I Tẹsalonaika 4:9 - Edo Bible (E Baibol Ẹdo) Version 1996

⁹ Ẹ i re eban a ghẹ ghi gha gbẹnnẹ ebe gie uwa vbe ekpa wẹ, ọ kere ne uwa gha ho ẹmwẹ ivbi iyayi ne iho uwa, rhunmwuda, Osanobua tobọ ẹre ma uwa ẹre nẹ vbene uwa gha ya gha ho ẹmwẹ egbe hẹ.

I Tẹsalonaika 4:9 ပူးပေါင်းရင်းမြစ်များ

Psalm 133:1

U miẹn vbene ọ maa hẹ u miẹn vbe ọ vbe rhiẹnrhiẹn hẹ ne emwa Osanobua gha gu egbe yin vbe ọfumwegbe.

Aizaia 51:13

Wẹ mianmian e Nọyaẹnmwa ne ọ yii uwẹ nẹ ra? Ọmwa ne ọ tana iso yotọ ọna vbe gbe ẹyotọ agbọn? Vbọzẹ ne ohan na mu ẹẹn ẹghẹ hia yi rhunmwuda okuosu iran ni wọ ruẹ uhunmwu? Iran ni mu egbe ne iran ya fuẹn ruẹn uan okuosu iran i ghi miẹn emwi ru uẹ re.

Jerimaia 31:33

Ile ọgbọn ne I ghi ra gu ivbi Izrẹl ta, enian ọ khian gha ye, I gha rhie uhi mwẹ ye uwu iran, I ghi vbe gbẹnnẹ ọẹn ye iran ekhọe. Mẹ ghi gha re Osanobua iran, iran ghi gha re emwa mwẹ.

Jerimaia 31:34

Ọkpa ne ọ ghe ghi gha ma ovbi ẹvbo ẹre emwi wẹ ne ọ rẹn e Nọyaẹnmwa i ghi rrọọ, rhunmwuda iran hia gha rẹn mwẹ kevbe egbe ne ọ kpọlọ sẹẹ ya sẹ egbe ne ọ kanmwa sẹẹ. I gha ya orukhọ iran bọ iran, a i ghi vbe ye abakuru iran rre ọvbehe. Mẹ ne Nọyaẹnmwa taa ẹe nẹ.”

Levitikọs 19:8

Ọmwaikọmwa ne ọ rri ọe, ọ gha rri abe ọghe wẹ ọ kegha ru emwi ne a ya fi ohan mẹ zẹ vbe ne a miẹn wẹ ọ ma sẹ emwirhọkpa, a i ghi vbe dọlegbe ka ẹe ba emwa mwẹ.

Matiu 22:39

Ne ogieva ne ọ ghi vbe kpọlọ sẹẹ vbe ye vbe ọre: ‘Gha ho ẹmwẹ ogieva ruẹ zẹ vbe egbe ruẹ.’

Iyẹn ne ọ Maan Ọghe Jọn 14:26

Nọyọmwaobọ nii, Orhiọn Ne Ọ Huanrẹn ne Evbavba ye eni mwẹ gie rre gha ma uwa emwi hia, ọ ghi ye uwa ẹmwẹ ne I he tama uwa hia rre.

Iwinna 4:32

Otu iran ni yayi keghi gha rrọọ vbe ekhọe ọkpa kevbe orhiọn ọkpa. Arhiọnkpa ne ọ vbe tie emwi ne ọ mwẹ ọghe obọ ẹre, ẹ i rrọọ. Iran hia ghi gha gba ghae emwi ne iran mwẹ, ọ gba obọ.

Ebe ne Pọl gbẹẹn gie emwa Rom 12:10

Wa kakabọ gha ho ẹmwẹ egbe zẹ vbe etẹn vbe uwu Kristi, wa gie ẹe gha bọbọ uwa egbe ighẹ ẹmwẹ ọghọ na rhie ne egbe.

II Kọrinti 9:1

Ne a ghẹ wẹ I ma zẹdẹ gbẹn ebe gie uwa nọ, vbe ekpa iyobọ ne a ra ru gie emwa Osanobua ni rre Judia.

Filipai 3:15

Emwi na ẹre ọ kere ne ọ gha rre ima hia ekhọe, ma ni khian eniwanrẹn nẹ vbe ẹmwẹ emwi orhiọn. Vbene ọ rhirhi gha ye hẹ, a deghẹ emwi ọvbehe rre eso vbe uwu uwa ekhọe, Osanobua gha rhan otọ ehia ma uwa.

I Tẹsalonaika 5:1

Etẹn mwẹ, ẹ i re ne I vbe dọlegbe gha gbẹnnẹ ebe gie uwa vbe ekpa ọghe ama, kevbe ẹghẹ ne avbe emwi na gha ya sunu.

Hibru 10:16

“Ọna ọre ile ne I gha gu iran ta vbe iyeke a vbe ẹdẹrriọ, erriọ Nọyaẹnmwa khare: I gha rhie uhi mwẹ ye iran ekhọe, I ghi vbe gbẹn ọẹn ye iran orhiọn.”

Hibru 13:1

Wa gha ho ẹmwẹ egbe zẹ vbe etẹn vbe uwu Kristi.

I Pita 3:8

Ne I ya fian ẹre ifi: wa gie vbene uwa ziro kevbe vbene emwi ye vbe ekhọe uwa, gha ya kugbe. Wa gha ho ẹmwẹ egbe, zẹ vbe etentẹn ne ikpia. Wa gha mwẹ itohan ghe egbe, ne uwa vbe gha mu egbe rri otọ ne egbe.

I Pita 4:8

Ke odaro emwi hia, wa gha ya ẹko ata ho ẹmwẹ egbe, rhunmwuda, aho ẹmwẹ ọmwa gbe ebe gue orukhọ ni bun.

II Pita 1:7

wa ghi rhie aho ẹmwẹ ọmwa ne ọ rre ẹkpo etẹn ba aruemwi vbene ọkhọ ọghe Osanobua uwa, wa ghi rhie aho ẹmwẹ ọmwa ba aho ẹmwẹ ọmwa ne ọ rre ẹkpo etẹn uwa.

I Jọn 2:10

Ọmwa ne ọ ho ẹmwẹ ọtiọnrẹn, uwu uwanmwẹ ọre ọ ye, rhunmwuda ọnii, emwi ọkpa i vbe rre uwu irẹn ne ọ gha si ọmwa ọvbehe fi orukhọ.

I Jọn 3:11

Rhunmwuda, ikporhu ne uwa họẹn ke omuhẹn gha dee ọre ọ na khin: Ọ kere ne ima gha ho ẹmwẹ egbe.

I Jọn 3:23

Emwi ne ọ khare ọrọre wẹ ne ima ya eni Ovbi ẹre Jesu Kristi yi, ne ima vbe gha ho ẹmwẹ egbe, zẹ vbene Kristi tama ima.

I Jọn 4:21

Rhunmwuda ọnii nian, iyi ne Kristi yi ne ima ọ na khin ọmwa ne ọ ho ẹmwẹ Osanobua, wẹ ne ovbe gha ho ẹmwẹ ọtiọnrẹn.