I Timoti 1:7 - Edo Bible (E Baibol Ẹdo) Version 1996

⁷ Iran ho ne iran gha re emwa ni ma emwa uhi Osanobua, sokpan iran ma rẹn emwi ne a ya ẹmwẹ ne iran tobọ iran guan kha, a ma ghi wẹ emwi ne iran wa ya ẹtin hia ta, vbe ne a i na vbe rhie aranmwẹ kọ ẹho.

I Timoti 1:7 ပူးပေါင်းရင်းမြစ်များ

Matiu 15:14

Ghẹ zẹ ye iran re. Arọndẹ ni rhu aro iran khin. Arhuaro gha rhie arhuaro la odẹ uye iran eva ra kharha yi.”

Matiu 21:27

Rhunmwuda ọnii, iran wanniẹn tama Jesu wẹẹ, “Ma ma rẹn.” Rẹn kevbe tama iran wẹẹ, “Mẹ i vbe tama uwa khekherriọ asẹ ne I ya ru avbe emwi na.

Iyẹn ne ọ Maan Ọghe Luk 2:46

Vbe ikpẹdẹ nogieha, iran keghi do vba ẹre vbe uwu Ọgua Osa, ọ tota ba avbe emamwaemwi e Ju, ogha danmwehọ iran, ọ keghi vbe gha nọ iran ọta.

Iwinna 15:1

Emwa eso keghi ke Judia gha die Antiọk, iran keghi suẹn gha ma avbe etẹn emwi wẹẹ, “Vbe ẹ i re te uwa rhuẹre vbene Uhi e Mosis khare, wa i sẹtin miẹn imiẹnfan.”

Ebe ne Pọl gbẹẹn gie emwa Rom 1:22

Iran khare ighẹ iran waan, sokpan akpa iran wa khin.

Galatia 3:2

Emwi ọkpa ọre I mobọ ho ne uwa tama mwẹ. A ru vbene nene Uhi kha re, ọre Orhiọn Kristi ya sẹ uwa obọ ra, ra vbe ekpa ne uwa na họn, wa na vbe ya iyẹn ne ọ maa yi nọ?

Galatia 3:5

Ẹghẹ ne Osanobua na rhie nene Orhiọn ne uwa, ne ọ na vbe winna iwinna ọyunnuan vbe ehe ne uwa ye, te ọ ru ẹe ra rhunmwuda ighẹ uwa ru vbene nene Uhi kha re, ra rhunmwuda ighẹ wa họn nene iyẹn ne ọ maa wa na vbe yae yi?

Galatia 4:21

I de ne I nọ uwa ni ho ne iran gha rre ototọ nene Uhi, wa ma rẹn vbene nene Uhi kha hẹ ra?

I Timoti 6:4

Uhiomwẹ ọre orhu ẹre aro, ọma rẹn emwi rhọkpa. Ẹmwẹ akuọkan ne a muan ye vbene a ta ẹe hẹ, ọre ọ rre ọre aro, ọna ọ si oya ọmwa da ọmwa rre kevbe ẹzọ, kevbe ihẹn ne a tie ne egbe, kevbe a i ghi gba ẹko egbe.

II Timoti 3:7

ikhuo ni ho ne iran gha ruẹ emwi vbe ẹghẹ hia, sokpan iran i rẹn ẹmwata ni rrọọ ẹdẹ.

Jems 3:1

Etẹn mwẹ, ọ ma kei ne ima hia wa gha re emamwaemwi, rhunmwuda, wa rẹnrẹn ighẹ, ma ne emamwaemwi ọre a ra ya obọ ne ọ tọn mu sẹẹ emwa ọvbehe vbe a gha bu ohiẹn.

II Pita 2:12

Egbe ne ọ ma ọmwa emwi, ọre iran na lele ru emwi zẹ vbene iran wa ye ighẹ avbe aranmwẹ oha ne a biẹlẹ ne a miẹn gha mu gbele re. Iran ghi gha ya ukpẹ sakan emwi ne iran ma rẹn otọ ẹre. Te a ra fuẹn iran hia, zẹ vbe aranmwẹ oha.