I Timoti 1:18 - Edo Bible (E Baibol Ẹdo) Version 1996

¹⁸ E Timoti ne ovbi mwẹ, te I ka iyi na yuẹ obọ, zẹ vbe ẹmwẹ akhasẹ ne a guan ye otọ vbe ekpa ruẹ ẹghẹ nii. U ghi gie avbe ẹmwẹ nii, gha re emwi igbinna vbe obọ ruẹ, vbe u a gha gbinna igbinna esi nii khian.

I Timoti 1:18 ပူးပေါင်းရင်းမြစ်များ

Iwinna 16:1

Pọl kegha rrie Dẹbi kevbe Listra. Ovbi iyayi ọkpa ne a tie ẹre Timoti keghi rre evba, iye ẹe ne ọ vbe re ovbi iyayi keghi re Ju sokpan erha ẹe kegha re Grik.

I Kọrinti 4:17

Rhunmwuda ọnii ọre I ra na gie Timoti bu uwa gha dee. Ọmọ ne ọ ghan kevbe ne ọ gie a mu ẹtin yan, ọre ọ khin mwẹ re vbe uwu Nọyaẹnmwa. Ọ gha ma uwa owẹ ne I vin ne I ru emwi lele vbe ẹdẹ agbọn mwẹ vbe uwu Kristi Jesu, ne I vbe ma emwa re vbe esọsi hia vbe ehe hia.

I Kọrinti 9:7

Wa he vbe họn ovbiyokuo ne ọ ya igho obọ ẹre ha osa ne egbe ẹre vbe ọ gbinna vbe okuo? Ra ọgbugbo ne ẹ i re vbe emwiokọ ne ugbo ẹre? Ra ọsuohuan ne ẹ i rri ewẹn ne a mi vbe ohuan irẹn?

Filipai 2:22

Wa tobọ uwa miẹn vbene ọ vbe ta egbe ọmwa ne irẹn khin hẹ, vbe imẹ vbe ọre gba winna, zẹ vbe ọmọ vbe erha ye iwinna iyẹn ne ọ maa.

I Timoti 1:2

Gie Timoti ovbi mwẹ ne ovbi mwẹ vbe uwu iyayi Osanobua ne Evbavba kevbe Kristi Jesu Nọyaẹnmwa, ne ọ rhie ẹsọhẹ itohan kevbe ọfumwegbe nuẹn.

I Timoti 1:5

Emwi ne I rhunmwuda ẹre yi iyi na ọrọre, ne ọ gua ẹe kpao ighẹ aho ẹmwẹ ọmwa ne ekhọe sẹẹnrẹn, orhiọn ne ekhọe ẹre i gu gui, kevbe iyayi ne ẹ i re ọghe ababa.

I Timoti 4:14

Ghẹ ya emwi orhiọn ne a ya wuẹ rhọ eghẹrẹ, ne a rhie nuẹn ẹghẹ ne a vbe akhasẹ na guan kevbe ne avbe ediọn na viọ obọ yan ruẹn uhunmwu.

I Timoti 4:4

Emwi ne Osanobua yi hia ọre ọ maa, ọkpa ne avbe rhie fua ẹ i rrọọ, sokpan, erhunmwu ekpọnmwẹ ọre ọ kere ne a ya gha miẹn iran.

I Timoti 6:20

Timoti ye obọ da ẹe yi vbe ne a i na mwẹ ẹbe, ighẹ emwi ne a ka ye uẹ obọ. Ghẹ mwẹ obọ vbe ọta ne ẹ i mwẹ emwi ne ọ khọ ọghe Osanobua, kevbe imuaẹmwẹ ukọnmwẹ, egbe emwi ne emwa ukọnmwẹ tie ẹre “Irẹnmwi.”

II Timoti 1:2

Gie Timoti, ovbi mwẹ ne ọ ghan: Osanobua ne Erha kevbe Kristi Jesu ne ọ rhie ẹsọhẹ nuẹn kevbe itohan kevbe ọfumwegbe.

II Timoti 4:7

I ni nẹ vbene ẹtin mwẹ sẹe, vbe nene ulẹ, I rhie nene ulẹ sẹ eke ne a vin owẹ yi nẹ, I rhie nene iyayi mwẹ nẹ.

Taitọs 1:4

I gbẹn ebe gie Taitọs ne ovbi mwẹ ne ovbi mwẹ vbe ekpa iyayi ne ima gba yaẹn. Osanobua ne Erha kevbe Kristi ne Ọmiọnmwafan mwa ne ọ rhie ẹsọhẹ kevbe ọfumwegbe nuẹn.

Failimọn 1:10

Rhunmwuda ọnii, I ra nọ ruẹn emwi ọkpa, rhunmwuda Onisimọs ne ovbi mwẹ vbe uwu Kristi, rhunmwuda, ehe ne I na rre uwu eghan vbe emwa na, ọre I na khian erhae vbe ekpa ọghe orhiọn.