I Tẹsalonaika 4:6 - Edo Bible (E Baibol Ẹdo) Version 1996

⁶ Vbe uwu emwi na, ọ ma kei ne ọmwaikọmwa gha ho ọtẹn ọnrẹn ẹmwẹ, ra ne ọ gha gbe ẹe miẹn ẹre emwi ẹnrẹn. Ma ka ta ẹmwẹ na ma uwa yi, ma na kakabọ ta ẹe ma uwa nian, Nọyaẹnmwa gha rri iran ni ru emwi vberriọ oya.

I Tẹsalonaika 4:6 ပူးပေါင်းရင်းမြစ်များ

Psalm 140:12

E Nọyaẹnmwa, mẹ rẹnrẹn wẹ, wẹ ọ re ọ mu ẹzọ ovbiogue gui, kevbe emwi ne ọ khẹke ne ẹ i mwẹ.

Psalm 94:1

Nọyaẹnmwa, Osanobua ne ọ rri ọmwa oya ye ọkhọ ọ re uwẹ khin; rhie izohu ruẹ maa!

Ẹksọdọs 20:15

“Ghẹ rha a.

Ẹksọdọs 20:17

“Ghẹ yaro ye owa ẹrrẹe, ghẹ yaro ye amwẹ ẹrrẹe ra eviẹn ọnrẹn ra ẹmila re ra ekẹtẹkẹtẹ ọre ra emwikemwi nii re ọghọe.”

Itan 11:1

Osanobua i ho ẹmwẹ emwa ni ya esike omuru mwa emwi. emwi ne a mwa ẹse ọ re ọ ye ọre.

Itan 16:11

E Nọyaẹnmwa ho ne emwi ne a mwa rẹn hia, ọghe ubunmwẹ kevbe ọghe ukhuamwẹ ne ọ gha re ọghe ẹmwata, kevbe ne emwi ne a khiẹn hia gha re vbene ọ kei yi.

Itan 20:14

Ọmwa ne ọ dẹ emwi ghi gha gui wẹ emwi ghan gbe, sokpan, ọ ghi ke evba ladian ya gha rhuọ ighe a i ta vbene irẹn guara dẹ emwi hẹ ẹre.

Itan 20:23

E Nọyaẹnmwa i ho ẹmwẹ emwa ni ya omwa omuru mwa emwi ọghe ubunmwẹ ra ukhuamwẹ.

Itan 28:24

Ọmwa ne ọ ro wẹ ẹ i re uyinmwẹ ne ọ ma gba ne a gha do emwi evbibiẹ ọmwa hẹ, ọ ma vbe maa sẹ oyi ne oyi.

Asan-Ibo 5:8

Ghẹ giee yan uwe unu uan adeghẹ arriọba kpokpo ovbiogue, ighe ọ ma vbe gie a bu ohiẹn ẹmwata ne iran, ra ne a rhie emwi ne ọ khẹke iran ne iran. Dọmwadẹ ọmwa iwinna, ọmwa ne irẹn rre ototọ ẹre, ọ re ọ sinmwi ne ẹẹn, ọmwa ne ukpo ẹre ghi vbe yo sẹẹ ọ re ọ sinmwi ne iran eveva.

Aizaia 5:7

Izrẹl ọrọre ogba azara ọghe Nọyan ne Oghodua; emwa e Juda ọrọre azara ne ọ kọ yọ. Rẹn te rhie aro yọ ne iran gha ru emwi ne ọ maa, sokpan, iran kegha do izigha. Rẹn te rhie aro yọ ne iran gha ru emwi ne ọ gbae, sokpan, emwa ne obọ iran vbare kegha tu wẹ ne a bu ohiẹn ẹmwata.

Jerimaia 7:6

Wa ghẹ ghi zẹ ebubẹ ye avbe erriọvbe aro kevbe avbe emọ ni i mwẹ erha kevbe ẹgbẹe. Wa dobọ emwa ni ma rukhọ ne a gbele yi vbe otọe na. Wa dobọ avbe ẹbọ ọvbehe ne uwa ga yi, te ọnii ra miẹn uwa uhunmwu.

Jerimaia 9:4

Wẹ ne dọmwadẹ ọghọe khẹ yegbe ne ọ mwẹ ẹwaẹn vbe egbe ọsiọre a i ghi miẹn ne ọ sẹtin mu ẹtin yan ọtiọnrẹn rhunmwuda, te etẹn hia ghi guẹ erẹrẹ vba e Jekọb, edọmwadẹ ọghọe ta ọtiọnrẹn ọtakhọ.

