I Tẹsalonaika 5:1 - Edo Bible (E Baibol Ẹdo) Version 1996

¹ Etẹn mwẹ, ẹ i re ne I vbe dọlegbe gha gbẹnnẹ ebe gie uwa vbe ekpa ọghe ama, kevbe ẹghẹ ne avbe emwi na gha ya sunu.

I Tẹsalonaika 5:1 ပူးပေါင်းရင်းမြစ်များ

Matiu 24:3

Jesu ghi tota ye uhunmwu oke Ọliv, avbe erhuanegbe keghi hẹko bu ẹre rre do nọ rẹn wẹẹ, “Ta ẹghẹ ne emwi na hia gha khin ma ima, de emwi ne ọ gha sunu ni ima gha ya rẹn ighe ẹghẹ ne u ya dee sẹ ne, kevbe wẹẹ a sẹ ufomwẹ agbọn nẹ?”

Matiu 24:36

“Sokpan, ọmwa ọkpa ne ọ rẹn ẹdẹ ra ẹghẹ ne emwi na gha ya sẹ, ẹ i rrọọ, avbe odibosa ni rre ẹrinmwi, ra Ọmọ tobọ ẹre, ne ọ rẹn ọnrẹn, ẹ i rrọọ, gberra Evbavba Ọkpa.

Iwinna 1:7

Jesu tama iran wẹẹ, “Ẹghẹ ne ọ khian gha khin, kevbe emwi ne ọ gha sunu, ẹtin Erha mwẹ mwamwa ẹn nẹ, ọ ma kan uwa hiehiere ne uwa rẹn ẹghẹ ne ọ khian gha khin.

II Kọrinti 9:1

Ne a ghẹ wẹ I ma zẹdẹ gbẹn ebe gie uwa nọ, vbe ekpa iyobọ ne a ra ru gie emwa Osanobua ni rre Judia.

I Tẹsalonaika 4:18

Rhunmwuda ọnii, wa ye avbe ẹmwẹ na gha fu egbe ẹko rre.

I Tẹsalonaika 4:9

Ẹ i re eban a ghẹ ghi gha gbẹnnẹ ebe gie uwa vbe ekpa wẹ, ọ kere ne uwa gha ho ẹmwẹ ivbi iyayi ne iho uwa, rhunmwuda, Osanobua tobọ ẹre ma uwa ẹre nẹ vbene uwa gha ya gha ho ẹmwẹ egbe hẹ.

Ebe ne Jud gbẹẹn 1:3

Wa ne ọse mwẹ ni ghan, ẹghẹ ne I na wa gha hia ne I gbẹn ebe gie uwa, vbe ekpa imiẹnfan ne ọre ọghe ima hia, ọre ọ na wa do la mwẹ ekhọe ne I gbẹn ebe gie ua, ne I ya rhie igiẹdu ne uwa, ne uwa gha gbinna nẹẹn khian ighẹ iyayi ni ne Osanobua rhie ne emwa rẹn hia uhukpa nii.