I Timoti 3:8 - Edo Bible (E Baibol Ẹdo) Version 1996

⁸ Iran ni ru iyobọ vbe esọsi, ọ kere ne iran vbe gha mwẹ uyinmwẹ esi kevbe ne ọre ọ ghe ẹmwata, ọ ma kei ne iran gha da ayọn gbe, ra ne iran gha zuan.

I Timoti 3:8 ပူးပေါင်းရင်းမြစ်များ

Psalm 12:2

Te iran hia wa ta ohoghe ma egbe. Iran ghi gha ye arhẹrhẹ mu egbe rẹrẹ.

Psalm 5:9

A i sẹtin mu ẹtin yan ẹmwẹ ne avbe eghian mwẹ ta. Ne a fuẹn emwi ruan ọre iran ho. Ẹmwẹ iran rhiẹnrhiẹn vbe ehọ, ọ vbe rriẹ. Sokpan, iran vuọn ne erẹrẹ ne ọ si uwu.

Psalm 50:19

“Ẹghẹ hia wa ya mu egbe ne uwa ya ta ẹmwẹ dan ohoghe ne a ta i vbe kan uwa aro.

Psalm 52:2

U zẹ iro vbene u gha mu agbọn rhia ye ẹrrẹe obọ hẹ aranmwẹ ruẹn yevbe abẹe ne ọ mu, ẹghẹ hia ọ re u ya zẹ ohoghe ta.

Ezikiẹl 44:21

Ọ ma kee ne avbe ohẹn da ayọn rhọkpa iran ke la uwu Ọgua ne ọ ke uwu ẹre.

Levitikọs 10:9

“Wa gha da ayọn ra ebiẹ nẹ, wẹ kevbe avbe ivbi uẹ, wa ghẹ ghi la uwu Owa Ukpọn Ile, wa gha danmwẹ ọẹn, wa gha wulo. Uhi ne avbe ivbi uniẹn ruẹn hia gha rhie mwẹ ọre ọna khin.

Ebe ne Pọl gbẹẹn gie emwa Rom 3:13

Unu iran ye vbe idin ne ọ we unu uan. Ohoghe ne ọ vẹ ẹki ọre ọ werriẹ ke aranmwẹ iran rre, ẹmwẹ ne ọ yevbe obi ẹyẹn ghi gha ke akhuarhamwunu iran rre,

Filipai 1:1

E Pọl kevbe Timoti, emwa ni re eguọmwadia Kristi Jesu, ọre ọ gbẹn ebe ne gie emwa Osanobua hia ni rre Filipai, iran ni ya Jesu Kristi yi, deba avbe olotu esọsi kevbe iran ni ru iyobọ.

I Timoti 3:12

Ọmwa ne ọ ru iyobọ vbe uwu esọsi, okhuo ọkpa ọre ọ kere ne ọ gha mwẹ, ọ ghi gha gbe aro ghe egbe kevbe ivbi ẹre ẹse.

I Timoti 3:2

Ọ kere ne Ọkaolotu esọsi gha re ọmwa ne ẹ i mwẹ abaku ru, ọ ghi gha mwẹ okhuo ọkpa kẹkan, ọ ghi gha re ọmwa ne aro hianrẹn, kevbe ne ọ rẹn enegbe, kevbe ne ọ ru emwi uhẹn uhẹn, ọ ghi gha miẹn avbe erhunmwuyẹn yi vbe owa ẹre, ọ ghi sẹtin gha ma emwa emwi.

I Timoti 3:3

Ọ ma kei ne ọ gha re ọdayọn ra ne ọ fian ọkpannike, sokpan, ọ ghi gha re ọmẹhẹ kevbe ne ẹ i ho ẹmwẹ, ọ ma ke ne ọ gha ho ẹmwẹ igho.

I Timoti 5:23

Ẹ i re amẹ ọkpa ọre u gha gha wọn, sokpan vbe gha da ayọn kherhe, ne ọ miẹn ehe ne gha dọlọ ruẹ ẹko yi, rhunmwuda ne u na huehue vbe ẹghẹ hia.

Taitọs 1:7

Rhunmwuda, ugbẹn vbe a miẹn wẹ, rẹn ọrọre ne ọ gbe aro ghe iwinna Osanobua, ọ kere ne ọkaolotu esọsi gha re ne ẹ i mwẹ abaku ru. Ọma kei ne ọ gha re ọmwa ne ọ tọn egbe mu, ra ne egbe balọ, ra ne ọ da ayọn gbe egbe, ra ọmwa ne ọ khọọ ra ne ọ zuan.

Taitọs 2:3

Erriọ vbe nọ, vbe tama avbe edede wẹ, ne iran gha ru emwi ọmwa ne ọ yin uyinmwẹ ne ọ huanrẹn. Ọ ma kei ne iran gha ta ọtakhọ ra ne ẹmwẹ ayọn i gi ẹe ya rẹn enegbe. Iran ghi gha ma emwa emwi esi.

Jems 3:10

Ẹmwẹ ekpọnmwẹ kevbe ẹbọ ne a tie ghi gha tue ke unu ọkpa ni ladian. Etẹn mwẹ, ọ ma kei ne ọna gha sunu.

I Pita 5:2

Wa gha re Ọsuohuan avbe oghẹn ohuan ne Osanobua viọ ne uwa, wa gha ye aho ne ọ ke uwu ekhọe rre gbe aro ghe iran, vbene Osanobua ho ne uwa gha ru ẹe, ẹ i re ne a gbe omaro omaro ru. U ghi gha winna iwinna ruẹn, ẹ i re rhunmwuda ne a miẹn ehe na ha ruẹ osa kẹkan, sokpan aho ne a winna ne ọ ke ekhọe rre.