I Timoti 1:9 - Edo Bible (E Baibol Ẹdo) Version 1996

⁹ Sokpan, ọ kere ne a yerre wẹ, emwa ne a rhunmwuda ẹre yi uhi i re avbe emwata, sokpan avbe iran ni de iyi, kevbe izigan, iran ne ẹ i mu ohan Osanobua, kevbe emwa orukhọ, iran ne ẹ i zẹ ye ẹmwẹ ugamwẹ, ra emwi orhiọn, iran ni gbele erha kevbe iye iran uan, avbe izigha.

I Timoti 1:9 ပူးပေါင်းရင်းမြစ်များ

II Samuẹl 16:11

Ẹre Devid na tama Abisiai kevbe avbe ekhaẹmwẹ ọnrẹn hia wẹẹ, “Ovbi imẹ wẹ rẹn ra gbe mwẹ uan, vbọzẹ ne ẹmwẹ ovbi e Bẹnjamin na, na yan uwa unuan yi? Wa sẹ ọe rae ne uwa gie ẹe gha rhovbiẹ mwẹ, rhunmwuda, e Nọyaẹnmwa ọ re ọ gie ẹe.

II Ọba 19:37

Ọ ghi sẹ ẹdẹ ọkpa, ọ na gha gho e Nisrọk ne ẹbọ ẹre. Eva vbe uwu ivbi ẹre, a tie ọkpa vbọ Adramẹlẹk, a vbe tie nọkpa Siarezẹ, keghi ye umozo gbe ẹe rua iran na lẹ gha rrie otọ Ararat. Ọkpa vbe uwu ivbi ẹre ne a tie ẹre Esahadọn keghi la ukpo Ọgbaisi lele ẹe.

II Krọnikol 32:21

E Nọyaẹnmwa keghi gie odibo Osa, ọ na ya gbele avbe ivbiyokuo kevbe avbe ekaokuo ivbiyokuo Asiria. Ẹre ọgbaisi Asiria na rhie ukpọn efa rhuan werriegbe gha rrie Asiria. Ẹdẹ ọkpa, ọ ghi rre aro ẹbọ ẹre, eso vbe uwu avbe ivbi ẹre ni ikpia keghi ya umozo gbe ẹe rua.

Ẹksọdọs 20:13

“Ghẹ de izigha.

Ẹksọdọs 21:14

Sokpan, ohu gha mu ọmwa ọ na wa rẹn gbe ọmwa ọvbehe ya, wa sẹtin kue si ẹe hin aka mwẹ rre ne a ya gbe ẹe rua.

Itan 20:20

U gha tie ihẹn ne avbe evbibiọ, te ẹdagbọn ruẹn ra wa fo zẹvbe ukpa ne ọ dọyọ vbe ebiebi.

Itan 28:17

Ọmwa ne ọ de izigha, idin egbe ẹre ọ re ọ wa zẹgiẹgiẹ fian nii, ghẹ da ẹre obọ yi.

Itan 28:24

Ọmwa ne ọ ro wẹ ẹ i re uyinmwẹ ne ọ ma gba ne a gha do emwi evbibiẹ ọmwa hẹ, ọ ma vbe maa sẹ oyi ne oyi.

Itan 30:11

Emwa eso rrọ ni tie ẹbọ ne erha iran, iran i vbe rẹn ẹse ne iye ru ne iran.

Itan 30:17

Ọmwaikọmwa ne ọ ya erha ẹe gbogiẹ ra ne ọ zan iye ẹe vbe ọ ghi khian ọmaẹn nẹ, ugu ọ re ọ kere ne ọ rri ọe, ra ne ahianmwẹ oha wọlọ ẹre aro kua.

Jerimaia 23:11

E Nọyaẹnmwa khare wẹẹ, “Ke akhasẹ kevbe avbe ohẹn, ne ọ rẹn Osanobua i rrọọ I mu iran nẹ vbe iran ru emwi dan, vbe uwu Ọgua Osa tobọ ẹre.

Ezikiẹl 21:25

“Wa ne emwa dan ni ma huan ni khaemwisẹ yan Izrẹl. Ẹdẹ uwa dee, ẹdẹ ne a gha rri uwa oya ne okiekie.

Levitikọs 20:9

E Nọyaẹnmwa keghi mu avbe emwamwa na ye otọ: “Ọmwaikọmwa ne ọ tie ihẹn ne erha ẹe ra iye ẹe, a ghi gbe ẹe rua, obọ ẹre ọre emwi ne ọ gbe ẹe ke rre.

Matiu 10:21

“Emwa gha silo etẹn iran ladian ne a gbelua, erriọ ọre erha gha vbe ru emọ. Emọ gha mu aro da erha iran, iran ghi gbele iran an.

