I Tẹsalonaika 3:2 - Edo Bible (E Baibol Ẹdo) Version 1996

² Ne ima gie Timoti bu uwa gha dee, ọtẹn mwa, ọmwa ne ọ gu ima winna ne Osanobua vbe ekpa ne ọ na kpe orhu nene Iyẹn Ne ọ maa ọghe Kristi. Ma gi ẹe bu uwa gha dee ne ọ do yi uwa obọ kevbe ne ọ vbe rhie iyobọ ne iyayi uwa.

I Tẹsalonaika 3:2 ပူးပေါင်းရင်းမြစ်များ

Iwinna 16:1

Pọl kegha rrie Dẹbi kevbe Listra. Ovbi iyayi ọkpa ne a tie ẹre Timoti keghi rre evba, iye ẹe ne ọ vbe re ovbi iyayi keghi re Ju sokpan erha ẹe kegha re Grik.

Iwinna 16:5

Avbe esọsi keghi gha ye ọna wegbe sẹ ayọ vbe iyayi, iran na gha muan yọ ẹdẹgbegbe.

Iwinna 18:5

Ugbẹn vbe Sailas kevbe Timoti ghi ke Masidonia rre, Pọl keghi wa ya ẹghẹ ọre hia gha kpe orhu iyẹn ne ọ maa, ọ na gha tama avbe Ju wẹ Jesu ọrọre Mẹzaia.

Ebe ne Pọl gbẹẹn gie emwa Rom 16:21

Timoti ne ima gba winna, wẹ uwa do, kevbe Lusiọs, kevbe Sosipata, avbe Ju ne iho mwa.

I Kọrinti 3:10

Vbe uwu ne I na lo emwi ne Osanobua ya we mwẹ, I keghi bọ owa zẹ vbe ọmwa ne ọ rẹn iwinna ẹsẹse. I keghi gbe ẹyotọ. Ọmwa ọvbehe ọre ọ ghi ra do mu yan rẹn. Sokpan dọmwadẹ ọghọe ghi ye egbe ẹro vbene ọ họ ẹe hẹ.

I Kọrinti 4:17

Rhunmwuda ọnii ọre I ra na gie Timoti bu uwa gha dee. Ọmọ ne ọ ghan kevbe ne ọ gie a mu ẹtin yan, ọre ọ khin mwẹ re vbe uwu Nọyaẹnmwa. Ọ gha ma uwa owẹ ne I vin ne I ru emwi lele vbe ẹdẹ agbọn mwẹ vbe uwu Kristi Jesu, ne I vbe ma emwa re vbe esọsi hia vbe ehe hia.

II Kọrinti 1:1

E Pọl ne ukọ vbene Osanobua ho ẹre yi, kevbe ọtẹn mwa ighẹ Timoti, ọre ọ gbẹn ebe na, gie esọsi Osanobua ne ọ rre Kọrinti kevbe emwa Osanobua hia ni rre Gris.

II Kọrinti 1:19

Rhunmwuda, Jesu Kristi, ne Ovbi Osanobua ne Timoti Sailas kevbe imẹ kpe orhu ẹre ma uwa, ẹ i re ọmwa nọ re “Ẹn” kevbe “Ẹn o.” Sokpan rẹn ọrọre “Erriọ nọ” ọghe Osanobua.

II Kọrinti 2:12

Ẹghẹ ne I na sẹ Troas ne I ya kpe orhu Iyẹn Ne ọ maa Kristi vbe evba, I keghi miẹn wẹ, Nọyaẹnmwa tobọ ẹre kie odẹ ye otọ ne nene iwinna nẹ vbe evba.

II Kọrinti 2:13

Sokpan, ekhọe mwẹ ma sẹ otọ hiehie, rhunmwuda ne I ma na miẹn Ọtẹn mwa ighẹ Taitọs. I keghi rhunmwuda ọnii gbe ọkhian ẹdẹ hia ne iran ni rre evba, I na gha rrie Masidonia.

II Kọrinti 8:23

Zẹ vbe ọ ghe Taitọs, ogieva mwẹ ne ọ gun mwẹ winna nọ ne a ya ye uwa obọ. Zẹ vbe ọghe avbe etẹn nekpa ni lele ẹe dee, emwa ne dọmwadẹ esọsi zẹe iran khin ne iran rhie uyi gie Jesu.

Filipai 1:25

Aro mwẹ wa da ọnọna, rhunmwuda ọnii, te I khian gha rre agbọn, I gha deba uwa hia gha rrọọ, ne I miẹn ehe na rhie ba alaghodaro kevbe oghogho uwa vbe uwu iyayi.

Kọlose 1:1

E Pọl, ọmwa ne ọre ukọ ọghe Kristi vbe ekpa iho ọghe Osanobua, kevbe Timoti, ọre ọ gbẹn ebe na.

Kọlose 1:7

Ẹpafras, ọguọmwadia ne ogieva mwa ne ọ ghan, ne ọ ye ẹko ata winna ne Kristi ọre ọ ma uwa ẹre ne ima.

Kọlose 4:12

Ẹpafras ne ọ vbe re ọkpa vbe uwu uwa, kevbe ne ọ vbe re ọguọmwadia Jesu Kristi we uwa do. Ẹghẹ hia ọre ọ wa ya kakabọ na erhunmwu ne uwa, ọ ghi gha rinmwian Osanobua ne ọ gie uwa mudia gbain, ne uwa si uwan, ne ọ la uwa ekhọe fo, vbe uwu ne a na wa ru iho ẹre.

Kọlose 4:9

Onisimọs, ne ọtẹn mwa ne ekhọe esi, ne ọ ghan ne ọ vbe rre otu uwa, lele ẹe dee. Iran gha tama uwa vbene emwi hia ye hẹ vbe edinran.

I Tẹsalonaika 3:13

Vbenian ọre ọ ra na ye orhiọn uwa wo vbe egbe, wa ghi do gha re ne ọ gbae kevbe ne ọ huanrẹn vbe odaro Osanobua mwa kevbe Erha mwa, vbe ẹghẹ ne Jesu gha na rre, irẹn kevbe iran ni re ọghọe.

I Tẹsalonaika 3:5

Ọnii ọre ọ si ẹe ne I na gie Timoti, I ma ghi sẹtin zin ẹnrẹn, ọ re I na gi ẹe ne ọ do ghe vbene iyayi uwa ghi ye hẹ. Vbene aro na da ẹe, ẹ i sẹtin gha re wẹ, te Esu do danmwẹ uwa ghe, te ẹsọn ne ima miẹn hia wa la ọ rhiae rrie.

II Tẹsalonaika 2:17

Gha ye ẹtin ne ọ la ọmwa iwu, vuọn ekhọe uwa, ne ọ vbe gie uwa wo vbe egbe ne uwa sẹtin gha ta kevbe ne uwa vbe gha ru emwi ne ọ maa.