I Tẹsalonaika 3:7 - Edo Bible (E Baibol Ẹdo) Version 1996

⁷ Rhunmwuda ọnii, etẹn mwa, vbe uwu ọlọghọmwa ne ima ye, kevbe oya ne ima re, a rhie ẹtin ye ima iwu vbekpa uwa. Iyayi uwa ọre ọ rhie ẹtin ye ima iwu.

I Tẹsalonaika 3:7 ပူးပေါင်းရင်းမြစ်များ

II Kọrinti 1:4

Rẹn ọre ọ ye ima obọ vbe uwu ọlọghọmwa mwa hia, ne ima sẹtin gha ye avbe emwa hia ni ghi rre uwu ọlọghọmwa ughughan hia obọ, vbe ekpa ne a na lo egbe iyobọ ni ne ima vbe miẹn vbe obọ Osanobua.

II Kọrinti 7:13

Ọnii ọre ọ si ẹe ne udu na gha hu ima. Ẹ i re wẹ ọ ya udu gha hu ima ọkpa, Taitọs keghi wa ye ọyẹnmwẹ sẹ mwẹ vbe ekpa vbene ẹko rhiẹnrhiẹn ọen ye vbene uwa hia sẹ oyaya muẹn hẹ.

I Tẹsalonaika 3:6

Banbanna nian, e Timoti ke ehe ne uwa ye rre do vba ima nẹ, ọ keghi vbe do na iyẹn esiesi ọghe iyayi kevbe aho ẹmwẹ ọmwa uwa. Ọ tama ima wẹ, ẹko ima wa ma uwa ẹghẹ hia, kevbe wẹ, vbene ima ho ne ima miẹn uwa, erriọ wa vbe ho ne uwa miẹn ima.

II Jọn 1:4

Umiẹn vbene ẹko rhiẹnrhiẹn mwẹ uan hẹ, vbe I miẹn wẹ eso vbe avbe ivbi uẹ rrọọ vbe uwu ẹmwata zẹ vbene Evbavba yi ẹre iyi ne ima.