I Timoti 1:6 - Edo Bible (E Baibol Ẹdo) Version 1996

⁶ Emwa eso fi iyeke gbe emwi vberriọ nẹ, iran keghi bibi odẹ la uwu igbagbanmwẹ akpa.

I Timoti 1:6 ပူးပေါင်းရင်းမြစ်များ

Matiu 18:12

Vbe uwa ro ẹmwẹ na hẹẹ? Ọmwa ne ọ mwẹ ohuan iyisẹn, deghẹ ọkpa wiri vbọ, de emwi ne ọ gha ru? Te ọ gha sẹ ọkpa i rrọ vbe iyisẹn ni dekẹe rae ye ehe ne iran na rri irunmwu ne ọ ya gualọ ohuan ne ọ wiri nii.

I Timoti 5:15

Rhunmwuda, avbe ẹgbẹ eso fi egbe werriẹ nẹ, iran lele Setan.

II Timoti 2:18

Iran la hin odẹ ẹmwata rre nẹ, te iran ya iro iyayi han emwa iyayi eso, vbene iran na ta ẹe khian wẹ arhiọkpaegbe mwa sunu gberra nẹ.

II Timoti 4:10

Rhunmwuda agbọn na rhiẹnrhiẹn mu e Demas ukpẹ nẹ, ọ kpao sẹ mwẹ rae, ọ kpao gha rrie Tesalonaika, e Kresens rrie Galatia, e Taitọs rrie Dalmatia.

Taitọs 1:10

Rhunmwuda emwa ni bun ọre ọ sọtẹ, iran ghi vbe gha ya ẹmwẹ nọ ma khian rẹn iran, rẹrẹ emwa ọvbehe, kpataki iran ne a fi ẹre ekhọe werriẹ hin ugamwẹ avbe Ju nẹdẹ rre.

Taitọs 3:9

Sokpan wẹ ghi gha lẹ ne imuan ẹmwẹ oya, eni ne lọghọ ọghe erha odede ne ọ biẹ erha odede, ẹzọ, okhọn ne a khọn ba ẹmwẹ nene Uhi. Emwi oya ne ẹ i mwẹ esa ọre ehia khin.