I Timoti 2:9 - Edo Bible (E Baibol Ẹdo) Version 1996

⁹ I vbe ho ne ikhuo gha ru emwi ye oreghe, kevbe ne iran gha waan vbe ekpa ukpọn ne iran rhuan, kevbe ne iran gha mu egbe ẹse, ẹ i re eto ọghe wa do ghe ne a mẹ, ra igoru ne a ya te egbe, ra ikpẹrọmwọ ra ukpọn aghanghan.

I Timoti 2:9 ပူးပေါင်းရင်းမြစ်များ

Gẹnẹsis 24:53

Ọ viọ esiliva kevbe igoru ladian kevbe ikpẹrọnmwọ kevbe ukpọn ọ na viọ ne Ribẹka, ọ kevbe ya emwi ighobioye ne ọtiọnrẹn nokpia kevbe iye ẹe.

II Ọba 9:30

E Jehu keghi sẹ Jezrẹl. E Jezibẹl ghi họn emwi ne ọ sunu, ọ keghi ba itiro, ọ na dọlọ eto ẹre yi ẹse, ọ keghi mudia ye ewindo ẹguae ke evba gha ghe adesẹ ore.

Ẹsta 5:1

Ọ ghi rre ikpẹdẹ eha ne Ẹsta ghi suẹn gha yo aguẹ, ọ keghi hẹ ukpọn ọba ẹre ye egbe, ọna gha khian ya mudia ye ikun ne ọ ke ẹguae, ọ na mu aro da ugha ne ẹkete ye. Ọba kegha rre uwu owa, ọ tota ye ẹkete, ọna mu aro da onurho.

Psalm 149:4

E Nọyaẹnmwa sẹ ọyẹnmwẹ ye ẹmwẹ emwa irẹn, ọ ye akhọnmiotọ ye ọghọ ne emwa irẹn ni mu egbe rriotọ.

Itan 31:22

Ọ do ukpọn ne a ya wa ukpo, ukpọn ododo eto ovbiohuẹ ne a ma gua.

Itan 31:25

Ọmwa ne ọ wegbe ne a ya ọghọ na nọ, ẹ i vbe si osi ye ẹdẹ nakhuẹ.

Itan 7:10

Ẹre okhuo na na do dekun ẹnrẹn, okhuo na keghi mu egbe vbe igberagia, ọ kegha kun emwi okhian yotọ.

Aizaia 3:16

E Nọyaẹnmwa khare wẹẹ, “Ghe vbene ikhuo e Jerusalẹm hio hẹ. Iran ghi gha tọn ukpihue mu khian. Iwinna ọghe ọ re ọ mu iran. Iran ghi gha zẹ owẹ gain gain, emwiobọ ne iran ya te egbe ghi gha tu giẹin giẹin.

Aizaia 61:4

Iran gha dọlọ avbe ẹvbo nii bọ ni te re itowa ke ẹkpo nii gha dee.

Jerimaia 2:32

Okhuo ọvbokhan vbe mianmian ikpẹrọnmwọ itegbe ẹre ra? Ra ne ovbiọha mianmian ẹwu irhiọha ẹre. Sokpan avbe emwa mwẹ mianmian mwẹ la inu ẹghẹ ne a ghi sẹtin ka nẹ.

Jerimaia 4:30

E Jerusalẹm, ọwuẹ fo! Vbe u a ghi na ya ododo han hẹ yi? Vbe u a na viọ ikpẹrọnmwọ ye egbe hẹ? Ne u na vbe ba itiro? Te u wa te egbe ne u ba gha mose kẹkan, avbe enida ruẹ hee uẹ yotọ ne, iran ho ne iran gbuẹ ua.

Matiu 11:8

De emwi ne uwa ladian ya ghee? Ọmwa ne ọ ye ukpọn haan nọ ra? Ẹguae ọre a na miẹn egbe ọmwa vberriọ.

I Timoti 2:10

Sokpan, ọ ghe uyinmwẹ ne ọ maa zẹ vbe ne ọkere ne ikhuo ni khare ighẹ emwa iyayi ọre iran khin.