Ebe ne Pọl gbẹẹn gie emwa Rom 1:30

Iran ta ewẹwẹwẹ, iran ta egbe ọtakhọ, iran khui iwu Osanobua, iran zẹ vbe udu, iran tọn egbe mu, iran rhuọ, iran ghi gha gualọ iba ọgbọn ne iran gha zẹ, iran i họn ẹmwẹ ne evbibiẹ iran.

Ebe ne Pọl gbẹẹn gie emwa Rom 4:13

Osanobua tama Ebraham wẹ, agbọn na gha khian ọghọe. Emwi ne Osanobua ve na, ẹ i re rhunmwuda ighẹ Ebraham ru vbene nene Uhi kha re, sokpan rhunmwuda ighẹ ọ yayi, Osanobua keghi ka ẹe ye ọmwata.

Ebe ne Pọl gbẹẹn gie emwa Rom 5:20

Te a mu Uhi rre, ne abaku ru miẹn ehe na bun sẹ ayọ, sokpan ehe ne orukhọ na do bun sẹ ayọ, ẹsọhẹ Osanobua ghi ye vbe bun sẹ ayọ sẹ ọre.

Ebe ne Pọl gbẹẹn gie emwa Rom 6:14

Rhunmwuda, ọ ma kei ne orukhọ gha khaemwisẹ yan uwa, wa i rre ototọ uhi, ighẹ ototọ ẹsọhẹ ọre uwa ye.

Galatia 3:19

Vbe a ghi gu rhie nene uhi ne ọmwa yi kehkehrriọ? Te a rhie ẹre te ẹe ne a miẹn ehe na gha rẹn emwi ne abaku ru, te a wẹ ne ọ vbe gha rrọọ ovbi Ebraham te do rre, ọmwa ne a ve ẹre nene emwi. Avbe odibosa ore ọ rhie nene Uhi rre, vbe ne ọmwa kẹkan na gha re ne ọ rre ẹkpo iran.

Galatia 5:18

A deghẹ Orhiọn Ne Ọ Huanrẹn ọre ọ dia ruẹ ye odẹ, ẹghẹ nii, wẹ i ghi rre ototọ nene Uhi.

Galatia 5:21

Iran ghi gha gbe ọvo egbe, iran ghi gha da ayọn gbe egbe, iran ghi gha gbe izabọbọ ẹwia kevbe avbe emwi ni khọ vberriọ. I vbe gie uwa rẹn nian, zẹ vbene I ka vbe ta ẹe yi wẹ, iran ni ru avbe emwi na, iran i sẹtin rhan obọ miẹn Arriọba Osanobua.

Galatia 5:23

imuegberriotọ kevbe amuegbe ye ọghọ. A ma yi uhi ye egbe emwi vberriọ.

Diuteronomi 27:16

“ ‘Ihẹn Osanobua rre uhunmwu ọmwa ne ọ ma ya ọghọ ne erha ẹe ra iye ẹe.’ “Emwa ni hia ghi kha wẹ, ‘Isẹ!’

II Tẹsalonaika 2:8

Ẹghẹ nii Ọmwa Dan ni ghi ya egbe ladian, e Nọyaẹnmwa Jesu Kristi ghi ya ẹhoho unu ẹnrẹn gbe ẹe ua, ọ ghi vbe ya urremwẹ ọnrẹn ne ọ mwẹ uyi fuẹn ọnrẹn uan, vbe ẹghẹ ne irẹn gha na rre.

I Timoti 4:7

Sokpan, u ghi gha lẹ ne umaranmwẹ ne ẹmwata Osanobua i ye nii, emwi ne ọ ma kei ne a gha ta. Tobọ gha ma egbe uẹ emwi ye uyinmwẹ vbe ọghe Osanobua.

I Timoti 6:20

Timoti ye obọ da ẹe yi vbe ne a i na mwẹ ẹbe, ighẹ emwi ne a ka ye uẹ obọ. Ghẹ mwẹ obọ vbe ọta ne ẹ i mwẹ emwi ne ọ khọ ọghe Osanobua, kevbe imuaẹmwẹ ukọnmwẹ, egbe emwi ne emwa ukọnmwẹ tie ẹre “Irẹnmwi.”

II Timoti 2:16

Ghẹ mwẹ obọ vbe imuanẹmwẹ akpa ne imuohan Osanobua i ye, emwi ne ọ sua emwa khian rrei ne Osanobua.