Ezikiẹl 22:13

“I gha so ekpa mwẹ yan oyi ne uwa rha kevbe izigha ne uwa de.

Levitikọs 19:11

“Ghẹ rha ra ne u gbe ọmwa rhu, ra ne u ta ohoghe.

Levitikọs 19:13

“Ghẹ gu ọmwa do ẹki a sẹ ọmwa, ra ne u gbe ẹe miẹn re emwi. Ghẹ da igho ne u hae ne ọmwa ne ọ winna nuẹn yi, ghẹ da ẹe yi la asọn ọkpa kẹkan.

Levitikọs 25:14

Rhunmwuda ọnii, u gha khiẹn otọ ne ovbi Izrẹl ne ihua, ra te uwẹ guẹe de otọ, ghẹ yin ẹre ọghe ẹkpe.

Levitikọs 25:17

Ghẹ mu ovbi Izrẹl ne ihua ru. Sokpan mu ohan e Nọyaẹnmwa Osanobua ruẹ.

Maika 2:2

Iran gha gualọ ako oha, iran ghi ya ẹtin vbe iwegbe mu ẹẹn, iran gha gualọ owa, iran ghi mu ẹẹn. Ẹgbẹe ọmwa ra ẹfe ọmwa ne egbe rọkhọ ẹe ẹ i ghi rrọọ.

Zẹfanaia 3:1

Ọghe Jerusalẹm fo, ọghe ọe fo ighe ẹvbo ne ọ sakan an, ne ọ vbe sọtẹ nii, ne ọ vbe wọ emwa rẹn tobọ ẹre uhunmwu.

Zẹfanaia 3:5

Sokpan, e Nọyaẹnmwa ye rre ore ẹvbo, emwi ne ọ gbae ọ re ọ ru, ẹ i vbe zẹdẹ ru emwi ne ọ ma gba. Rẹn i ba ẹe ku vbe owiowiẹ ne ọ ya ru enọkhẹke ne emwa rẹn. Sevba, emwa ne ẹ i re emwata ni rre evba ghi ye gha ru emwi ne ọ ma gba khian vbene ekhue i na mu iran.

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Iyẹn ne ọ Maan Ọghe Mak 10:19

Deghẹ u rẹn uhi ghẹ do izigha. Ghẹ ghẹe, ghẹ rhaa, ghẹ ta ohoghe, ghẹ do ẹki ogberhu, ye ọghọ ne erha kevbe iyuẹ.”

Iyẹn ne ọ Maan Ọghe Luk 12:5

I gha ta ọmwa ne uwa gha a mu ohan rẹn ma uwa. Wa mu ohan Osanobua na a miẹn wẹ ọ gha gbe nẹ, ọ yevbe mwẹ ẹtin ne ọ ya mu orhiọn fi ẹrinmwi ne ehianmwẹ ivin. I tama uwa, wa mu ohan rẹn!

Iyẹn ne ọ Maan Ọghe Luk 16:28

I mwẹ etẹn ikpia isẹn, ne ọ wa yan ma iran ne iran ghẹ vbe gha di uwu obalọ na.’

Ebe ne Pọl gbẹẹn gie emwa Rom 1:18

Aro da ẹe wẹ izohu Osanobua hihiẹ ke odukhunmwu dee do siẹn yan uyinmwẹ dan kevbe orukhọ emwa dan, emwa ne iba dan ne iran zẹ I gia rẹn ẹmwata ne ọ rrọ.

Ebe ne Pọl gbẹẹn gie emwa Rom 12:19

Ọse mwẹ, ghẹ rria ikhi, sokpan, gie izohu Osanobua ruẹe, rhunmwuda ebe tae wẹẹ, “I gha rria ikhi, I gha ruẹe werriegbe, erriọ Nọyaẹnmwa khare.”

Ebe ne Pọl gbẹẹn gie emwa Rom 13:4

Rhunmwuda ọguọmwadia Osanobua ne ọ winna ye umamwẹ ruẹn ọre nọ. Sokpan, u gha ru emwi dan, gie afianma rẹn gha fian an, rhunmwuda, ẹtin ne ọ mwẹ ne ọ ya rri ọmwa oya, ẹ i re ọghe abawẹ, ọguọmwadia Osanobua nọ, oya ọre ọ rri iran ni ru emwi dan re ne Osanobua.

