I Timoti 3:16 - Edo Bible (E Baibol Ẹdo) Version 1996

¹⁶ Ọmwa ne ọ gha sẹtin muan rẹn ẹ i rrọọ ighẹ ẹmwẹ oro nọkhua ọghe iyayi mwa: Rẹn rhie egbe ma zẹ vbe ọmwa kẹkan, a miẹn ọẹn vbe ọghe Orhiọn wẹ ọmwata nọ, avbe odibo Osa vbe miẹn ọẹn. A kpe orhu ẹre vbe avbe uhunmwu ẹvbo, a ya ẹe yi vbe otọ agbọn hia, a keghi tọn ẹn mu gha rrie ẹrinmwi.

I Timoti 3:16 ပူးပေါင်းရင်းမြစ်များ

Aizaia 7:14

Vbene ọ ghi ye na nian, e Nọyaẹnmwa gha tobọ ẹre rhie iyama nuẹn: okhuo ọvbokhan ọkpa ne ọ ma rẹn okpia gha hanmwa, ọ gha biẹ ọmọ okpia ọkpa, ọ ghi he ẹre ‘Imanuẹl.’

Aizaia 9:6

A biẹ ọmọ ọkpa ne ima! A rhie ọmọ okpia ọkpa ne ima! Rẹn ọ ra gha re ogie mwa. Eni ne a ra gha tie ẹre ọrọre, “Ọbude Ọyunnuan.” “Osa ne Oghodua,” “Erha Etẹbitẹ,” “Okoro Ọfumwegbe.”

Maika 5:2

E Nọyaẹnmwa khare wẹẹ, “Bẹtlẹhẹm Efrata, ọkpa vbe uwu ẹvbo ni kanmwa sẹẹ vbe Juda ọre uwẹ khin, sokpan, uwu uwẹ ọ re I gha ke rhie ne ọ khaemwisẹ ladian ne Izrẹl, rẹn gha vbe ke uniẹn nẹdẹ ne a ka ya gha bu ẹvbo nii ladian.”

Matiu 1:23

“Nene uvbi gha hanmwa, ọ gha vbe biẹ ọmọ okpia ọkpa, a ghi he ẹre Imanuẹl.” Emwi ne a ya ọnii kha ọrọre “Osanobua rrọọ yaba mwẹ.”

Matiu 13:11

Jesu wanniẹn tama iran wẹẹ, “Wa na ọre a ta ẹmwẹ oro Arriọba Osanobua ma ighẹ ẹ i re iran ni.

Matiu 28:2

Vbe udomwurri, otọ keghi wa mu rueghe, odibosa Nọyaẹnmwa keghi tuorre ke ẹrinmwi rre, ọ werriẹ okuta ni hin evba, ọ keghi tota yan rẹn.

Matiu 3:16

Ugbẹn vbe a ghi samẹn ne Jesu nẹ, vbene ọ wa ladian vbe uwu amẹ, ẹrinmwi keghi kie ye otọ, rẹn keghi miẹn Orhiọn Osanobua vbe ọ tuorre, ọ yevbe idu, ọ keghi rhuẹ yan rẹn.

Matiu 4:11

Rhunmwuda ọnii, Esu keghi sọrae, avbe odibosa keghi rre do ru ọguọmwadia nẹẹn.

Iyẹn ne ọ Maan Ọghe Mak 1:13

Rẹn kegha rre evba vbe ikpẹdẹ iyeva, Setan keghi danmwẹ ọẹn ghe. Avbe aranmwẹ oha kevbe gha rre evba, sokpan avbe odibosa keghi rre do ru iyobọ ne ẹn.

Iyẹn ne ọ Maan Ọghe Mak 16:19

Ugbẹn vbe Nọyaẹnmwa Jesu ghi gu iran guan nẹ, a keghi tọn ẹn mu gha rrie ẹrinmwi, ọ na tota ye obọ erha ọmwa Osanobua.

Iyẹn ne ọ Maan Ọghe Mak 16:5

Iran keghi la uwu idin ni, iran keghi do vba igbama ọkpa ne ọ yọ ẹwu ne ọ fua, ọ tota ye obọ erha ọmwa, ohan keghi mu iran.

Iyẹn ne ọ Maan Ọghe Luk 2:32

Uwanmwẹ ne ọ gha ma avbe ni ma yayi odẹ ruẹ, ne ọ gha vbe rhie uyi ne avbe Izrẹl emwa ruẹn.”

