I Tẹsalonaika 1:8 - Edo Bible (E Baibol Ẹdo) Version 1996

⁸ Rhunmwuda, wa rhie ẹmwẹ Nọyaẹnmwa gha rrie Masidonia kevbe Gris, a keghi vbe họn ẹmwẹ iyayi uwa vbe uwu Osanobua vbe ehe hia. Ẹmwẹ ọvbehe ne ima ghẹ ghi vbe ta i ghi rrọọ.

I Tẹsalonaika 1:8 ပူးပေါင်းရင်းမြစ်များ

Ẹksọdọs 18:9

E Jẹtro ghi họn ena hia, ẹko keghi rhiẹnrhiẹn ọẹn.

Aizaia 2:3

Emwa iran ghi vbe gha kha wẹẹ, “Wa gie ima hin oke e Nọyaẹnmwa gha rrie Ọgua Osa ọghe Osanobua Izrẹl ọ gha ma ima emwi ne ọ ho ne ima ru, ma gha lele odẹ ne ọ zẹ gha khian. Rhunmwuda, e Jerusalẹm ọ re Nọyaẹnmwa ke ma ọmwa emwi rre, e Zaiọn ọ re ọ ke gu emwa rẹn guan rre.”

Aizaia 52:7

U miẹn vbene ọ mose hẹ ne a bẹghe ọmwa ne a gie ẹre uhunmwu vbe ọ fian avbe oke ni rra dee do na iyẹn ne ọ maa, iyẹn ọfumwegbe! Ọ ya akhọnmiotọ wewe, ọ keghi tama Zaiọn wẹẹ, “Osanobua ọrọre ọba!”

Aizaia 66:19

iran ghi vbe rẹn wẹ mẹ ọ re ọ rri iran oya. Sokpan, I gha sẹ eso rae vbọ, I ghi viọ iran gha rrie ẹvbo urria, iran ni ma he họn otiti mwẹ ra ne iran miẹn ukpọlọmwẹ kevbe ẹtin mwẹ. Avbe e Spen, e Libya kevbe Lidia ne emwa ni guara fi uhanbọ, kevbe gha rrie Tubal kevbe Gris. Iran gha ya na iyẹn ukpọlọmwẹ mwẹ ma avbe uhunmwu ẹvbo na.

Iwinna 18:12

A ghi ma Galio ne ọ khaemwisẹ ne ovbi e Rom yan Gris nẹ, avbe Ju keghi si uma, iran keghi mu Pọl, iran na si ẹe gha rrie iko.

Ebe ne Pọl gbẹẹn gie emwa Rom 1:8

Vbe okaro I kpọnmwẹ Osanobua mwẹ ne uwa hia vbe kpa Jesu Kristi rhunmwuda, uhunmwu otọ agbọn hia wa họn ẹmwẹ iyayi uwa.

Ebe ne Pọl gbẹẹn gie emwa Rom 15:26

Rhunmwuda, avbe esọsi ni rre Masidonia kevbe Gris ya ẹkoata zẹ emwi obọ ne iran ya ye ivbi ogue ni rre uwu emwa Osanobua ni rre Jerusalẹm obọ.

Ebe ne Pọl gbẹẹn gie emwa Rom 16:19

Agbọn hia họn ẹn vbene uwa rhie egbe ye ẹmwẹ iyẹn ne ọ maa hẹ, rhunmwuda ọna, ọyẹnmwẹ uwa keghi sẹ mwẹ. I ho ne uwa gha re ni wan vbe uwu emwi ni maa sokpan ne ọ ma rẹn ne a ye vbe emwi dan.

I Kọrinti 14:36

Ra wa ọre ọ ya ẹmwẹ Osanobua rre? Ra wa ọkpa ọre ọ ta ẹe ma?

II Kọrinti 2:14

Sokpan, ekpọnmwẹ nọ ne Osanobua, rhunmwuda, vbe a kugbe ba Kristi, Osanobua ghi gha viọ ima khian zẹ vbe oghunmwu vbe uwu emwa ne Kristi viọ rre vbe okuo ne ọ na khọn miotọ. Zẹ vbe ori ne ọ winhin ne ọ gba ehe hia, Osanobua lo ima ya ye Kristi khian ne emwa hia rẹnrẹn.

II Kọrinti 3:4

Ma tae vbe nian, rhunmwuda ma la ekpa Kristi mu ẹtin yan Osanobua.

Kọlose 3:16

Wa gie ikporhu Kristi ke ẹe kevbe uvuọnmwẹ ọnrẹn gha rre ekhọe uwa. Wa gha ye ẹwaẹn ma egbe emwi, ne uwa vbe gha ya ẹe bu egbe ude. Wa gha ye Psalm so ihuan, wa gha so ihuan kevbe ihuan ni huanrẹn, wa gha ye ekhọe oghọghọ so ihuan ghe Osanobua uwa.

II Tẹsalonaika 1:4

Ọnii ọre ọ si ẹe ne ima tobọ ima na ye uwa ghagha vbe esọsi Osanobua hia. Ma ghi gha ya ẹe ghan ighẹ vbene uwa ziengbe oya hẹ, ne uwa na vbe yayi vbe uwu a zẹ ọmwa kpokpo, kevbe oya ne uwa re ẹghẹ na.

II Tẹsalonaika 3:1

Vbe okiekie ehia etẹn mwẹ, wa gha na erhunmwu ne ima, ne ẹmwẹ Nọyaẹnmwa miẹn ehe na sẹtin zẹgiẹ gha vẹ khian, ne ọ vbe gha mwẹ uyi zẹ vbe ne ọ gha ye vbe ehe ne uwa ye.

I Timoti 2:8

I ho ne ikpia hia gha na erhunmwu vbe ehe hia, emwa ni ye egbe yan Osanobua, emwa ni gha sẹtin viọ obọ iran da odukhunmwu vbe ne a i na mu ohu kevbe ne a i na muan ẹmwẹ.

II Timoti 2:9

Rhunmwuda ighẹ I kpe orhu nene Iyẹn Ne ọ maa, oya i ghi re, u hin ighẹ te a ghi guọ eghan yọ mwẹ obọ, zẹ vbe izigan. Sokpan a ma ya eghan mu ẹmwẹ Nọyaẹnmwa gba.

III Jọn 1:12

Emwa hia ọre ọ wa na iyẹn Demetriọs ne ọ maa, ẹmwata tobọ ẹre vbe ta ẹmwẹ ọnrẹn ne ọ maa. Ma keghi vbe rhie osẹe ima ba ẹre, wa tobọ uwa rẹnrẹn wẹ, ẹmwẹ ne I ma ta, ẹmwata nọ.

Arhie Maan 14:6

Ẹghẹ Nii ọre I na bẹghe odibosa ọkpa, ọ wa tin khian vbe odukhunmwu gba an, irẹn kevbe Iyẹn Ne ọ maa ọghe ẹdẹdẹmwẹdẹ, ne ọ ra na ma emwa ne agbọn, kevbe dọmwadẹ uhunmwu ẹvbo kevbe ẹwae, kevbe ẹvbo ne azẹ kevbe emwa.

Arhie Maan 22:17

Orhiọn kevbe Ọha khare wẹ, “Gha dee!” Ọmwa ne ọ rhirhi họn ẹmwẹ na, ẹ i mwẹ ọ ma kha wẹ, “Gha dee!” Ọmwaikọmwa ne ohanmwẹ amẹ gbe gha dee, do rhie amẹ ẹfe na vbe ọghe ọhẹ, ọmwa ne ọ rhirhi khọn.