I Timoti 2:10 - Edo Bible (E Baibol Ẹdo) Version 1996

¹⁰ Sokpan, ọ ghe uyinmwẹ ne ọ maa zẹ vbe ne ọkere ne ikhuo ni khare ighẹ emwa iyayi ọre iran khin.

I Timoti 2:10 ပူးပေါင်းရင်းမြစ်များ

Itan 31:25

Ọmwa ne ọ wegbe ne a ya ọghọ na nọ, ẹ i vbe si osi ye ẹdẹ nakhuẹ.

Itan 31:31

Tian rẹn ye emwi ne ọ ru hia. Ọmwa ne ọ kere ne emwa hia gha ya ọghọ na ọre nọ.

Iwinna 9:36

Okhuo ọkpa ne a tie ẹre Tabita keghi rre Jopa, ọmwa iyayi nọ. (Dọkas ọre a tie ẹre vbe Grik, emwi ne a ya ọnii kha ọrọre ẹrhuẹ.) Ọ lo ẹghẹ ẹre ye iwinna ne ọ maa kevbe ne ọ gha ye avbe ivbiogue obọ.

Iwinna 9:39

Rhunmwuda ọnii, Pita mu egbe ọ keghi lele iran gha khian. Ọ ghi sẹ evba, iran keghi rhie ẹre gha rrie nene ughugha vbe egedege. Avbe ẹgbẹe hia keghi mama rhuẹe, iran gha viẹ, iran kegha viọ ẹwu ọkotọ kevbe ọkodukhunmwu ne a sele vbe ẹghẹ ne ọ na rre agbọn ma emwa.

Ẹfisọs 2:10

Osanobua ọre ọ yi mwa, vbe uwu a ku egbe kugbe ba Kristi Jesu, ọ keghi yi ima ye ẹdẹ agbọn iwinna esi, ne irẹn mwamwa ye otọ khẹ mwa ne a gha ru.

I Timoti 2:11

Ọ kere ne ikhuo gha ya a hunwan kevbe a mu egbe rri otọ ruẹ emwi.

I Timoti 2:9

I vbe ho ne ikhuo gha ru emwi ye oreghe, kevbe ne iran gha waan vbe ekpa ukpọn ne iran rhuan, kevbe ne iran gha mu egbe ẹse, ẹ i re eto ọghe wa do ghe ne a mẹ, ra igoru ne a ya te egbe, ra ikpẹrọmwọ ra ukpọn aghanghan.

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

Taitọs 3:8

Ẹmwata ọre ẹmwẹ na khin. I ho ne u kakabọ tua unu mu ẹmwẹ na, ne iran ni ya Osanobua yi miẹn ehe na mu aro ye ẹmwẹ iwinna esi ne a winna. Ena ọrọre emwi ne ọ maa kevbe ne ọ ke ne emwa.

I Pita 2:12

Wa gie uyinmwẹ ne uwa yin maa sẹ rriọ vbe uwu ẹbu avbe eni ma yayi wẹ, iran gha ba uwa ifi ẹzọ wẹ emwi dan ọre uwa ru, iran ghi vbe tobọ iran kha wẹ, wa vbe ru emwi esi, rhunmwuda ọnii, iran ghi rho Osanobua vbe Ẹdẹ ne ọ ra rre.

II Pita 3:11

Vbene a ghi na miẹn nian wẹ erriọ ọre a ra ya fuẹn avbe emwi na hia ua, de egbe emwa ne ọ kere ne uwa gha khin? Wa gie edẹ agbọn uwa gha re ni huanrẹn, kevbe ne a ya fi ohan ne Osanobua,

Arhie Maan 2:19

I rẹn emwi ne u ru. I rẹn aho ẹmwẹ ọmwa ruẹn, a mu aro ye iwinna ruẹn, ugamwẹ ne u ga, kevbe i ziengbe ruẹ. I rẹnrẹn wẹ ẹghẹ na ọ re u hia sẹ vbene u te ka gha ru vbe okaro.