Iyẹn ne ọ Maan Ọghe Luk 20:44

Devid tie ẹre Nọyaẹnmwa, vbe ne ne Mẹzaia ghẹ ghi na vbe gha re ovbi uniẹn Devid hẹẹ?”

Iyẹn ne ọ Maan Ọghe Luk 22:43

Odibosa ọkpa keghi ke ẹrinmwi rre do rhie egbe ma rẹn, ọ keghi rhie ẹtin ye ọre iwu.

Iyẹn ne ọ Maan Ọghe Luk 24:4

Ugbẹn vbe iran ghi mudia, vbe iran ma rẹn vbene emwi rhọkpa ghi ye hẹ, udomwurri, ikpia eva ni yọ ẹwu ni fi wain wain keghi do mudia ke iran.

Iyẹn ne ọ Maan Ọghe Luk 24:51

Vbene ọ wa fiangbe iran ni, ọ kpao sẹ iran rae, a keghi tọn ẹn mu gha rrie odukhunmwu vbe ẹrinmwi.

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Iyẹn ne ọ Maan Ọghe Jọn 13:3

Jesu rẹnrẹn ighe asẹ hia ọre Evbavba wa rhie ne irẹn, ọ rẹnrẹn ighe ehe ne Osanobua ye ọre irẹn ke gha dee, kevbe wẹ te irẹn vbe bu Osanobua khian.

Iyẹn ne ọ Maan Ọghe Jọn 15:26

“Ne ọ yọ ọmwa obọ gha rre — Orhiọn Ẹmwata ne ọ ke ehe ne Evbavba ye gha dee, I gha giee ke ọghe Evbavba gha dee, ọ gha ta ẹmwẹ mwẹ.

Iyẹn ne ọ Maan Ọghe Jọn 16:28

Ọ ghe Evbavba mẹ ke gha dee, I na gha die agbọn na, banbanna nian, I ra vbe kpao vbe agbọn na ne I bu Evbavba.”

Iyẹn ne ọ Maan Ọghe Jọn 17:5

Evbavba ne Evbavba, rhie uyi mẹ vbobọ vbobọ nian, egbe uyi ne I ka guẹ mwẹ vbe a ma he yi agbọn.

Iyẹn ne ọ Maan Ọghe Jọn 20:12

Rẹn keghi dẹghe avbe odibosa eva vbe evba, iran yọ ukpọn nọfua, iran tota ye ehe ne ikun Jesu te ye, ọkpa vbe odẹ uhunmwu kevbe nọkpa vbe odẹ owẹ.

Iyẹn ne ọ Maan Ọghe Jọn 6:62

A deghẹ wa ghi miẹn wẹ Ovbi Ọmwa dọlegbe gha rrie odukhunmwu vbe ehe ne ọ ka ye yi vbo?

Iwinna 1:19

Emwa ni rre Jerusalẹm hia họn ẹmwẹ na. Iran keghi ya ẹvbo ne iran zẹ he ako oha nii eni. Iran keghi ti ẹre Akẹldama, ọ ni nọ wẹ “Oha Esagiẹn.”)

Iwinna 10:34

Pita keghi suẹn gha guan ọ wẹẹ, “Mẹ miẹn wẹ vbe ẹmwata, aro ọkpa ọre Osanobua ya ghe emwa hia.

Iwinna 14:27

Iran ghi sẹ Antiọk, iran si emwa esọsi koko, iran keghi na iyẹn emwi ne Osanobua viọ iran ya winna ma iran kevbe vbene ọ vbe kie ne iran ne ẹ i re Ju hẹ ne iran do yayi.

Iwinna 20:28

Wa gha gbe aro ghe egbe uwa kevbe ohuan hia ne Orhiọn Ne Ọ Huanrẹn viọ ne uwa gha su, wa gha re ọsuohuan esọsi Osanobua ne ọ ya uwu Ovbi ẹre ya khian oghẹ ẹe.

Ebe ne Pọl gbẹẹn gie emwa Rom 10:12

Emwa hia ọre a kha, rhunmwuda alughaẹn i rrọọ ne Ju ra iran ne ẹ i re Ju, Osanobua ọrọre Nọyan ehia, ọ ghi vbe gha fiangbe iran hia ni datie ẹre wọrhọwọrhọ.

Ebe ne Pọl gbẹẹn gie emwa Rom 10:18

Sokpan ọta ne I mẹ nọ rẹn ọna khin: Iran ma gele họn nene ẹmwẹ ra? Ẹsẹse, iran wa họn, zẹ vbene ebe khare: “Urhu iran la otọ agbọn hia, ẹmwẹ iran sẹ ehe ne agbọn sẹe.”

