I Timoti 4:1 - Edo Bible (E Baibol Ẹdo) Version 1996

¹ Te Orhiọn wa ta ẹe gbe ẹe ẹre ẹho rua wẹ, ọ gha sẹ ẹdẹ okiekie, emwa ni bun gha mu iyayi fua, iran ghi gha ru ne orhiọn ohoghe khare kevbe iruẹmwi esu.

I Timoti 4:1 ပူးပေါင်းရင်းမြစ်များ

Gẹnẹsis 3:13

E Nọyaẹnmwa Osanobua keghi nọ okhuo nii wẹẹ, “Vbọzẹ ne u na ru emwi na yi?” Rẹn ke wanniẹn wẹẹ, “Ẹyẹn ọre ọ rẹrẹ mwẹ rriọe.”

I Ọba 13:18

Ẹre Akhasẹ ne ediọnmwa ne ọ rre Bẹtẹl nii na tama rẹn wẹẹ, “Akhasẹ vbe ruẹ ọ re imẹ vbe khin, e Nọyaẹnmwa ọ re ọ vbe gie odibo ẹre gun mwẹ wẹ ne I rhie ruẹ gha rrie owa, ne I ya mu ọghọ ye uẹ egbe.” Sokpan ohoghe ọ re akhasẹ ne ediọnmwa nii gha ta.

Aizaia 2:2

Vbe ẹdẹ ne ọ dee, uhunmwu oke ne a gha bọ Ọgua Osa yi, ghi gha re uhunmwu oke ne ọ yo sẹẹ ehia ọ ghi gha ghe avbe oke hia uhunmwu. Agbọn ẹvbo nibun gha rre, iran ghi gha bi la rọ.

Jerimaia 23:26

Inu ẹghẹ ọ re avbe akhasẹ nii gha ghi ya ohoghe ne iran zẹ ta bibi emwa mwẹ odẹ kpee sẹ?

Jerimaia 48:47

Sokpan e Nọyaẹnmwa gha gie agbọn dọlegbe maa e Moab vbe ẹghẹ ne ọ dee. Avbe emwi na hia, ọre Nọyaẹnmwa khare ighe ọ gha sunu vbe egbe Moab.

Jerimaia 49:39

Sokpan, vbe okiekie ehia, I gha gie agbọn vbe dọlegbe maa ivbi Ẹlam. Mẹ ne Nọyaẹnmwa taa ẹe nẹ.”

Ezikiẹl 1:3

Vbe ọkpẹn Ẹzẹ e Kiẹba nii, I keghi họn vbe Nọyaẹnmwa gunmwẹ guan, I keghi vbe họn obọ ẹtin ẹnrẹn vbe egbe mwẹ.

Ezikiẹl 38:16

U gha dekun Izrẹl ne emwa mwẹ zẹ vbe okpẹhoho ne ọ gbe otọe ni dunmwu. Ẹghẹ nii gha sẹ, I gha giọ ne u mu okuo gha rrie otọe mwẹ ne I miẹn ehe na rhie ma avbe uhunmwu ẹvbo ọmwa ne I khin, ne I la ekpa emwi ne I lo ruẹ ya ru na rhiema vbene I huan hẹ.

Daniẹl 10:14

Te I rre do rhie ma ruẹn emwi ne ọ gha sunu vbe egbe emwa ruẹn ẹdẹnakhuẹ. Umian ọghe ẹdẹnakhuẹ ọ re ọna khin.”

Hozia 3:5

Sokpan, ẹghẹ dee ne ivbi Izrẹl gha na dọlegbe bu e Nọyaẹnmwa ne Osanobua iran gha dee, iran gha vbe bu ovbi uniẹn e Devid rre zẹvbe ọba iran. Ẹghẹ nii, iran gha mu ohan e Nọyaẹnmwa, iran ghi vbe miẹn emwi ọhẹ vbe obọ ẹre.

