I Tẹsalonaika 2:6 - Edo Bible (E Baibol Ẹdo) Version 1996

⁶ Ma ma ho ne ọmwa rhọkpa tian ima, ọre uwa nọ, ra emwa ọvbehe.

I Tẹsalonaika 2:6 ပူးပေါင်းရင်းမြစ်များ

Ẹsta 1:4

Uki ehan gbalaka ọ re ọ wa ya gha viọ ẹfe ni rre ẹguae ma emwa deba oyọnyọn kevbe uyi ẹkpẹn ọnrẹn.

Ẹsta 5:11

Ọ keghi gha rhuọ ma iran vbene irẹn fe hẹ, inu emọ ikpia ne irẹn mwẹ vbene ọba vbe rhie irẹn ye ukpo nọkhua hẹ kevbe vbene irẹn mwẹ uyi sẹ emwa ọvbehe hia ni rre ukpo asẹ vbe oga ọba hẹ.

Itan 25:27

Owọn gha bun gbe, ẹ i ghi maa ne ọmwa, erriọ ọ re ọ vbe ye vbe ọmwa a vbe gha ho gbe ne a gha tian irẹn.

Daniẹl 4:30

o keghi kha wẹẹ, “Ghe vbene Babilọn kpọlọ hẹ. Mẹ ọ re ọ bọọ ẹe ya ru igiogbe otọe mwẹ ne I ya rhie ma vbene ẹtin mwẹ kpọlọ sẹ hẹ kevbe iwegbe mwẹ, kevbe ẹtin ọba mwẹ.”

Iyẹn ne ọ Maan Ọghe Jọn 12:43

Rhunmwuda utianmwẹ emwa ne agbọn ọre ọ yẹ iran sẹ utianmwẹ Osanobua.

Iyẹn ne ọ Maan Ọghe Jọn 5:41

“I ma wẹ ne ọmwa tian mwẹ.

Iyẹn ne ọ Maan Ọghe Jọn 5:44

Wa ho ne uwa tobọ uwa gha tian egbe uwa, wa ma ho ne a miẹn ighẹ Osanobua ọkpa kẹkan ne ọ rrọọ ọre ọ tian uwa, vbe uwa a ghi ra na sẹtin yayi hẹẹ?

Iyẹn ne ọ Maan Ọghe Jọn 7:18

Ọmwa ne ọ zẹ ẹmwẹ obọ ẹre ta, uyi egbe ẹre ọ gualọ. Sokpan ọmwa ne ọ ho uyi ọmwa ne ọ gie ẹe ghi gha yin uyinmwẹ ne ọ diae, ẹ i ru ero.

I Kọrinti 11:9

Erriọ vbe nọ, a ma rhunmwuda okhuo yi okpia, sokpan rhunmwuda okpia ọre a na yi okhuo.

II Kọrinti 13:10

Ọnii ọ si ẹe ne I na gbẹn ebe na vbe I i rre ehe ne uwa ye, otọe ẹre nọ wẹ, I gha ghi rre, ne I ghẹ ye obọ ne ọ tọn mu uwa vbe i a gha lo asẹ ne Nọyaẹnmwa rhie mẹ, asẹ ne a rhie mẹ ne I ya ye uwa digiẹ ighẹ ẹ i re ne I ya duẹ uwa sẹ otọ.

II Kọrinti 4:5

Rhunmwuda, ẹ i re egbe ima ma kpe orhu ẹre, ma kpe orhu Jesu Kristi zẹ vbe Nọyaẹnmwa, kevbe ima tobọ mwa zẹ vbe eguọmwadia uwa vbe ekpa Jesu.

Galatia 1:10

Te ọ ghi ye vbe wẹ, te I ho ne emwa ba gha tian mwẹ ma uwa ra? Hiehiere, Osanobua ọ re I ho ne ọ tian mwẹ! Te I ba ho ne emwa hia gha so eni mwẹ nọ ma ra? Akpawẹ vberriọ ọre I ru, I ghẹ ghi sẹtin gha re ọguọmwadia Kristi.

Galatia 5:26

Ọ ma kei ne ima gha tọn egbe mu ra ne a gha ho egbe ẹmwẹ ra ne oya egbe gha da egbe.

Galatia 6:13

Iran tobọ iran ni rhuẹ re, iran i ru vbene nene Uhi khare. Iran ho ne a rhuẹ uwa, ne iran miẹn ya gha rhuọ wẹ, wa yobọ ye ẹmwẹ iwinna ikinnegbe na.

I Tẹsalonaika 2:9

Ẹ i mwẹ ne uwa ghẹ yerre etẹn mwẹ, vbene ima winna miẹn ẹsọn hẹẹ. Asọn kevbe avan, ọre ima ya gha winna ne ima ghẹ miẹn ehe na gha re emwi idobọ ne uwa, vbe ẹghẹ ne ima na kpe orhu nene Iyẹn Ne ọ maa ma uwa.

I Timoti 5:17

Avbe ediọn ni winna iwinna esi, zẹ vbe ọkaolotu, ọ kere ne a gha ka iran ye emwa ne ọ ke re ne ọ miẹn igho ukhukhu eva, kpataki iran ni winnaẹn ẹsẹse vbe orhu ne a kpe kevbe emwi ne a ma emwa ẹre.