Ebe ne Pọl gbẹẹn gie emwa Rom 16:25

Gie ima rhie uyi ne Osanobua! Rẹn gha sẹtin ya uwa mudia gbain vbe iyayi uwa, zẹ vbe Iyẹn Ne ọ maa ne I kpe orhu ẹre ighẹ ẹmwẹ Jesu Kristi, kevbe zẹ vbe ẹmwata ne a rhie lẹre ne ẹkpo i mwẹ arria gha dee, ne a miẹn nian wẹ ọ vẹe ne a rẹn.

Ebe ne Pọl gbẹẹn gie emwa Rom 16:26

Vbene ọ rhirhi gha ye hẹ, banbanna nian, a rhie ẹmwata ni ladian azagba nẹ la ekpa emwi ne avbe akhasẹ gbẹnnẹ, kevbe zẹ vbe ne Osanobua etẹbitẹ yi ẹre iyi, a rhie ẹre ma uhunmwu ẹvbo hia nẹ, ne emwa hia miẹn ehe na yayi, ne iran vbe gha ya ẹe ru emwi.

Ebe ne Pọl gbẹẹn gie emwa Rom 3:4

Hiehiere. Ọmwa ẹmwata ọre Osanobua khin, emwa hia gha rhe gha re ọhọn ohoghe, Zẹ vbene Ebe tae: “U gha guan, te a gha rẹn ighẹ ẹmwata u ta. A gha bu ohiẹn ruẹn, te u gha rri ase.”

Ebe ne Pọl gbẹẹn gie emwa Rom 8:3

Emwi ne Uhi ma sẹtin ru, rhunmwuda ne ọmwa ma na wo vbe egbe vbe a yiẹe, Osanobua ru ẹe nẹ. Rẹn keghi bu ohiẹn gbe orukhọ ne ọ rre egbe ọmwa zẹ vbe ne a yiẹe, vbe ne ọ na gie Ovbi ẹre ne ọ mu akpa egbe ọmwa ne ọ mwẹ orukhọ yọ gha dee, ne ọ miẹn ehe na do gbe ukhu orukhọ ua.

Ebe ne Pọl gbẹẹn gie emwa Rom 9:5

Uniẹn avbe erha nikaro iran khin, a gha ta ẹmwẹ Kristi zẹ vbe ọmwa kẹkan, uniẹn iran nii vbe nọ. Osanobua ne ọ kha yan emwi hia ọre a gha rho ẹdẹdẹmwẹdẹ! Isẹ.

I Kọrinti 15:47

Ekhae ne otọe ọre a ya yi Adam ne okaro, ẹrinmwi ọre Adam ne ogieva ke rre.

I Kọrinti 2:7

Ẹmwẹ ẹwaẹn ne I guan keghi re ẹmwẹ oro ẹwaẹn Osanobua, ne a rhie lẹre ne emwa ne agbọn, ne Osanobua mwamwaẹn, ne ọ ya mu uyi ye ima egbe, uhin vbe a te do yi agbọn na.

II Kọrinti 1:19

Rhunmwuda, Jesu Kristi, ne Ovbi Osanobua ne Timoti Sailas kevbe imẹ kpe orhu ẹre ma uwa, ẹ i re ọmwa nọ re “Ẹn” kevbe “Ẹn o.” Sokpan rẹn ọrọre “Erriọ nọ” ọghe Osanobua.

Galatia 2:8

Rhunmwuda ẹtin Osanobua ọre a ya ya mwẹ ru ukọ gie iran ne ẹ i re Ju, zẹ vbene Pita vbe re ukọ iran ne Ju.

Galatia 4:4

Sokpan, ugbẹn vbe ọ ghi do sẹ ẹghẹ ne ọ kee yọ sẹẹ, Osanobua keghi gie ovbi ẹre tobọ ẹre gha dee. Rẹn keghi rre zẹ vbe ọmwa ne iye ẹe re ọmwa ne agbọn na, ọ na vbe gha rre ototọ Uhi avbe Ju.

Ẹfisọs 1:9

Osanobua keghi wa ru zẹ vbe ne ọ ye ekhọe mwamwa ẹn, ọ keghi gie ima rẹn emwamwa ne irẹn mwamwa ẹn vbe ẹkhokho, ne ọ wẹ rẹn gha la ekpa Kristi ya khian ne a ru gba.

Ẹfisọs 6:19

Vbe gha na erhunmwu ne imẹ, ne Osanobua gha rhie ẹmwẹ yọmwẹ unu, ya gie mwẹ uhunmwu, vbe i a khian guan, ne I miẹn ehe na gha guan vbe ne a i na mu ohan, ne i vbe rhie oro ne ọ rre iyẹn ne ọ maa ladian.

