I Tẹsalonaika 1:3 - Edo Bible (E Baibol Ẹdo) Version 1996

³ Rhunmwuda, ma yerre vbe odaro Osanobua kevbe Erha mwa, vbene uwa ye iyayi uwa ru emwi hẹẹ, vbene aho ẹmwẹ ọmwa uwa ye uwa winna ẹsẹse hẹẹ, kevbe ne idaehọ uwa vbe uwu Nọyaẹnmwa Jesu Kristi ye gbain hẹ.

I Tẹsalonaika 1:3 ပူးပေါင်းရင်းမြစ်များ

Gẹnẹsis 29:20

E Jekọb keghi ya ukpo ihinrọn ga ye Rekiẹl, ọ keghi yevbe ikpẹdẹ eso vbe aro ẹre rhunmwuda ọ ho ẹmwẹ ọnrẹn.

Asan-Ibo 2:26

Osanobua ọ re ọ rhie ẹwaẹn, irẹnmwi kevbe ọyẹnmwẹ ne emwa ne ọ ru ne ọ yẹ ọre, sokpan, ọ ghi ya emwa orukhọ gha winna, iran ghi miẹn igho, iran ghi ya ẹe gbakhua hinrre, ne a miẹn ehe na viọ okhuan ne iran khuaẹn ne emwa ni ru ne ọ yẹ ọ re. Ena hia i maa, te ọ yevbe ne a khu ẹhoho khian.

Ihuan Ne Ọ Sọọ Ihuan Hia 8:7

Amẹ i sẹtin dọ ẹre yọ, a i miẹn orogho ne ọ sẹtin lẹ rhu ẹe sokpan ọmwa gha kha wẹ, rẹn gha ya igho ẹre dẹ ahoẹmwọmwa, amẹ isikan ne a kpe ku ọmwa ọrọre emwi ne ọ ra miẹn vbọ.

Iyẹn ne ọ Maan Ọghe Jọn 14:15

“Deghẹ wa ho ẹmwẹ mwẹ, wa gha họn ẹmwẹ mwẹ.

Iyẹn ne ọ Maan Ọghe Jọn 15:10

Wa gha da uhi mwẹ yi, wa ghi gha rre uwu ahoẹmwọmwa mwẹ zẹ vbene imẹ da uhi Erha mwẹ yi ne imẹ na vbe gha rre uwu ahoẹmwọmwa rẹn.

Iwinna 10:31

ọ wẹẹ, ‘Kọniliọs, Osanobua họn erhunmwu ruẹn nẹ, ọ vbe ye iwinna itohan ruẹn rre.

Iwinna 3:19

Rhunmwuda ọnii nian, wa roiro fi uyinmwẹ werriẹ, wa bu Osanobua gha dee, ne ọ miẹn ehe na kpe orukhọ uwa hia kua.

Ebe ne Pọl gbẹẹn gie emwa Rom 12:12

Wa gie idaehọ ne uwa mwẹ gha ye ọyẹnmwẹ sẹ uwa vbe ẹghẹ hia, wa gha ziengbe vbe ẹghẹ ọlọghọmwa, wa ghi vbe gha na erhunmwu vbe ẹghẹ hia.

Ebe ne Pọl gbẹẹn gie emwa Rom 15:13

Te Osanobua obọ ọmwa ne idaehọ hia ke rre gha ya oghogho kevbe ọfumwegbe vuọn uwa, vbekpa iyayi ne uwa mwẹ vbe uwu irẹn, ne idaehọ uwa miẹn ehe na gha muan yọ vbekpa ẹtin Orhiọn Ne Ọ Huanrẹn.

Ebe ne Pọl gbẹẹn gie emwa Rom 15:4

Rhunmwuda emwi hia ne a gbẹn ye nene Ebe, te a gbẹn ọẹn ne a ya ma ima emwi, ne ima sẹtin la ekpa izinebe kevbe ẹtin ne Ebe rhie ye ọmwa iwu, gha mwẹ idaehọ.