Maika 4:1

Ẹdẹ dee ne a gha miẹn wẹ oke nii ne a bọ Ọgua Osa yi ọ re ọ ra yo sẹ ehia fẹẹrẹ, ọ ghi gha ghee ni dekẹe adesẹ uhunmwu. Agbọn ẹvbo nibun gha rre, iran ghi gha vẹ bu ẹre rre.

Nọmbas 24:14

E Balam keghi tama e Balak wẹẹ, “Banbanna nian, I ra bu avbe emwa mwẹ, sokpan vbe I te kpao, I gha tama ruẹn emwi ne ivbi Izrẹl gha ru avbe emwa ruẹn re ẹdẹ ne ọ dee,”

Matiu 18:7

Ohan agbọn to mwẹ rhunmwuda avbe emwi ne ọ de ọmwa odẹ ni rrọọ. Ẹ i mwẹ ne emwi ni si ọmwa fi orukhọ ghẹ sunu. Sokpan u miẹn vbe ọ gha ba so ọmwa ne ọ la obọ ẹre sunu hẹẹ.

Iyẹn ne ọ Maan Ọghe Luk 17:1

Jesu tama avbe erhuanegbe ẹre wẹẹ, “Ẹ i mwẹ ne emwi ne ọ ya ọmwa ru orukhọ ghẹ sunu, sokpan ọ sọ re ighe ọmwa ne a gha lẹ ọre ginna re obọ!

Iyẹn ne ọ Maan Ọghe Jọn 16:13

Sokpan Orhiọn ẹmwata ni gha ghi rre, ọ gha gban uwa ghe ehe ne ẹmwata ye.

Iwinna 13:2

Ugbẹn vbe iran ghi ga Nọyaẹnmwa, vbe iran vbe yo aguẹ, Orhiọn Ne Ọ Huanrẹn tama iran wẹẹ, “Wa viọ Banabas vbe Sọl ladian nẹ ne iran ya winna iwinna ne I tie iran baa.”

Iwinna 17:18

Avbe ọmamwaemwi Epikurian kevbe Stoik eso keghi vbe guee gha muan ẹmwẹ. Eso vbọ kegha kha wẹ, “De emwi ne ole unu na vbe miẹn gha ta yi?” Eso vbọ keghi vbe kha wẹ, “Ọ ye vbe ẹmwẹ ẹbọ ne ima mannọẹn ọre ọ ta.” Emwi ne ọ ye iran ta ẹmwẹ na ọrọre wẹ te Pọl gha kpe orhu Jesu kevbe arhiọkpaegbe.

Iwinna 20:23

Emwi ọkpa I rẹnrẹn wẹ ẹvbo ne I rhirhi a sẹ ọre Orhiọn Ne Ọ Huanrẹn na tama mwẹ wẹ eghian kevbe ukpokpo dia khẹ mwẹ.

Iwinna 21:11

Ọ keghi bu ima gha dee, ọ keghi rhie ugbẹkun e Pọl, ọ keghi yae gba egbe ẹre obọ vbe owẹ, ọ wẹẹ, “Orhiọn Ne Ọ Huanrẹn wẹ, ‘Vbe nian ọre avbe Ju khian mu ọmwa ne ọ yan ugbẹkun na gba vbe Jerusalẹm, iran ghi mu ẹn gie avbe emwa ne ẹ i re Ju.’ ”

Iwinna 28:25

Ẹmwẹ iran ma ghi gu egbe ro, sokpan vbe iran ghi te kpao, Pọl keghi ta ẹmwẹ ọkpa na ma iran wẹẹ, “Ẹmwata ọre ẹmwẹ ne Orhiọn Ne Ọ Huanrẹn la unu akhasẹ Aizaia tama avbe erha uwa odede wa khin wẹẹ,

I Kọrinti 10:20

Hiehiere. Emwi ne I kha ọrọre wẹ, emwi ne a ya zẹ ese vbe aro ẹbọ, esu ọre a yae ru na ighẹ ẹ i re Osanobua. Mẹ ma ho ne uwa gu esu gha mu obọ.

I Kọrinti 11:19

(Vbe ne a i na gbe awẹawẹ, ẹ i mwẹ iwannegbe ma gha rre ẹkpo uwa ne iran ni ru emwi esi miẹn ehe na wa gia rẹn taara.)