Kọlose 1:23

Ne ẹ i mwẹ a ma ru nọ khekherriọ, ne uwa gha mwẹ iyayi khian vbe uhunmwu ẹyotọ ne ọ de ziẹn kevbe ne gbain, ne uwa ghẹ gie a bẹghe uwa hin idaehọ ne uwa miẹn rhie ẹghẹ ne uwa na họn iyẹn ne ọ maa. Iyẹn ne ọ maa na ọre imẹ ne Pọl khian ọguọmwadia ẹre, iyẹn ne ọ maa na ne a kpe orhu ẹre ma emwa hia ni rre agbọn na nẹ.

Kọlose 1:27

Rhunmwuda nene emwamwa ọghe Osanobua ọre ọna khin. Ne ọ we oro ẹre rua ma emwa irẹn, oro emwi ighobioye kevbe uyi ne ọ viọ khẹ emwa rẹn hia. Nene oro ọna khin: Kristi rre uwu uwẹ, ọnii rhie maa wẹ, te a ghi ra ghae su uẹ egbe vbe uyi Osanobua.

Kọlose 1:6

Nene iyẹn ne ọ maa rhie afiangbe rre, ọ vbe vẹ gba uhunmwu otọ agbọn hia, zẹ vbene ọ ru vbe uwu uwa ke ẹdẹ ne uwa na họn ẹmwẹ ẹsọhẹ Osanobua gha dee, ne uwa na do rẹn ọnrẹn vbene ọ gele wa ye.

Kọlose 2:2

Te I ru vberriọ ne a miẹn ehe na rhie igiẹudu vuọn iran iwu, kevbe ne a vbe ya aho ẹmwẹ ọmwa silo iran koko, kevbe ne iran vbe gha mwẹ ọnrẹn ne ọ vuọẹn, ighẹ a i ghi biro eva ne egbe irẹnmwi vberriọ rhie gie ọmwa. Ẹghẹ nii iran ghi do rẹn oro Osanobua ne ọre Kristi tobọ ẹre.

II Tẹsalonaika 1:10

Ẹdẹ ne ọ gha rre nii, ne ọ do rhan obọ miẹn uyi vbe obọ emwa rẹn, kevbe ọghọ vbe obọ iran ni yayi, wa tobọ uwa gha vbe gha rre evba, rhunmwuda, wa ya ikporhu ne ima kpe ma uwa yi.

II Tẹsalonaika 2:7

Uyinmwẹ dan ne Ọkpaodin nii, wa zẹ edunna nẹ nian, sokpan, emwi ne ọ gha sunu i khian he sunu, rhinrin emwi ne ọ da ẹe yi ni te ladian odẹ rre.

I Timoti 3:9

Iran ghi ya ekhọe ne ọ ma bu ohiẹn gbe egbe ẹre da ẹmwata ne a rhie ke uwu iyayi ladian yi.

Hibru 1:3

Awanwan ọghe uyi Osanobua ọre irẹn ya fi wainwain, rẹn ọrọre ama ọghe vbene Osanobua wa ye zẹẹ, ọ keghi vbe ya ẹmwẹ unu ọghọe ne ọ mwẹ ẹtin mu agbọn vbe ẹrinmwi mwẹ. Ọ ghi kpe emwa ne agbọn huan hin orukhọ iran rre nẹ, ọ keghi ya tota vbe ẹrinmwi vbe obọ erha ọmwa Osanobua ne Ẹtin ne ọ sẹẹ ehia.

Hibru 12:2

Wa gie ima rhie aro da Jesu, ọmwa ne iyayi mwa ya iyeke-kọ ke omuhẹn ọnrẹn ya sẹ ufomwẹ ọnrẹn. Rẹn ma rhunmwuda ugbugbe zẹ obọ vbọ, sokpan rhunmwuda oghọghọ ne ọ diakhẹ ọre, ọ ma zẹdẹ mu ẹmwẹ efaa ne ọ rre ne a wu vbe uhunmwu ugbugbe ro. Banbanna nian, ọ tota vbe obọ erha ọmwa ọghe ẹkete Osanobua.

Hibru 7:7

Agbọn hia rẹnrẹn ighẹ ọmwa ne ọ fiangbe ọmwa ọre ọ kpọlọ sẹ ọmwa ne ọ fiangbe.

