I Tẹsalonaika 3:6 - Edo Bible (E Baibol Ẹdo) Version 1996

⁶ Banbanna nian, e Timoti ke ehe ne uwa ye rre do vba ima nẹ, ọ keghi vbe do na iyẹn esiesi ọghe iyayi kevbe aho ẹmwẹ ọmwa uwa. Ọ tama ima wẹ, ẹko ima wa ma uwa ẹghẹ hia, kevbe wẹ, vbene ima ho ne ima miẹn uwa, erriọ wa vbe ho ne uwa miẹn ima.

I Tẹsalonaika 3:6 ပူးပေါင်းရင်းမြစ်များ

Itan 25:25

Iyẹn oghọghọ ne ọ ke ehe ne ọ rrei sẹ ehe ne ọmwa ye, te ọ ye vbe amẹ ne ọ furre ne ọmwa wọẹn vbe ẹghẹ ne ovbamẹ na kaka ọmwa ẹho.

Aizaia 52:7

U miẹn vbene ọ mose hẹ ne a bẹghe ọmwa ne a gie ẹre uhunmwu vbe ọ fian avbe oke ni rra dee do na iyẹn ne ọ maa, iyẹn ọfumwegbe! Ọ ya akhọnmiotọ wewe, ọ keghi tama Zaiọn wẹẹ, “Osanobua ọrọre ọba!”

Iwinna 16:1

Pọl kegha rrie Dẹbi kevbe Listra. Ovbi iyayi ọkpa ne a tie ẹre Timoti keghi rre evba, iye ẹe ne ọ vbe re ovbi iyayi keghi re Ju sokpan erha ẹe kegha re Grik.

Iwinna 18:1

Vbe iyeke emwi na na, Pọl keghi kpao vbe Atẹns rre, ọ na gha rrie Kọrinti.

Iwinna 18:5

Ugbẹn vbe Sailas kevbe Timoti ghi ke Masidonia rre, Pọl keghi wa ya ẹghẹ ọre hia gha kpe orhu iyẹn ne ọ maa, ọ na gha tama avbe Ju wẹ Jesu ọrọre Mẹzaia.

I Kọrinti 11:2

I tian uwa rhunmwuda ne uwa na ye mwẹ rre vbe ẹghẹ hia, ne uwa na vbe ru vbene I ma uwa ẹre.

I Kọrinti 13:13

Wanwanna, iran eha ọre ọ rrọọ, iyayi, idaehọ, kevbe aho ẹmwẹ ọmwa, ne ọ sẹ re vbe uwu iran eha na ọrọre aho ẹmwẹ ọmwa.

Galatia 5:6

Rhunmwuda, ma gha kugbe ba Kristi Jesu nẹ, a rhuẹ, ra ma rhuẹ, i ghi mwẹ esa ne ọ ye, emwi ne a kha ọrọre iyayi ne ọ winna vbe ekpa aho ẹmwẹ ọmwa.

Filipai 1:8

Osanobua rẹnrẹn wẹ ẹmwata ọre I ta vbe i a kha wẹ, vbene ẹmwẹ uwa rrọ mwẹ ekhọe, uwu ekhọe Kristi Jesu tobọ ẹre ọre ọ ke rre.

Kọlose 1:4

Rhunmwuda, ma họn ẹmwẹ iyayi uwa vbe uwu Kristi Jesu kevbe aho ẹmwẹ ọmwa ne uwa mwẹ ghe emwa Osanobua hia.

Kọlose 4:18

Obọ mwẹ ọre I ya gbẹn ọna: Pọl we uwa do, wa ghẹ mianmian ọgiọrọ ne I ye. Te ẹsọhẹ Osanobua gha gu uwa gha rrọọ.

I Tẹsalonaika 1:3

Rhunmwuda, ma yerre vbe odaro Osanobua kevbe Erha mwa, vbene uwa ye iyayi uwa ru emwi hẹẹ, vbene aho ẹmwẹ ọmwa uwa ye uwa winna ẹsẹse hẹẹ, kevbe ne idaehọ uwa vbe uwu Nọyaẹnmwa Jesu Kristi ye gbain hẹ.

I Tẹsalonaika 2:17

Zẹ vbe ọghe ima etẹn mwẹ, ẹghẹ ne ima na kpao vbe ehe ne uwa ye vbe ẹghẹ kherhe, ẹ i re vbe ekpa ọghe orhiọn, sokpan vbe ekpa ọghe egbe, umiẹn vbene ẹmwẹ uwa gha da ima hẹ, ma keghi wa gha ho ne a dọlegbe miẹn uwa aro.

I Tẹsalonaika 2:9

Ẹ i mwẹ ne uwa ghẹ yerre etẹn mwẹ, vbene ima winna miẹn ẹsọn hẹẹ. Asọn kevbe avan, ọre ima ya gha winna ne ima ghẹ miẹn ehe na gha re emwi idobọ ne uwa, vbe ẹghẹ ne ima na kpe orhu nene Iyẹn Ne ọ maa ma uwa.

I Tẹsalonaika 3:7

Rhunmwuda ọnii, etẹn mwa, vbe uwu ọlọghọmwa ne ima ye, kevbe oya ne ima re, a rhie ẹtin ye ima iwu vbekpa uwa. Iyayi uwa ọre ọ rhie ẹtin ye ima iwu.

II Tẹsalonaika 1:3

Te ima gha kpọnmwẹ Osanobua ne uwa vbe ẹghẹ hia etẹn mwẹ. Ọ kere ne ima gha ru vberriọ, rhunmwuda, iyayi uwa wa mobọ wan yọ, kevbe aho ẹmwẹ ọmwa ne uwa mwẹ ghe egbe, wa vbe mu otọ yọ.

I Timoti 1:5

Emwi ne I rhunmwuda ẹre yi iyi na ọrọre, ne ọ gua ẹe kpao ighẹ aho ẹmwẹ ọmwa ne ekhọe sẹẹnrẹn, orhiọn ne ekhọe ẹre i gu gui, kevbe iyayi ne ẹ i re ọghe ababa.

II Timoti 1:3

I kpọnmwẹ Osanobua, ọmwa ne I ya ekhọe sẹẹnrẹn ga, zẹ vbe ne avbe erha mwa odede vbe ru. I ghi gha kpọnmwẹ ọẹn vbe ẹghẹ hia ne I ya ye ruẹ rre vbe erhunmwu mwẹ, asọn kevbe avan.

Failimọn 1:5

Rhunmwuda I họn ẹmwẹ aho ẹmwẹ ọmwa ne u mwẹ ghe emwa Osanobua hia, kevbe iyayi ne u mwẹ vbe uwu Nọyaẹnmwa Jesu.

Hibru 13:3

Wa gha ye iran ni rre uwu eghan rre vbene a miẹn wẹ, te uwa gu iran rre evba. Wa gha ye iran ni rri oya rre, vbene a miẹn wẹ wa vbe iran ọre ọ gba rrie nene oya.

Hibru 13:7

Wa ye avbe ọkaolotu uwa ni karo rre, iran ni kpe orhu Osanobua ma uwa. Wa roro ẹe, vbe ne iran ya yin hẹ, kevbe vbene iran ya wulo hẹ, ne uwa gha ye egbe ta iran vbe ẹmwẹ iyayi.

I Jọn 3:23

Emwi ne ọ khare ọrọre wẹ ne ima ya eni Ovbi ẹre Jesu Kristi yi, ne ima vbe gha ho ẹmwẹ egbe, zẹ vbene Kristi tama ima.