II Kọrinti 7:11

Wa ghe emwi ne Osanobua ye ẹko ne ọ rriara uwa na ru, vbene uwa ghi mu aro ye emwi hẹ, vbene uwa ghi ziga hẹ ne uwa rhie maa ighẹ, wa ma rẹn ọkpa wa ma rẹn eva. Egbe ohu nọkhua vberriọ egbe utumwẹ wa bu rre vberriọ, a mu emwi roro, a mu aro ye emwi, a mu egbe ne a ya gbe ọmwa hin ọkhọ rre! Wa keghi wa rhie egbe uwa zẹ vbe ọmwa ne ọ ma rri abe rhọkpa vbe uwu ẹmwẹ na.

Galatia 5:21

Iran ghi gha gbe ọvo egbe, iran ghi gha da ayọn gbe egbe, iran ghi gha gbe izabọbọ ẹwia kevbe avbe emwi ni khọ vberriọ. I vbe gie uwa rẹn nian, zẹ vbene I ka vbe ta ẹe yi wẹ, iran ni ru avbe emwi na, iran i sẹtin rhan obọ miẹn Arriọba Osanobua.

Ẹfisọs 4:17

Rhunmwuda ọnii, eni Nọyaẹnmwa ọre I ya ta ẹmwẹ na, te I wa vbe tua unu muẹn wẹ, wa ghẹ gha ru vbene avbe iran ne enigẹbọ ru, emwa ne iziro ekhọe iran i mwẹ esa ne ọ ye.

Ẹfisọs 4:28

Ọmwa ne ọ te ka rha yi, wẹ ne ọ dobọ oyi ne a rha yi, ne ọ suẹn gha winna, ne ọ miẹn ehe na gha khuan okhuan ne ai gbe ikhan yi ọghe obọ ẹre, kevbe ne ọ sẹtin vbe gha ye ne ẹ i mwẹ obọ.

Ẹfisọs 5:6

Wa ghẹ gie ọmwa rhọkpa ya ẹmwẹ ọzuọ mu uwa rẹrẹ, usun emwi ne ọ si ẹe ne izohu Osanobua gha na rhurhẹ yan iran ne ẹ i họn ẹmwẹ nẹẹn, ọre ena khin.

Diuteronomi 24:7

“Ọmwaikọmwa ne ọ do ovbi Izrẹl ne ihua ẹre mu, ọ na ya ẹe gha do ẹki egbe ẹre, ra ọ na khiẹn ọẹn, a ghi gbe ẹe rua. Odẹ vberriọ, ọ re uwa gha ya ghe ukhu ọkhọ na rua.

Diuteronomi 32:35

E Nọyaẹnmwa gha rria ikhi, ọ ghi rri iran oya, ẹghẹ ne iran gha na dele dee. Ẹdẹ ọfuan iran sikẹ otọ nẹ.

I Tẹsalonaika 2:11

Wa rẹnrẹn wẹ, obọ ne erha ya mu ivbi ẹre, ọre ima ya gha mu dọmwadẹ ọghọe vbe uwu uwa.

II Tẹsalonaika 1:8

Ke ẹe kevbe ogidi erhẹn, ne ọ do rri iran oya ighẹ iran ni ma rẹn Osanobua, kevbe iran ni ma ru vbene Iyẹn Ne ọ maa vbe ekpa Nọyaẹnmwa Jesu kha re.

Hibru 13:4

Ọ kere ne emwa hia gha ye ọghọ ne orọnmwẹ, ọdọ vbe amwẹ ghi gha re emwa ne ẹ i fi owẹ ye oha, Osanobua gha bu ohiẹn iran ni gbe alama kevbe ni ru oghẹ.

Hibru 2:6

Sokpan zẹ vbene ihe eso vbe Ebe kha re, “Vbe ọmwa a khin Osanobua, ne uwẹ mu ẹmwẹ ọnrẹn roro, de emwi ne ọmwa kẹkan khin, ne uwẹ zẹ ye ọre re?

Jems 2:6

Sokpan, wa i ya ọghọ ne ivbiogue! De emwa ni zẹ uwa owẹ yi, ni vbe silo uwa gie enibuohiẹn? Ẹ i re iran ni fee nọ.

Jems 5:4

Wa ma he ha osa ne iran ne uwa ya gbe ugbo. Wa gha họn vbe ne iran gui hẹ! Eve ne iran ni rhọ emwiokọ uwa ne uwa viẹ, sẹ ehọ Osanobua nẹ, Nọyaẹnmwa ne Oghodua.