I Tẹsalonaika 2:1 - Edo Bible (E Baibol Ẹdo) Version 1996

¹ Rhunmwuda, wa tobọ uwa rẹnrẹn etẹn mwẹ, wẹ otuẹ ne ima mu rrie ehe ne uwa ye i re ọghe akuọkan.

I Tẹsalonaika 2:1 ပူးပေါင်းရင်းမြစ်များ

Job 39:16

Ọ ghi gha ru vbene a miẹn wẹ ẹ i re irẹn ọ re ọ yan ekẹn nii, a ma wẹ te ọ ra zẹyọ wẹ te a mu irẹn ẹghẹ rhia.

Psalm 127:1

A deghẹ Nọyaẹnmwa ma bọ owa, te iran ni bọ ẹe winna kẹkan. A deghẹ Nọyaẹnmwa ma rhie ẹvbo lẹre, te iran ni khẹ odẹ khẹ ọre kẹkan.

Psalm 73:13

Te imẹ ghi wa da egbe mwẹ yi kua kẹkan ra? vbe ne I ima na ru orukhọ?

Aizaia 49:4

Mẹ keghi kha wẹẹ, “I te winna, sokpan ọ ma dinnodẹ hiehiere. I wa lo ẹtin mwẹ, sokpan, a ma miẹn emwi ọkpa rhie ke ọe rre.” Sevba, mẹ ye mwẹ amuẹtinyan wẹ e Nọyaẹnmwa gha ta ene unu mwẹ ọ gha san mwẹ ẹse iwinna ne I winna ẹn.

Aizaia 65:23

Emwi ne iran ru gha wa gha dinna odẹ, ọkhọ i ra vbe sunu vbe egbe ivbi iran, i gha fiangbe iran kevbe uniẹn ivbi iran ni dee ẹdẹdẹmwẹdẹ.

Habakọk 2:13

Avbe ẹvbo ne uwa khọn mu gha rri ororo rhunmwuda iwinna ẹhorriẹ ne uwa ya iran winna, emwi hia ne iran te bọ khian ne ọ la erhẹn rrie. E Nọyaẹnmwa ne Oghodua ọ re ọ ru ọna.

I Kọrinti 15:10

Sokpan vbe ekpa ẹsọhẹ Osanobua ọre I na re emwi ne I khin na, ẹsọhẹ ne ọ rhie mẹ, a ma vbe muẹn rhia. Vbe ẹmwata, mẹ kakabọ winna sẹ avbe ukọ nekpa hia, a gha rhe miẹn wẹ ẹ i re ẹtin obọ mwẹ vbe ẹ i re ẹsọhẹ Osanobua ne ọ yaba mwẹ winna.

I Kọrinti 15:2

Ọnii nọ wẹ iyẹn ne ọ maa, ẹmwẹ ne I kpe orhu ẹre ma uwa. Iyẹn Ne ọ maa na ọre a ya miẹn uwa fan, a deghẹ wa daeyi gbangbaangban, sokpan a ma gha kha ighẹ te uwa yayi kua kẹkan.

I Kọrinti 15:58

Rhunmwuda ọnii nian, wa ne etẹn mwẹ, wa mudia gbain vbe ne a i na vbọ owẹ. Wa tua obọ ye iwinna ne uwa winna ne Nọyaẹnmwa, ugbẹn vbe uwa rẹn nẹ nian wẹ, iwinna ne uwa winna vbe uwu ugamwẹ Nọyaẹnmwa, ọkpa ne ẹ i mwẹ esa, ẹ i rrọọ.

II Kọrinti 6:1

Vbe uwu iwinna ne ima vbe Osanobua gba winna, ma rinmwian uwa khekherriọ, wa miẹn ẹsọhẹ Osanobua rhie nẹ, wa ghẹ i gi ẹe gha re ne a mu rhia.

Galatia 2:2

Te I gha khian, rhunmwuda ighẹ Osanobua rhie ma mwẹ ne I gha khian. Ugbẹn vbe imẹ vbe avbe ọkaolotu ghi si egbe uma, I keghi rhan otọ iyẹn ne ọ maa ne I kpe orhu ẹre ma iran ne ẹ i re Ju, ma iran. I ma ho ne iwinna ne I ka winna nẹ, ra ne iwinna vbe obọ na, khian ne ọ la ọrhiae rrie.

Galatia 4:11

Afianma uwa fian mwẹ. Ọnii rhie maa ighẹ ẹsọn ne I miẹn ne uwa, te I miẹn ọẹn kua?

Filipai 2:16

Wa gha ru vberriọ, wa gha gun mwẹ ya zọmọ vbe Ẹdẹ Kristi, rhunmwuda ọ gha rhie maa wẹ edomian kevbe iwinna mwẹ, ẹ i re ne a mu rhia.

I Tẹsalonaika 2:13

Ọna ọre emwi ne ọ vbe si ẹe ne ima na rhie ekpọnmwẹ ne Osanobua vbe ẹghẹ hia. Ugbẹn vbe ima do kpe orhu ẹmwẹ Osanobua mwa uwa, wa họn ẹn, wa keghi vbe miẹn ẹnrẹn ye ehọ, ẹ i re zẹ vbe ẹmwẹ emwa ne agbọn kẹkan, sokpan zẹ vbe ẹmwẹ Osanobua ne ọ gele khin. Rhunmwuda Osanobua rre uwu ẹbu uwa ni yayi winna.

I Tẹsalonaika 3:5

Ọnii ọre ọ si ẹe ne I na gie Timoti, I ma ghi sẹtin zin ẹnrẹn, ọ re I na gi ẹe ne ọ do ghe vbene iyayi uwa ghi ye hẹ. Vbene aro na da ẹe, ẹ i sẹtin gha re wẹ, te Esu do danmwẹ uwa ghe, te ẹsọn ne ima miẹn hia wa la ọ rhiae rrie.

II Tẹsalonaika 1:10

Ẹdẹ ne ọ gha rre nii, ne ọ do rhan obọ miẹn uyi vbe obọ emwa rẹn, kevbe ọghọ vbe obọ iran ni yayi, wa tobọ uwa gha vbe gha rre evba, rhunmwuda, wa ya ikporhu ne ima kpe ma uwa yi.

II Tẹsalonaika 3:1

Vbe okiekie ehia etẹn mwẹ, wa gha na erhunmwu ne ima, ne ẹmwẹ Nọyaẹnmwa miẹn ehe na sẹtin zẹgiẹ gha vẹ khian, ne ọ vbe gha mwẹ uyi zẹ vbe ne ọ gha ye vbe ehe ne uwa ye.