I Tẹsalonaika 1:7 - Edo Bible (E Baibol Ẹdo) Version 1996

⁷ Wa keghi do khian ne emwa ni yayi hia ni rre Masidonia kevbe Gris ghi ghe ru.

I Tẹsalonaika 1:7 ပူးပေါင်းရင်းမြစ်များ

Iwinna 1:13

Iran la Jerusalẹm, iran kegha rrie owa ne iran dia: Pita, Jọn, Jems, kevbe Andru, Filip kevbe Tọmọs kevbe Batolomiu kevbe Matiu, Jems ne ovbi Alfiọs, Saimọn, ne ọya a ya sinmwi ẹvbo ọmwa, kevbe Judas ne ovbi e Jems.

Iwinna 16:12

Ma keghi vbe ke evba la uwu ẹre gha rrie Filipai, ẹvbo ne ọ rre ototọ Rom. Ma gbe sẹ omwa ikpẹdẹ eso vbe ẹvbo nii.

Iwinna 18:1

Vbe iyeke emwi na na, Pọl keghi kpao vbe Atẹns rre, ọ na gha rrie Kọrinti.

Iwinna 18:12

A ghi ma Galio ne ọ khaemwisẹ ne ovbi e Rom yan Gris nẹ, avbe Ju keghi si uma, iran keghi mu Pọl, iran na si ẹe gha rrie iko.

Iwinna 19:21

Emwi na ghi sunu nẹ, Pọl na wẹ rẹn ra khian lele Masidonia kevbe Gris ne ọ vbe la odọ gha rrie Jerusalẹm. Ọ keghi kha wẹ, “I gha sẹ evba nẹ, I gha vbe sẹ e Rom.”

Ebe ne Pọl gbẹẹn gie emwa Rom 15:26

Rhunmwuda, avbe esọsi ni rre Masidonia kevbe Gris ya ẹkoata zẹ emwi obọ ne iran ya ye ivbi ogue ni rre uwu emwa Osanobua ni rre Jerusalẹm obọ.

II Kọrinti 1:1

E Pọl ne ukọ vbene Osanobua ho ẹre yi, kevbe ọtẹn mwa ighẹ Timoti, ọre ọ gbẹn ebe na, gie esọsi Osanobua ne ọ rre Kọrinti kevbe emwa Osanobua hia ni rre Gris.

II Kọrinti 9:2

Mẹ rẹnrẹn wẹ wa ho ne uwa ru iyobọ, I vbe ye uwa rhuọ ma esọsi ne ọ rre Masidonia nẹ, I na tama iran, “Ne ukpo gha dee ọre etẹn mwa ni rre Gris ghi mu egbe ne iran ya ru iyobọ.” Isasegbe uwa keghi rhie isasegbe ne ni bun vbe uwu iran.

I Tẹsalonaika 1:8

Rhunmwuda, wa rhie ẹmwẹ Nọyaẹnmwa gha rrie Masidonia kevbe Gris, a keghi vbe họn ẹmwẹ iyayi uwa vbe uwu Osanobua vbe ehe hia. Ẹmwẹ ọvbehe ne ima ghẹ ghi vbe ta i ghi rrọọ.

I Tẹsalonaika 4:10

Erriọ zẹẹ ọre uwa vbe gha yin ghe etẹn hia ni rre Masidonia. Te ima ghi rinmwian uwa na etẹn, ne uwa ru ne ọ sẹ ọnii.

I Timoti 4:12

Ghẹ gie ọmwarhọkpa ye aro tila ruẹ a rhunmwuda ighẹ ọvbokhan u khin, sokpan gha re igiemwi ne eni yayi hia, vbe ẹmwẹ ne u guan, uyinmwẹ ruẹn, aho ẹmwẹ ọmwa ruẹn, iyayi kevbe a i mwẹ iruẹn.

Taitọs 2:7

Wẹ tobọ ruẹ gha re igiemwi vbe uwu iwinna esi hia. U ghi mu aro yọ ne u vbe gha ta ẹmwata vbe u a gha ma emwa emwi.

I Pita 5:3

Ghẹ gha ho ne u gha khaemwisẹ yan iran ne a viọ nuẹn ne u gha gbe aro ghe, sokpan gha re ne a ghe ru ne oghẹn ohuan.