I Kọrinti 12:11

Ọ rhie ẹtin ne a ya ye urhu ne a ma rẹn guan ne emwa eso, ọ kevbe rhie ẹtin ne a ya zẹ edu urhu ne a ma rẹn na ne emwa eso. Sokpan Orhiọn ọkpa nii ọ re ọ ru avbe emwi na hia, ọ ghi ya emwi ughughan we dọmwadẹ ọghọe zẹ vbe ne ọ yẹ ọre.

I Kọrinti 2:10

Sokpan Osanobua la ekpa Orhiọn ta oro ọghọe ma ima nẹ, Orhiọn Ne ọ huanrẹn ọre ọ gualọ otọ emwi hia, uhin ya sẹ egbe emwamwa ẹkhokho ne ọ rre Osanobua ekhọe.

II Kọrinti 11:3

Afianma fian mwẹ ne iran ghẹ ya ruẹn ẹmwẹ ye uwa ekhọe mu ẹn rhia, wa ghi zobọ vbe ne uwa na te wa guobọ Jesu vbe ne a i gbe ikhan yi, zẹ vbene ẹyẹn ye ẹkẹ vbe ero, rẹrẹ Ivi.

Diuteronomi 32:29

Iran ma sẹtin rẹn emwi ne ọ gie obọ ke okhunmwu ne iran, iran ma sẹtin rẹn otọ emwi ni sunu.

Diuteronomi 4:30

Sokpan, deghẹ ọlọghọmwa ghi vba uwa, ighẹ te emwi na hia ghi sunu vbe egbe uwa, ẹghẹ nii wa ghi werriegbe bu e Nọyaẹnmwa gha dee, wa ghi do gha ya ẹmwẹ ọnrẹn ru emwi.

Kọlose 2:18

Ghẹ gie ọmwaikọmwa ne ọ wẹ irẹn sẹ ruẹ, rhunmwuda ighẹ rẹn miẹn umian suẹ gọọ, ne ọ gba ẹmwẹ imuegberriotọ ọghe abawẹ mu unu, deba avbe odibosa ne a ghoo. Egbe ọre ọ mu emwa vberriọ, vbe. ne ẹ i na vbe mwẹ emwi ne ọ si ẹe, rhunmwuda, erriọ iro ekhọe ẹre la ghe, zẹ vbe ọmwa kẹkan.

II Timoti 3:13

Sokpan avbe emwa dan kevbe ayunukpaegbe ghi gha rhia yọ rhia yọ, iran ghi gha mu emwa ọvbehe rẹrẹ, a ghi vbe gha mu iran tobọ iran rẹrẹ.

II Timoti 4:4

Iran gha fi iyeke gbe ẹmwata ne a danmwehọ ẹre, iran ghi gha danmwehọ umaranmwẹ.

Jems 3:15

Ẹ i re ẹrinmwi egbe ẹwaẹn vberriọ ke rre, ọ ghe agbọn na nọ, ẹ i re emwi orhiọn, ọghe esu nọ.

I Pita 1:20

Osanobua zọ ẹe ye otọ nẹ a te do yi agbọn, rhunmwuda uwa, ọre ọ na do rhie ẹre ladian ne a miẹn vbe ẹdẹ okiekie na.

II Pita 2:1

Vbe ẹghẹ ne ọ gberra, a miẹn avbe emamwaemwi ohoghe ni bun vbe uwu ẹbu iran, erriọ wa vbe nọ, a gha vbe miẹn avbe emamwaemwi ohoghe vbe uwu uwa. Iran gha ma emwa iruẹmwi omurhia kevbe ohoghe, iran ghi vbe siẹn Arowa iran ne ọ miẹn iran fan, iran ghi la ekpa ọnii si ọfuan udomwurri mu rhu egbe iran uhunmwu.

