I Timoti 3:7 - Edo Bible (E Baibol Ẹdo) Version 1996

⁷ Ọ kere ne ọ gha re ọmwa ne emwa hia nii yo esọsi ya ọghọ na, ne a ghẹ ya fa ẹre ua ne ọ ya de ye ifi Esu.

I Timoti 3:7 ပူးပေါင်းရင်းမြစ်များ

Iyẹn ne ọ Maan Ọghe Mak 4:11

Jesu wanniẹn tama iran wẹẹ, “Wa na ọre a ta oro ẹmwẹ Arriọba Osanobua ma sokpan, iran hia ni rre ore, itan ọre a ya gu iran guan.

Iwinna 10:22

Iran wanniẹn wẹẹ, “Kọniliọs ne ọka okuo ọre ọ gie ima gha dee. ọmwa esi ne ọ ga Osanobua ọre nọ, emwa Ju hia wa ya ọghọ nẹẹn ẹsẹse. Odibo Osanobua ọkpa ọre ọ tama rẹn ne ọ gie ne a tie ruẹ gha die owa ẹre, ne ọ miẹn ehe na họn ẹmwẹ ne u mwẹ ne u gha ta ma rẹn.”

Iwinna 22:12

“Okpia ọkpa ne a tie eni ẹnrẹn Ananaias keghi rrọọ, ọmwa ne ọ mwẹ ekhọe ne a ya ga ẹsẹse, ọ kevbe ya Uhi ima ru emwi, ọ keghi vbe gha re ne ivbi e Ju hia ni rre Damaskọs ya ọghọ na ẹsẹse.

Iwinna 6:3

Rhunmwuda ọnii, etẹn mwẹ, wa viọ arhin ihinrọn ladian vbe uwu uwa, emwa n a rẹnrẹn ighe iran vuọn ne Orhiọn Ne Ọ Huanrẹn kevbe ẹwaẹn, ne a mu iwinna na ye iran obọ.

I Kọrinti 10:32

Gha yin vbene a gha na miẹn wẹ u ma hẹ vba avbe Ju ra iran ne ẹ i re Ju ra esọsi Osanobua.

I Kọrinti 5:12

Emwi ne ọ khian ọrọre wẹ, ọ ma kan mwẹ kan iran ne ẹ i rre otu mwa ne I gha bu ohiẹn iran.

II Kọrinti 6:3

Ma ma ho ne ọmwaikọmwa do gha zan iwinna mwa, rhunmwuda ọnii, ma i vbe mu idobo ye ọmwarhọkpa egbe.

II Kọrinti 8:21

Emwi ne ima mwẹ vbe ekhọe ọrọre ne a gha ru emwi la odẹ ne ọ gbae, ẹ i re vbe odaro Nọyaẹnmwa ọkpa, sokpan kevbe odaro emwa ne agbọn.

Kọlose 4:5

Wa gha ye ẹwaẹn ru emwi vbe uyinmwẹ ne uwa yin ghe iran ne ima yayi, ne uwa gha lo ẹkpotọ ne uwa a rhirhi miẹn ẹse.

I Tẹsalonaika 4:12

Wa gha ru vberriọ, iran ni ma yayi ghi gha ghe uwa gẹdẹgbẹẹ, wa i ghi ra vbe ghe ọmwa rhọkpa obọ.

I Tẹsalonaika 5:22

Wa gha lẹ ne emwi dan hia ne ọ rhirhi gha khin.

I Timoti 3:6

Ọ ma kei ne ọ gha re ọmwa ne ọ da yayi, ne a ghẹ miẹn ighẹ te ọ ghi tọn egbe mu, a ghi ya bu abe gbe ẹe zẹ vbene ọghe Esu gha ye.

I Timoti 5:14

Rhunmwuda ọnii, emwi ne I ho ọrọre wẹ ne avbe ẹgbẹ ni re ibiẹka gha rọnmwẹ ọdọ, ne iran biẹlẹ, ne iran gbe aro ghe owa iran, ne a ghẹ rhie otọ ne iran ne eghian mwa ya gha zan mwa.

I Timoti 6:9

Sokpan iran ni ho ne iran fe, edanmwẹ ọre iran de yi, ifi orriarria ukọnmwẹ ne ẹbe ye ni bun ghi mu iran, emwi na ọre ọ sua emwa fi uwu ọfuan kevbe ne ọ gbe ẹro.

II Timoti 2:26

Ẹghẹ nii aro ghi do hian iran, iran ghi lẹfe vbe obọ ifi ne Esu rhuẹre, ọmwa ne ọ te ka mu iran yi ọ na ya iran gha ru enegbe ẹre.

Taitọs 2:5

Ne iran ghẹ gha balọ egbe, ne iran gha re ne ẹ i mwẹ awua, kevbe amwẹ ne iye ọwa esi ni họn ẹmwẹ ne ọdafẹn iran, ne ọmwaikọmwa ghẹ ya ukpẹ sakan, ẹmwẹ Osanobua.

Taitọs 2:8

Gha lo ẹmwẹ ne ọ gbae ne ẹ i gia gbe odan ye ọmwa ẹre, ne ekhue miẹn ehe na mu avbe eghian ighẹ iran ma ghi miẹn emwi rhọkpa ya zan ima.

III Jọn 1:12

Emwa hia ọre ọ wa na iyẹn Demetriọs ne ọ maa, ẹmwata tobọ ẹre vbe ta ẹmwẹ ọnrẹn ne ọ maa. Ma keghi vbe rhie osẹe ima ba ẹre, wa tobọ uwa rẹnrẹn wẹ, ẹmwẹ ne I ma ta, ẹmwata nọ.

I Samuẹl 2:24

Wa gie ẹe sẹ evba, ivbi mwẹ. Emwi ne emwa e Nọyaẹnmwa ta vbe ekpa uwa mu ohan gbe.