orinmwiamẹ okun, wẹ ọ re ọ gbe aro ghe emwa nagbọn kevbe avbe aranmwoha.

Psalm 37:40

Ọ yi iran obọ, ọ ghi vbe miẹn iran fan ọ miẹn iran fan vbe obọ emwa dan rhunmwuda, rẹn ọ re iran lẹ gbinna.

Psalm 52:8

Sokpan, mẹ yevbe erhan oliv, ne ọ wan ladian vbe owa Osanobua ahoẹmwọmwa rẹn ne ẹ i beghe ọ re imẹ mu ẹtin yan ẹdẹ kevbe ẹdẹdẹmwẹdẹ.

Psalm 84:12

Osa ne Oghodua, afiangbe ọghe iran ni mu ẹtin yan ruẹn.

Aizaia 12:2

Osanobua ọrọre ọmiọnmwafan mwẹ I gha mu ẹtin yan rẹn, I i ghi vbe fian afianma. E Nọyaẹnmwa rhie ẹtin kevbe iwegbe mẹ rẹn ọrọre ọmiọnmwafan mwẹ.

Aizaia 50:10

Wa hia ni ya ọghọ ne Nọyaẹnmwa ni vbe ya ẹmwẹ avbe eguọmwadia ẹre ru emwi, odẹ ne uwa la khian sẹtin wa gele so ebiebi sokpan wa ya egbe yan e Nọyaẹnmwa, wa mu ẹtin uwa yan Osanobua uwa.

Jerimaia 17:7

“Sokpan mẹ gha fiangbe ọmwa ne ọ mu ẹtin ẹnrẹn yan mwẹ.

Daniẹl 3:28

Ọba keghi kha wẹẹ, “Wa rho Osanobua e Siedrak, Mesiak kevbe Abẹdnigo! Ọ gie odibo ẹre gha dee ne ọ do miẹn iran ni gae kevbe ni muẹtinyan rẹn na fan. Iran fieghe uhunmwu ye iyi ne imẹ yi, iran keghi mu egbe ne iran gha ya wu, sẹẹ ne iran ghughẹrre ya uhunmwu rhanmwẹ otọ ne ẹbọ ọvbehe gberra Osanobua iran.

Nahum 1:7

E Nọyaẹnmwa wa maa ọ degue avbe emwa rẹn vbe ẹghẹ ibaro; ọ gbe aro ghe iran ni lẹ bu ẹre rre.

Matiu 16:16

Saimọn Pita wanniẹn wẹẹ, “Wẹ ọrọre Mẹzaia, ovbi Osanobua ne ọ rrọọ.”

Matiu 27:43

Ọ mu ẹtin yan Osanobua, ọ wẹ Ovbi Osanobua irẹn khin. Wa gia dia gha ghe deghẹ Osanobua gha do miẹn rẹn fan nian.”

Iyẹn ne ọ Maan Ọghe Jọn 1:29

Ẹdẹ ghi gbe, Jọn keghi miẹn Jesu vbe ọ bu irẹn dee, ọ na kha wẹẹ, “Wa ghe oteghe ohuan Osanobua ne ọ viọ orukhọ agbọn gha rrie!

Iyẹn ne ọ Maan Ọghe Jọn 4:42

Iran tama okhuo nii wẹẹ, “Ẹ i re rhunmwuda ẹmwẹ ne u tae ọre ima na ghi yayi nian, emwi ne ọ ya ima yayi ọrọre wẹ ma tobọ mwa họn ẹmwẹ ne unu ẹnrẹn, ma rẹnrẹn vbe ẹmwata wẹ, rẹn ọrọre Ọmiọnmwafan agbọn.”

Iyẹn ne ọ Maan Ọghe Jọn 5:24

“Ẹmwata I tama uwa, ọmwa ne ọ rhirhi họn ẹmwẹ mwẹ ọ na vbe ya ọmwa ne ọ gie mwẹ yi, mwẹ ẹfe ne ẹ i fo. A i ghi bu ohiẹn ọnrẹn, ọ fian uwu rra la ẹfe nẹ.

I Kọrinti 15:10

Sokpan vbe ekpa ẹsọhẹ Osanobua ọre I na re emwi ne I khin na, ẹsọhẹ ne ọ rhie mẹ, a ma vbe muẹn rhia. Vbe ẹmwata, mẹ kakabọ winna sẹ avbe ukọ nekpa hia, a gha rhe miẹn wẹ ẹ i re ẹtin obọ mwẹ vbe ẹ i re ẹsọhẹ Osanobua ne ọ yaba mwẹ winna.

II Kọrinti 1:10

Rẹn keghi miẹn mwa fan, ma wa mu ẹtin yan rẹn ighẹ ọ gha ye vbe dọlegbe miẹn mwa fan.

I Timoti 2:3

Ọna maa, ọwa vbe yẹ Osanobua ne Ọmiọnmwafan mwa.

I Timoti 2:4

Ọmwa ne ọ ho ne emwa hia fe, ne iran vbe do rẹn ẹmwata nii.

I Timoti 2:6

Ọmwa ne ọ ye egbe ẹre dẹ emwa ne agbọn hia werriegbe, ọnii ọre ama ne aro ya dae ẹe, vbe ọwa sẹ ẹghẹ ọre zẹẹ, wẹ Osanobua ho ne emwa hia miẹn imiẹnfan.

I Timoti 3:15

Sokpan deghẹ I ma ghi rherhe rre, ebe na gha gie uwa rẹn vbene ọ kere ne ima gha mu egbe yi hẹ vbe uwu igiowa Osanobua, ne ọre esọsi ọghe Osanobua ne ọ rrọọ, orre kevbe okpo ọghe ẹmwata.

I Timoti 6:17

Tama iran ni fe vbe emwi agbọn na wẹ, ne iran ghẹ tọn egbe mu, kevbe wẹ, ne iran ghẹ mu ẹtin yan egbe emwi ne ọ mu yo mu rre vbe ne ẹfe ye, sokpan ne iran mu ẹtin yan Osanobua, ọmwa ne ọ viọ emwi hia ne ima wọrhọwọrhọ ne a ya gha zọmọ.

Hibru 11:26

Rẹn roro ẹe wẹ ne a rri oya a ye ọmwa gbe ogie rhunmwuda e Mẹzaia, ọre ọ maa sẹ ẹfe ni rre Igipt hia, rhunmwuda rẹn rhie aro ye ẹse ne a gha do san irẹn re ẹdẹ ne ọ dee.

Hibru 13:13

Rhunmwuda ọnii nian, wa gie ima kpao vbe agọ rre ya vba ẹre, ne ima vbe ya egbe viọ vbe emwi ekhue ẹre.

I Pita 1:21

ekpa ẹre ọre uwa na ya Osanobua yi, ọmwa ne ọ huẹn ọnrẹn kpao vbe orinmwi rre, ọ na rhie uyi nẹẹn, ọre a na miẹn wẹ, iyayi kevbe idaehọ uwa, Osanobua ọre a tua ẹre mu.

I Jọn 2:2

Rhunmwuda Kristi tobọ ẹre ọrọre ne a rhunmwuda ẹre ya orukhọ mwa bọ mwa, ẹ i vbe re orukhọ ọghomwa ọkpa, sokpan orukhọ emwa hia.

I Jọn 4:14

Ma miẹn ọẹn nẹ, ma keghi vbe tama emwa ọvbehe wẹ, Evbavba gie Ovbi ẹre gha dee ne ọ do gha re Ọmiọnmwafan agbọn.