II Pita 3:3

Okaro, wa rẹnrẹn wẹ, ọ gha sẹ ẹdẹ okiekie, emwa eso gha rrọọ ne a gha miẹn wẹ, orriarria iran ọre ọ tama iran emwi ne iran gha ru vbe agbọn. Iran ghi gha ya uwa gbe ogiẹ.

I Jọn 2:18

Ivbi mwẹ, ufomwẹ sẹ otọ fo nẹ. A khama uwa wẹ, Oghian Kristi gha rre, banbanna nian, eghian Kristi ni bun rhie egbe ma nẹ, rhunmwuda ọnii, ma rẹnrẹn wẹ, ufomwẹ sẹ otọ fo nẹ.

I Jọn 4:6

Sokpan ọghe Osanobua ọre ima khin. Ọmwaikọmwa ne ọ rẹn Osanobua ghi vbe gha rhie ẹmwẹ ima ye ehọ. Ọmwaikọmwa ne ẹ i re ọghe Osanobua, ẹ i vbe rhie ẹmwẹ ima ye ehọ. Rhunmwuda ọnii, vbe nian, ọre ima gha ya rẹn alughaẹn ne ọ rre Orhiọn ne ọre ọghe ẹmwata, kevbe orhiọn ne ọ re ọghe ebiebi.

Ebe ne Jud gbẹẹn 1:18

Rhunmwuda iran khare wẹẹ, “Ọ gha ghi sẹ ẹdẹ okiekie, emwa eso gha rre, iran ni gha do gha ya uwa gbe ogiẹ, emwa ni gha ru emwi dan ni rre iran ekhọe.”

Ebe ne Jud gbẹẹn 1:4

Rhunmwuda, emwa dan eso rẹnrẹn la uwu ima vbe ne a ma na rẹn, iran gha mu ikporhu ẹmwẹ ẹsọhẹ Osanobua khian ne iran miẹn ehe na rhie otọ ne uyinmwẹ alama oghẹ iran, ne iran miẹn ehe na he Jesu Kristi ye otọ, ọmwa ne ọre Arowa ọkpa ne ima mwẹ kevbe Nọyaẹnmwa. Ẹghẹ ne ọ kpẹre ne ọ gberra, ọre Ebe ta ẹmwẹ a bu abe gbe emwa na, ye otọ ighẹ ne ọ do sẹ iran egbe na.

Arhie Maan 13:14

Ọ keghi ye iwinna ọyunnuan ne a rhie ẹghẹ nẹẹn ya winna mu emwa hia ni rre agbọn rẹrẹ vbe sirra aranmwẹ oha ne okaro nii. Aranmwẹ oha na keghi wẹ ne emwa ne agbọn hia ma amazẹ ọkpa ne a ya ya ọghọ nẹẹn ighẹ aranmwẹ oha nii ne a ya umozo kuan rẹn egbe ne ọ ma wu.

Arhie Maan 16:14

Iran na ọrọre avbe orhiọn esu nii, ne ọ winna iwinna ọyunnuan. Avbe orhiọn eha nii, keghi ladian bu avbe ọba ni rre otọ agbọn gha khian, ne iran ya silo iran koko khẹ okuo Ẹdẹ nọkhua ọghe Osanobua ne Oghodua.

Arhie Maan 18:2

Ọ keghi ya urhu ne ọ la kha wẹẹ, “Ọ de guọghọ ua nẹ! Babilọn nọkhua de guọghọ ua, a vbe orhiọn dan kevbe orhiọn ni ma huan, ọre ọ ghi lọyan yo lọyan rre vbọ. Ahianmwẹ ni gbiruẹn kevbe ọ ghe izohu hia ọre ọ ghi rre uwu ẹre.

Arhie Maan 18:23

A i ghi ra dọlegbe bẹghe uwanmwẹ ukpa ne a rhu vbe uwu uwẹ ọvbehe. A i ra dọlegbe họn urhu ọha kevbe ọdafẹn ọha vbe uwu uwẹ ọvbehe. Emwa iwinna ruẹn ọre ọ te re ne ọ mwẹ ẹtin sẹ vbe uhunmwu otọ agbọn hia, u kegha ya ẹbo awan ohoghe ruẹ mu emwa ne agbọn hia rẹrẹ!”