Ebe ne Pọl gbẹẹn gie emwa Rom 16:26

Vbene ọ rhirhi gha ye hẹ, banbanna nian, a rhie ẹmwata ni ladian azagba nẹ la ekpa emwi ne avbe akhasẹ gbẹnnẹ, kevbe zẹ vbe ne Osanobua etẹbitẹ yi ẹre iyi, a rhie ẹre ma uhunmwu ẹvbo hia nẹ, ne emwa hia miẹn ehe na yayi, ne iran vbe gha ya ẹe ru emwi.

Ebe ne Pọl gbẹẹn gie emwa Rom 16:6

Wa we Meri dọ, ọmwa ne ọ mobọ winna ye uwa.

Ebe ne Pọl gbẹẹn gie emwa Rom 2:7

Emwa eso rrọọ ni winna iwinna esi khian, iran ghi gha gualọ uyi, kevbe ọghọ, kevbe ẹfe etẹbitẹ, Osanobua gha rhie ẹfe etẹbitẹ ne iran.

I Kọrinti 13:13

Wanwanna, iran eha ọre ọ rrọọ, iyayi, idaehọ, kevbe aho ẹmwẹ ọmwa, ne ọ sẹ re vbe uwu iran eha na ọrọre aho ẹmwẹ ọmwa.

I Kọrinti 15:58

Rhunmwuda ọnii nian, wa ne etẹn mwẹ, wa mudia gbain vbe ne a i na vbọ owẹ. Wa tua obọ ye iwinna ne uwa winna ne Nọyaẹnmwa, ugbẹn vbe uwa rẹn nẹ nian wẹ, iwinna ne uwa winna vbe uwu ugamwẹ Nọyaẹnmwa, ọkpa ne ẹ i mwẹ esa, ẹ i rrọọ.

II Kọrinti 2:17

Ma i ye vbe emwa ọvbehe ne ọ ye obọ mu ẹmwẹ Osanobua vbene a miẹn wẹ emwi ne ọ ro puẹkẹ nọ, sokpan rhunmwuda wẹ Osanobua gie ima nẹ, ma kegha ye ẹkoata ta ẹe vbe odaro ẹre zẹ vbe eguọmwadia Kristi.

Galatia 1:4

Ne ọ miẹn ehe na fan ima vbe obọ orre dan na, Kristi keghi ye egbe ẹre miẹn orukhọ mwa, zẹ vbe iho ọghe Osanobua kevbe Erha mwa.

Galatia 5:13

Zẹ vbe ọghe uwa, etẹn mwẹ, te a tie uwa la hin uwu ọviẹn rre, sokpan wa ghẹ gie ẹmwẹ egbe mwẹ I gue na, gha re ne uwa gha mu zẹ asa ne emwi ne egbe uwa guẹe, gha na maghan uwa. Sokpan wa gie aho ẹmwẹ ọmwa gha ya uwa ga egbe.

Galatia 5:6

Rhunmwuda, ma gha kugbe ba Kristi Jesu nẹ, a rhuẹ, ra ma rhuẹ, i ghi mwẹ esa ne ọ ye, emwi ne a kha ọrọre iyayi ne ọ winna vbe ekpa aho ẹmwẹ ọmwa.

Galatia 6:9

Rhunmwuda ọnii, wa ghẹ gie egbe emwi esi ne a ru wọ uwa, rhunmwuda, a deghẹ, a ma zobọ vbọ ẹghẹ dee ne ima gha na rri ere ẹre.

I Tẹsalonaika 3:6

Banbanna nian, e Timoti ke ehe ne uwa ye rre do vba ima nẹ, ọ keghi vbe do na iyẹn esiesi ọghe iyayi kevbe aho ẹmwẹ ọmwa uwa. Ọ tama ima wẹ, ẹko ima wa ma uwa ẹghẹ hia, kevbe wẹ, vbene ima ho ne ima miẹn uwa, erriọ wa vbe ho ne uwa miẹn ima.

II Tