I Timoti 1:8 - Edo Bible (E Baibol Ẹdo) Version 1996

⁸ Ma rẹnrẹn wẹ nene Uhi maa, deghẹ a lo ẹre vbene a wẹ ne a gha lo ẹre.

I Timoti 1:8 ပူးပေါင်းရင်းမြစ်များ

Nehimaia 9:13

Vbe Oke Sainai, u ke ẹrinmwi tuorre u gu emwa ruẹn guan u keghi rhie uhi esi ne iran kevbe iruemwi ne ọ gbae. U keghi rhie Uhi ruẹ ne Mosis ne ọguọmwadia ruẹ, ne ọ viọ gie iran. Amẹ ke uwu okuta ladian vbe ohanmwẹ amẹ gbe iran.

Ebe ne Pọl gbẹẹn gie emwa Rom 12:2

Wa ghẹ ya egbe ba emwi ne agbọn na ru, sokpan wa gie Osanobua fi uwa werriẹ vbe uwu egbe vbe ekpa ne ọ gha na fi ekhọe uwa werriẹ. Ẹghẹ nii wa gha na sẹtin rẹn emwi ne Osanobua ho emwi ne ọ maa, ne ọ yẹ ọre kevbe ne ọ gbae.

Ebe ne Pọl gbẹẹn gie emwa Rom 7:16

A deghẹ ẹ i re emwi ne ọ rrọ mwẹ ekhọe ne I ru, ọre I gele ru, ọnii rhie maa ighẹ mẹ rhie obọ yọ wẹ nene uhi gbae.

Ebe ne Pọl gbẹẹn gie emwa Rom 7:18

Mẹ rẹnrẹn wẹ, emwi ne ọ maa rhọkpa i rre uwu imẹ, vbe ikinnegbe mwẹ kẹkan na, rhunmwuda, a gha rhe miẹn wẹ emwi ne ọ maa te yẹ mwẹ ne a ru, sokpan ẹ i gun mwẹ ru.

Ebe ne Pọl gbẹẹn gie emwa Rom 7:22

Sokpan otọ ẹko mwẹ ghi gha sẹ ọyẹnmwẹ ye uhi Osanobua.

Galatia 3:21

Te ọnii ghi rhie maa ra ighẹ nene Uhi gbe odan ye emwi ne Osanobua ve? Hiehiere. Rhunmwuda, akpawẹ Uhi ne a yi, ne ọ sẹtin rhie arrọọ ne ọmwa rrọọ, ẹghẹ nii, te a gha sẹtin la ekpa uhi gha ye ọmwa khian ne ọ mudia ẹse vbe odaro Osanobua.

II Timoti 2:5

Ọmọ ne egbe sasa, ne ọ vbe deba emwa rhulẹ ne a ya sinmwi emwi, ẹ i sẹtin miẹn emwi rhọkpa, vbe ẹ i re te ọ gha ru vbene uhi iku ni khare.