Arhie Maan 19:20

A keghi mu aranmwẹ oha nii oghunmwu ke ẹe kevbe akhasẹ ohoghe nii ne ọ winna iwinna ọyunnuan vbe odaro ẹre. (Ama ọyunnuan nii ọre ọ ya rẹrẹ iran re ighẹ iran ni vin ama aranmwẹ oha ni ye egbe, ne iran na vbe gha ye uhunmwu rhanmwẹ otọ ne amazẹ ọre.) Aranmwẹ oha nii ke ẹe kevbe akhasẹ ohoghe nii, a keghi munọ iran ke ẹmwẹ ne unu fi lo ku uwu odighi erhẹn ne ọ giẹn emwi ne ọ ye vbe ugbofi ladian.

Arhie Maan 2:11

“Adeghẹ u mwẹ ehọ khekherriọ, u ghi danmwehọ ẹmwẹ ne Orhiọn tama avbe esọsi. Iran ni khọnmiotọ, uwu ne ogieva i ghi ra kuan iran ọvbehe.

Arhie Maan 2:17

“Rhunmwuda ọnii nian, a deghẹ u mwẹ ehọ, danmwehọ ẹmwẹ ne Orhiọn tama avbe esọsi. “I gha rhie ne iran ni khọnmiotọ nẹ, vbe mana ne a rhie lẹre nii, I gha vbe rhie ne ọkpọkpa vbe uwu iran, okuta nọfua ne a gbẹn eni ọgbọn yi, eni ne a kha na, ọmwa ọvbehe ne ọ gha rẹn ọnrẹn i rrọọ gberra ọmwa ne a rhie ẹre na.

Arhie Maan 2:29

“Adeghẹ u mwẹ ehọ, danmwehọ ẹmwẹ ne Orhiọn tama avbe esọsi.

Arhie Maan 2:7

“Rhunmwuda ọnii, a deghẹ u mwẹ ehọ khekherriọ, u ghi họn ẹmwẹ ne Orhiọn tama avbe esọsi. “Avbe emwa ni khọnmiotọ nẹ, I gha rhie asẹ ne iran ne iran ya re vbe ọmọ erhan ẹfe ni, ne ọ zọ re vbe uwu ogba ọghe Osanobua.

Arhie Maan 20:10

Esu ne ọ rẹrẹ iran, a keghi mu ẹn, fi uwu odighi erhẹn kevbe ugbofi, ehe ne a ka filo aranmwẹ oha nii, kevbe akhasẹ ohoghe kui. A gha vbe gha rri iran oya asọn kevbe avan ẹdẹ kevbe ẹdẹdẹmwẹdẹ.

Arhie Maan 20:8

Rẹn ghi ladian ya gha mu iran rẹrẹ ighẹ agbọn ẹvbo hia ni tagha gba uhunmwu otọ agbọn, ọnii nọ wẹ Gọg kevbe Magọ, Setan ghi silo iran hia koko ne iran do gbinna, emwa ni bun vba ekhae nii rre okun,

Arhie Maan 3:13

“A deghẹ u mwẹ ehọ khekherriọ, danmwehọ ẹmwẹ ne Orhiọn tama avbe esọsi.

Arhie Maan 3:22

“Adeghẹ u mwẹ ehọ danmwehọ ẹmwẹ ne Orhiọn tama avbe esọsi.”

Arhie Maan 3:6

“A deghẹ u mwẹ ehọ, u ghi danmwehọ ẹmwẹ ne Orhiọn tama avbe esọsi.

Arhie Maan 9:20

Emwa ne agbọn ni dekẹe, iran ne egboghogbogho na ma he gbele ua, iran ma zobọ vbe emwi ne iran tobọ iran ru. Iran ma zobọ vbe esu ne iran ga kevbe avbe amazẹ igoru, esiliva, oze, okuta kevbe erhan, emwi ne ẹ i sẹtin bẹghe ra ne ọ ye owẹ khian ra ne ọ họn ẹmwẹ.