Hibru 8:1

Uhunmwu uta ẹmwẹ ne ima guan yan ọrọre wẹẹ, ma mwẹ Ogie Ohẹn ne ọ ye vbe nian na, ọmwa ne ọ tota ye obọ erha ọmwa Ẹtin Emwi Ne Osa ya ru Osa vbe ẹrinmwi.

I Pita 1:12

Osanobua keghi rhie maa avbe akhasẹ na wẹ iwinna iran i re ọghe ẹmwẹ ọmaa ne egbe iran, sokpan ọ maa ne egbe uwa, vbe ẹghẹ ne iran na guan kan ẹmwẹ ẹmwata na ne uwa họn nẹ nian. Avbe odibo Iyẹn Ne ọ maa nii, ya ẹtin Orhiọn Ne Ọ Huanrẹn ne a gie ke ẹrinmwi rre gha guan, iran ta ẹmwẹ ẹmwata na ma uwa. Avbe ẹmwata na keghi re egbe ne avbe odibo Osa tobọ iran gha ho ne iran rẹn emwi ne a ya ẹe kha.

I Pita 1:20

Osanobua zọ ẹe ye otọ nẹ a te do yi agbọn, rhunmwuda uwa, ọre ọ na do rhie ẹre ladian ne a miẹn vbe ẹdẹ okiekie na.

I Pita 1:21

ekpa ẹre ọre uwa na ya Osanobua yi, ọmwa ne ọ huẹn ọnrẹn kpao vbe orinmwi rre, ọ na rhie uyi nẹẹn, ọre a na miẹn wẹ, iyayi kevbe idaehọ uwa, Osanobua ọre a tua ẹre mu.

I Pita 3:18

Rhunmwuda, Kristi tobọ ẹre wu ne uwa, ọ wu ye orukhọ, uhukpa ne emwa hia, ọmwa esi wu ne emwa dan, ne ọ miẹn ehe na viọ uwa gie Osanobua. A gbe ẹe ua vbe ekpa ọghe egbe, a keghi huẹn ọnrẹn kpaegbe vbe ekpa ọghe orhiọn.

I Pita 3:22

Ọmwa ne ọ kpao gha rrie ẹrinmwi nẹ, ọ kevbe rre obọ erha ọmwa Osanobua, ehe ne ọ na khaemwisẹ yan avbe odibo Osa hia kevbe avbe ọdakha ni rre ẹrinmwi kevbe avbe ẹtin.

I Jọn 1:2

Ugbẹn vbe arọọ na ghi khian ne a ye aro bẹghe nẹ, ma tobọ mwa miẹn ọẹn, rhunmwuda ọnii, ma keghi ta ẹmwẹ ọnrẹn, ma keghi ta ẹmwẹ arrọọ etẹbitẹ nii, ne ọ gha gu Evbavba rrọọ, ne a vbe do rhie ma ima, ma uwa.

I Jọn 3:5

Wa rẹnrẹn wẹ, te Kristi rre ne ọ miẹn ehe na do viọ orukhọ emwa gha rrie, kevbe wẹ, orukhọ i rre uwu irẹn.

I Jọn 3:8

Ọmwaikọmwa ne ọ vbe gha ru orukhọ khian, ọghe Esu nọ, rhunmwuda, ke omuhẹn gha dee ọre Esu na ru orukhọ. Rhunmwuda ọna ọre Ovbi Osanobua na rre, ne ọ do fuẹn iwinna Esu ua.

Arhie Maan 17:5

Iran keghi gbẹn eni ne ọ mwẹ emwi oro ne a yae kha ye ọre uharo wẹ, “Babilọn Nọkhua, iye ebabotu hia kevbe avbe emwi ni kẹkua hia vbe agbọn.”

Arhie Maan 17:7

Odibosa nii keghi tama mwẹ wẹẹ, “Vbe ọ zẹ ne ọna na yan ruẹn unu uan yi? I gha ta oro emwi ne a ye okhuo na kevbe aranmwẹ oha ne ọ mu ẹn khian kha, aranmwẹ oha nii ne ọ mwẹ uhunmwu ihinrọn kevbe igho igbe.

Arhie Maan 7:9

Vbe iyeke ọna, I ghi tọn aro mu, I keghi ya bẹghe agbọn ẹvbo ne ọmwa rhọkpa i sẹtin ka. Iran keghi ke agbọn ẹvbo ẹwae, uniẹn emwa kevbe ẹvbo ne a zẹ rre, iran mudia ye odaro ẹkete, iran keghi ya ogbọnmwọkpa haan, iran keghi viọ ewanmwẹ mwẹ obọ.