I Timoti 1:3 - Edo Bible (E Baibol Ẹdo) Version 1996

³ I ho ne u tota vbe Ẹfisọs, zẹ vbe ne I ka tama ruẹn ẹghẹ ne I na gha gberra rrie Masidonia. Emwa eso vbe evba ma emwa iruẹmwi ohoghe, u ghi wẹ ne iran da obọ ẹre yi.

I Timoti 1:3 ပူးပေါင်းရင်းမြစ်များ

Iwinna 18:19

Iran ghi sẹ Ẹfisọs, Pọl keghi sẹ Priskila kevbe Akuila rae vbe evba, ọ kegha rrie Ọgua ediọn, ọ keghi ya gha gu avbe Ju guan.

Iwinna 18:21

Sokpan, ọ ghi ra kpao ọ tama iran wẹ, “A deghẹ Osanobua ho ro, I gha dọlegbe bu uwa rre,” ọ na la okọ kpao vbe Ẹfisọs.

Ebe ne Pọl gbẹẹn gie emwa Rom 15:26

Rhunmwuda, avbe esọsi ni rre Masidonia kevbe Gris ya ẹkoata zẹ emwi obọ ne iran ya ye ivbi ogue ni rre uwu emwa Osanobua ni rre Jerusalẹm obọ.

Ebe ne Pọl gbẹẹn gie emwa Rom 16:17

Gun mwẹ tama uwa etẹn mwẹ, wa gha baba iran ni si iwannegbe rre ne iran na vbe mu iyayi emwa eso rhia ye iran obọ, iran ni ghe odan ye iruẹmwi ne uwa ka rhan obọ miẹn nẹ, wa gha lẹ ne iran.

II Kọrinti 11:4

Rhunmwuda, ẹko rhiẹnrhiẹn mwẹ ọre uwa ya rhie ẹghẹ ne ọmwaikọmwa ne ọ rre do kpe orhu Jesu ọvbehe ma uwa, ẹ i re ne ima kpe orhu ẹre, wa ghi vbe gha rhan obọ miẹn orhiọn kevbe iyẹn ne ọ maa ne ọ lughaẹn ne Orhiọn kevbe iyẹn ne ọ maa ne uwa rhie vbe obọ ima!

Ẹfisọs 4:14

Ẹghẹ nii, ma i ghi ra gha re emọ obọ ne ulẹmwẹ ẹzẹ mu yo mu rre, kevbe ne ẹhoho ẹziza, ọghe iruẹmwi emwa erẹrẹ, bi yo bi rre, emwa ni ya ero ne ọ ke ẹko iran zọ rre de emwa ọvbehe odẹ.

Filipai 2:24

I vbe mu ẹtin yan Nọyaẹnmwa ighẹ mẹ tobọ mwẹ gha vbe rherhe do miẹn uwa.

I Timoti 4:11

Gha yi avbe emwi na iyi, ne u vbe gha ma emwa ẹre.

I Timoti 4:6

U ghi ma avbe etẹn emwi na, u ghi gha re ọguọmwadia ne ọ maa ọghe Kristi Jesu, vbene u na ya ẹmwẹ iyayi na, kevbe iruẹmwi ẹmwata ne uka lele khian, koko egbe uẹ, vbe ekpa ọghe orhiọn.

I Timoti 5:7

U ghi rhie iyi na ma iran, ne ọmwaikọmwa ghẹ miẹn ehe na zan iran.

I Timoti 6:10

Rhunmwuda aho ẹmwẹ igho ọre emwi dan ughughan ke zọ ladian. Ẹmwẹ ne a gha mwẹ ọnrẹn mu emwa eso sẹrriọ wẹ, te iran ghi fi iyeke gbe iyayi, iran keghi ya akhiẹ ni bun guọghọ ekhọe iran uan.

I Timoti 6:17

Tama iran ni fe vbe emwi agbọn na wẹ, ne iran ghẹ tọn egbe mu, kevbe wẹ, ne iran ghẹ mu ẹtin yan egbe emwi ne ọ mu yo mu rre vbe ne ẹfe ye, sokpan ne iran mu ẹtin yan Osanobua, ọmwa ne ọ viọ emwi hia ne ima wọrhọwọrhọ ne a ya gha zọmọ.

I Timoti 6:3

Ọmwa ne ọ rhirhi ma emwa emwi ọvbehe, ne ọ ma gu ẹmwẹ ẹmwata ọghe Nọyaẹnmwa Jesu Kristi kevbe iruẹmwi iyayi mwa ro.

II Timoti 1:18

Nọyaẹnmwa ne ọ gi ẹe miẹn itohan Nọyaẹnmwa rhie vbe Ẹdẹ ne ẹdẹrriọ. U vbe rẹn ẹsẹse vbene ọ yọ mwẹ obọ hẹ vbe Ẹfisọs.

II Jọn 1:7

Avbe ọrẹrẹ ọmwa ni bun vẹ ku agbọn hia, emwa ni ma tae wẹ Jesu Kristi gele khian ọmwa ne ọ sẹtin wu. Egbe ọmwa vberriọ, ọrẹrẹ ọmwa nọ. Rẹn ọrọre oghian Kristi.

Arhie Maan 2:14

Sokpan, ghe ibozẹghẹ vbe uwu emwi ne I gui ẹzọ ruẹ baa, eso vbe uwu emwa ni lele iruẹmwi Balam wa guẹ rre evba, ọmwa nọ ma Balak vbene a gha ya ye ivbi izrẹl ru orukhọ hẹ, vbe ekpa ne iran na rri evbare ne a ya ru ẹbọ, kevbe ne iran na gha gbe alama oghẹ.

Arhie Maan 2:20

Sokpan ẹzọ ruẹ ne I gui ọre ọna khin wẹ, u keghi rhie otọ ne khuo ni ighẹ Jezibẹl, ọmwa ne ọ tie egbe ẹre ukọ Osanobua. Rẹn gha ma avbe emwa ẹre, ọ ghi vbe gha silo iran fi uwu alama oghẹ kevbe ne iran gha rri evbare ne a ya ru ẹbọ.