II Timoti 3:2

Rhunmwuda, emwa ghi khian ni rẹn enegbe iran ọkpa, iran ghi gha zuan, kevbe orhuọ, a ghi gha ya obọ so udu, iran ghi gha filo unu, iran i ghi họn ẹmwẹ evbibiẹ iran, emwa ẹse oghodan, iran i ghi ga Osanobua.

Taitọs 1:10

Rhunmwuda emwa ni bun ọre ọ sọtẹ, iran ghi vbe gha ya ẹmwẹ nọ ma khian rẹn iran, rẹrẹ emwa ọvbehe, kpataki iran ne a fi ẹre ekhọe werriẹ hin ugamwẹ avbe Ju nẹdẹ rre.

Taitọs 1:16

Iran ghi gha ye unu kha ighẹ iran rẹn Osanobua, sokpan uyinmwẹ iran ghi gha kha ighẹ ohoghe nọ. Iran ghi vuọn ne ẹkokhọmwẹ, iran i họn ẹmwẹ, iran i vbe sẹtin ru emwi ne ọ maa rhọkpa.

Taitọs 1:6

ọ kere ne ọmwa ne ọre ọdiọn gha re ne ẹ i mwẹ abaku ru, okhuo ọkpa ọre ọ kere ne ọ gha mwẹ, ivbiẹre ghi vbe gha re emwa ni yayi, ẹ i re ne a ta ẹmwẹ ọnrẹn khian wẹ iran wa kan ye ẹvbo ra ne ẹ i họn ẹmwẹ.

Taitọs 3:3

Rhunmwuda ẹghẹ ọkpa rrọọ ne ima tobọ ima na te vbe kọn, a i họn ẹmwẹ, a keghi vbe ba emwi ku ru. Orriarria kevbe emwi ni rhiẹnrhiẹn ughughan keghi mu ima oghunmwu. A ke gha lo ẹdẹ mwa hia vbe uwu ikhọẹko, kevbe oya ọmwa da ọmwa, emwa eso kegha khu iwu mwa, ma keghi vbe gha khọ ẹko iran.

Hibru 11:31

Iyayi ọre ọ ma gie a gbe Rehab ne ebabotu be emwa ni ma họn ẹmwẹ ne Osanobua, rhunmwuda rẹn keghi miẹn iran ne avbe ọrhẹ yi.

Hibru 12:16

Wa mwẹ ẹwaẹn, ne ọmwaikọmwa ghẹ ya khian ne ọ gbe alama ra ne ẹ i zẹ ye ẹmwẹ orhiọn, zẹ vbe ne Isọ gha ye, ne ọ na rhunmwuda ekan unu ọkpa mu ukpo ọmọ ọdiọn ne ọ ye khiẹn.

I Pita 2:7

Emwi kpataki ọre okuta na khin uwa ni yayi re, sokpan ne iran ni ma yayi: “Okuta ne iran ni bọ owa he ighẹ ẹ i ma dọlegbe do khian ne ọ ghi ma sẹ ehia.”

I Pita 3:20

Ena keghi re orhiọn iran ni ma họn ẹmwẹ ne Osanobua vbe uwu ẹghẹ ne ọ na ya i ziengbe mudia vbe Noa ka okọ. Ibozẹghẹ ni gha rre uwu okọ ni — iran erẹnrẹn nọ, a keghi la ekpa amẹ miẹn iran fan.

I Pita 4:18

Zẹ vbene ebe khare, “A deghẹ egbe i re egbe ne emwa ni maa, gha ya miẹn uhunmwu, vbe ọ ra gha ye iran hẹ ighẹ iran ni ma rẹn Osanobua kevbe emwa orukhọ!”

Ebe ne Jud gbẹẹn 1:15

Ne ọ do bu ohiẹn iran hia, ne ọ do bu abe gbe avbe emwa dan hia, rhunmwuda emwi dan hia ne iran ru, kevbe rhunmwuda ẹmwẹ ihin hian ne iran ne emwa dan na guan gie Osanobua!”

Arhie Maan 21:8

Sokpan avbe avbiẹrẹ, ọgueva, iran ni rhiaraa, avbe izigha kevbe igbalama, iran ni ru ẹbọ edunna, iran ni ga amazẹ, kevbe iran ni ta ohoghe hia, ehe ne ọre ọghe iran ọrọre odighi erhẹn ne ọ giẹn ugbofi ladian, ọnii ọre uwu ne ogieva.”

Arhie Maan 22:15

Sokpan, iyeke ẹvbo nii, ọrọre ọghe avbe ni rhiaraa, iran ni ru ebo edunna, iran ni gbe alama oghẹ, avbe izigha, iran ni ga ẹbọ, iran ni ta ohoghe, vbe ẹmwẹ ne a guan kevbe emwi ne a ru.