I Tẹsalonaika 4:2 - Edo Bible (E Baibol Ẹdo) Version 1996

² Rhunmwuda, wa rẹn vbene ima tama uwa hẹ vbe ekpa asẹ ne ọ ke obọ Nọyaẹnmwa Jesu rre.

I Tẹsalonaika 4:2 ပူးပေါင်းရင်းမြစ်များ

Ezikiẹl 3:17

“Ovbi ọmwa, I ra ya a ru abodẹ ne Izrẹl. U ghi tama iran emwi ne I ya bu iran ude khẹ ọ dee.

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

I Kọrinti 9:21

Erriọ vbe nọ, I gha miẹn iran ne ẹ i re Ju, I ghi gha ru vbe ọmwa ne ẹ i re Ju, ne ẹ i vbe rre ototọ Uhi avbe Ju, ne I miẹn ehe na silo iran ne ẹ i re Ju ba egbe, rhunmwuda vbe ẹmwata, ototọ uhi Kristi ọre I mẹ ye.

I Tẹsalonaika 4:1

Vbe okiekie ehia, etẹn mwẹ, wa ruẹ re vbe obọ ima vbene uwa gha ru emwi hẹ, ne uwa gha na yẹ Osanobua. A rẹnrẹn wẹ, erriọ wa wa yin ke ẹghẹ ni gha dee. Wanwanna nian, ma ye eni Nọyaẹnmwa Jesu rinmwian uwa, ma vbe tua ẹre mu unu ma uwa, ne uwa ru gberra vbene uwa ka ru de yi.

I Tẹsalonaika 4:3

Emwi ne Osanobua mwamwa ẹn ne uwa ọna khin, ọ ho ne uwa gha re ne ọ huanrẹn kevbe ne ẹ i mwẹ obọ vbe emwi alama oghẹ hiehiere.

II Tẹsalonaika 3:10

Ẹghẹ ne ima na gha rre ehe ne uwa ye, ma ta ẹe ma uwa wẹ, “Ọmwa ne ọ ma ho ne ọ winna, a ghẹ gi ẹe rri evbare.”

II Tẹsalonaika 3:6

Ma ya eni Nọyaẹnmwa Jesu Kristi yi iyi ma uwa etẹn mwa, wa gha bi egbe ne avbe etẹn ni lo ẹdẹ iran hia ye oroho ne a si, iran ne ẹ i ya ẹmwẹ ne ima tama iran ru emwi.