I Tẹsalonaika 5:4 - Edo Bible (E Baibol Ẹdo) Version 1996

⁴ Sokpan, wa ne etẹn mwẹ, wa i rre uwu ebiebi, rhunmwuda, ọnii, ọ ma kei ne Ẹdẹ nii do do uwa mu zẹ vbe oyi.

I Tẹsalonaika 5:4 ပူးပေါင်းရင်းမြစ်များ

Jerimaia 42:16

Ẹghẹ nii, okuo ne uwa mu ohan rẹn gha khu uwa mu, ohanmwẹ ne uwa mu ohan rẹn gha lele uwa, Igipt vbe odọ niii ọ re uwa ra wulo yi.

Hozia 10:9

E Nọyaẹnmwa khare wẹẹ, “Avbe ivbi Izrẹl ma he dobọ orukhọ ne a ru ghe mwẹ yi, kevbe ne iran ya rukhọ vbe Gibea gha dee. Rhunmwuda ọnii, e Gibea ọ re okuo ra na ya khu iran mu.

Zẹkaraia 1:6

Avbe eguọmwadia mwẹ i ghẹ avbe akhasẹ ọ re I giee ne a tama avbe erha uwa odede, emwi ne I ho ne iran ru kevbe emwi ne ọ gha he sunu, sokpan, iran ma zẹye rhọkpa, ọre obọ na vba iran. Ẹghẹ nii, iran keghi fi uyinmwẹ werriẹ, iran keghi do miẹnkue wẹ, mẹ ne Nọyaẹnmwa ne Osanobua ọ re ọ rri iran oya vbene ọ ma iran zẹ vbene I ta ẹe wẹ I gha ru ẹe.”

Matiu 10:15

Ne I tama uwa ọ gha sẹ ẹdẹ ibuohiẹn, Osanobua gha tohan emwa ni rre Sọdom kevbe Gomorra sẹ emwa ni rre ẹvbo ni.

Iyẹn ne ọ Maan Ọghe Luk 21:34

“Wa gha begbe! Wa ghẹ gie iwinna evbare ne a re, ayọn ne ọ wegbe ra osi ẹmwẹ agbọn na mu uwa, ne Ẹdẹ nẹdẹrriọ ghẹ do hẹ rhu uwa vbe udomwirri.

Iwinna 26:18

U ghi rhan iran aro ne u gban iran uhunmwu hin ebiebi rre la uwu uwanmwẹ, kevbe hin ẹtin Setan rre ghe Osanobua. Vbene a gha na miẹn wẹ vbekpa ne iran na mu ẹtin yan mwẹ, a ghi ye orukhọ iran bọ iran, iran ghi rhie ihe iran vbe uwu ẹbu emwa ne Osanobua hannọ zẹ.’

Diuteronomi 19:6

A deghẹ ẹvbo ọkpa kẹkan ọ re ọ rrọ, ọ gha rrei gbe, a ghi miẹn wẹ ọmwa ne ọ khẹke ne ọ rria ikhi ye izigha ne a de ni, ghi khu ọmwa ni mu, kevbe rhunmwuda ne ohu na mu ẹẹn ni, ọ ghi ya gbe ẹe rua ighẹ ọmwa ne ọ ma rri abe. vbene ọ rhirhi gha ye hẹ, te ọ gbe ọmwa ne ẹ i re oghian rẹn rua vbe ne ẹ i na re ẹmwẹ ọnrẹn.

Diuteronomi 28:15

“Sokpan, a deghẹ uwa ma họn ẹmwẹ e Nọyaẹnmwa Osanobua uwa ne uwa vbe ya ẹkoata rhie uhi ẹre hia ne imẹ rhie ne uwa ẹrẹna mwẹ, avbe emwi dan na hia gha sunu vbe egbe uwa.

Diuteronomi 28:45

“Ọkhọ na hia ọ ra rruan uwa, iran ghi gha rre ehe ne uwa ye wa te do gbe ẹro, rhunmwuda wa ma họn ẹmwẹ e Nọyaẹnmwa Osanobua rua ne uwa gha ya uhi ne ọ viọ ne uwa hia ru emwi.

Kọlose 1:13

Rhunmwuda te irẹn miẹn ima fan hin obọ ẹtin ebiebi rre, ọ na viọ ima gha die arriọba ovbi ẹre ne ọ ghan vbe egbe hẹnnẹdẹn.

I Tẹsalonaika 5:2

Rhunmwuda, wa tobọ uwa rẹnrẹn wẹ, zẹ vbene oyi rre vbe asọn ọre Ẹdẹ Nọyaẹnmwa khian rre.

II Pita 3:10

Sokpan Ẹdẹ Nọyaẹnmwa gha rre zẹ vbe oyi. Vbe Ẹdẹ ne ẹdẹnẹdẹrriọ, uwu owogho ne ọ khẹkhẹ ehọ, ọre a ra na ho iso bẹkun, avbe emwi ni wie yo wie rre vbe ideghedeghe aro iso ghi giẹn uan, ehia ghi la ọrhiae rrie, agbọn ke ẹe kevbe emwi ni rre uwu ẹre hia, ghi khian ne a ho bẹkun.

I Jọn 2:8

Vbene ọ rhirhi gha ye hẹ, iyi ne I gbẹn gie uwa, ọghọgbọn nọ, a miẹn ẹmwata ne ọ rrọọ vbe uwu Kristi nẹ, uwanmwẹ ọre ọ ghi wa ladian nian.

Arhie Maan 16:15

“Wa danmwehọ, I dee zẹ vbe oyi, ọ maa ọre ọghe ọmwa ne ọ ma vbiẹ, ne ọ vbe dọlọ ukpọn ẹnrẹn yi, ne i ra ya irhunmwirhun la ẹvbo, ne ekhue i ra vbe mu vbe adesẹ ẹvbo.”

Arhie Maan 3:3

Rhunmwuda ọnii, ye emwi ne a ma ruẹn re rre, kevbe vbene uwẹ họẹn hẹ, ya ẹe gha ru emwi, ne u fiwerriẹ hin orukhọ ruẹ rre. A deghẹ u ma rhiọrre, I gha fan rhuẹ zẹ vbe oyi, u i ra vbe rẹn ẹghẹ ne I gha ya rre.