I Tẹsalonaika 3:4 - Edo Bible (E Baibol Ẹdo) Version 1996

⁴ Rhunmwuda, ẹghẹ ne ima na gha rre ehe ne uwa ye, ma tama uwa ye otọ wẹ, a gha zẹ mwa kpokpo, zẹ vbe ne uwa ghi miẹn ọẹn na nian, ọnii ọrọre emwi ne ọ sunu zẹẹ.

I Tẹsalonaika 3:4 ပူးပေါင်းရင်းမြစ်များ

Matiu 24:25

Ghe I tama uwa yotọ nẹ.

Iwinna 17:1

Iran keghi la Amfipolis gberra gha rrie Tẹsalonaika ehe ne Ọgua ediọn avbe Ju ọkpa vbe ye.

Iwinna 17:13

Sokpan ugbẹn vbe avbe Ju ni rre Tẹsalonaika ghi họn ighẹ Pọl vbe kpe orhu ẹmwẹ Osanobua vbe Bẹrea, iran keghi vbe do bọọ emwa nii ye ẹmwẹ ne a ru.

Iwinna 20:24

Sokpan mẹ wa ka uhunmwu mwẹ ye ne ẹ i mwẹ esa, ne I miẹn ehe na khain okhian ne ọ wa mẹ sẹ otọ, ne I vbe winnaẹn fo ighẹ iwinna ne Nọyaẹnmwa Jesu wa mẹ ne I ru, ọnii nọ wẹ ne I ya wewe Iyẹn Ne ọ maa ọghe Ẹsọhẹ Osanobua.

I Tẹsalonaika 2:14

Etẹn mwẹ, emwi ne ọ vbe sunu vbe egbe esọsi Osanobua ni rre Judia, ọre ọ vbe sunu vbe egbe uwa, zẹ vbe iran ni re emwa Kristi Jesu ni rre ẹvbo nii. Ukpokpo ne emwa ẹvbo uwa vbe hẹ lele uwa, ọre emwa e Ju vbe hẹ lele iran.

I Tẹsalonaika 2:2

Wa rẹn vbene a ru ima emwi oya hẹ, ne a na vbe fa ima uan vbe Filipai, ma keghi kpao bu uwa gha die Tẹsalonaika. Ọ rhe ye rriọ, Osanobua keghi ye rhie orhiọn ye ima iwu, ne ima ya kpe orhu iyẹn nii ma uwa, a gha rhe miẹn wẹ, vbe adesẹ igbodan nọkhua nọ.

II Tẹsalonaika 2:5

Wa ma ghi ye rre ra? I ta emwi na hia ma uwa ẹghẹ ne I na gha rre ehe ne uwa ye.

II Tẹsalonaika 3:10

Ẹghẹ ne ima na gha rre ehe ne uwa ye, ma ta ẹe ma uwa wẹ, “Ọmwa ne ọ ma ho ne ọ winna, a ghẹ gi ẹe rri evbare.”