I Tẹsalonaika 3:9 - Edo Bible (E Baibol Ẹdo) Version 1996

⁹ Vbe ọghe banbanna, ma sẹtin kpọnmwẹ Osanobua ne uwa. Ma ghi kpọnmwẹ ọẹn ye ọyẹnmwẹ ne ọ sẹ mwa vbe odaro Osanobua mwa, rhunmwuda uwa.

I Tẹsalonaika 3:9 ပူးပေါင်းရင်းမြစ်များ

II Samuẹl 6:21

E Devid keghi wanniẹn wẹẹ, “Te I gha kuu ne I ya ya ọghọ ne Nọyaẹnmwa ne ọ rhie obọ gberra erhaa kevbe ẹgbẹe ruẹ ọ na do zẹ mwẹ ne ọ ya mwẹ ru ọkaolotu ivbi Izrẹl ne emwa rẹn. Ẹn ẹn te I khian ye gha ku khian, ne I ya ya ọghọ ne Nọyaẹnmwa.

II Krọnikol 31:8

Ugbẹn vbe Hẹzekaia ne ọba kevbe ekhaẹmwẹ ọnrẹn ghi miẹn emwi ne iran viọ rre iran keghi rho Nọyaẹnmwa, iran keghi vbe tian ivbi Izrẹl.

Nehimaia 9:5

Avbe Livai na — e Jesua, e Kadmiẹl, e Bani, e Hasiabneia, e Siẹrebia, e Hodaia, e Siebanaia kevbe Pẹtahia keghi datie emwa ne iran gha die ugamwẹ wẹẹ: “Wa kpaegbe, ne uwa rho e Nọyaẹnmwa ne Osanobua uwa, wa gie emwa hia rho eni ẹnrẹn ne ọ mwẹ uyi, a gha rhe miẹn wẹ urhomwẹ emwa nagbọn ne ọ sẹe i rrọọ.”

Psalm 116:12

De emwi ne imẹ gha rhie ne Nọyaẹnmwa rhunmwuda ẹse hia ne ọ ru mẹ?

Psalm 68:3

Sokpan, avbe ẹmwata ghọghọ iran keghi vbe sẹ ọyẹnmwẹ vbe odaro ẹre ẹko rhiẹnrhiẹn iran, iran keghi vbe we uwemwẹ oghọghọ.

II Kọrinti 2:14

Sokpan, ekpọnmwẹ nọ ne Osanobua, rhunmwuda, vbe a kugbe ba Kristi, Osanobua ghi gha viọ ima khian zẹ vbe oghunmwu vbe uwu emwa ne Kristi viọ rre vbe okuo ne ọ na khọn miotọ. Zẹ vbe ori ne ọ winhin ne ọ gba ehe hia, Osanobua lo ima ya ye Kristi khian ne emwa hia rẹnrẹn.

II Kọrinti 9:15

Wa gie a kpọnmwẹ Osanobua ye ẹse ẹre ne a i sẹtin fian ive yi.

Diuteronomi 12:18

Wa kevbe avbe ivbi uwa kevbe eguọmwadia uwa, kevbe avbe e Livai nii rre ẹvbo uwa, odaro Nọyaẹnmwa Osanobua uwa ọkpa ọ re uwa gha na gha rri ọe, vbe ihọkpa kẹkan ne a na ga nii, ne Nọyaẹnmwa ne Osanobua uwa zẹe re vbe evba ne u gie ẹko ruẹ vbe gha rhiẹnrhiẹn rhunmwuda emwi ọma ne Nọyaẹnmwa hẹ ne uwa.

Diuteronomi 12:2

Ẹre ena khin. Vbe otọ ne uwa ra mu nii, wa dunmwu ehe hia ne emwa nii na gho ẹbọ, vbe oke ni yo, oke ne giẹrẹ kevbe ototọ avbe erhan ni mwẹ ebe ọgbọn.

Diuteronomi 16:11

Gha ghọghọ vbe odaro Nọyaẹnmwa, wẹ kevbe avbe ivbi uẹ, kevbe eguọmwadia ruẹ, kevbe avbe e Livai, avbe ọrriọvbe, emọ ne ẹi mwẹ erha kevbe avbe ẹgbẹ ni rre owa ruẹ. Wa ghi ru ọna vbe ihe ọkpa ni ne a na ga ẹe.

I Tẹsalonaika 2:19

Ne a ta ẹmwata, wa rẹnrẹn wẹ, ọmwa ọvbehe ne ọ re idaehọ kevbe oghogho ima i rrọọ gberra uwa, kevbe emwi ne ima gha ya ghan vbe odaro Nọyaẹnmwa Jesu Kristi, ighẹ ma ru rho obọ nẹ, vbe ẹghẹ, ne ọ gha ya rre.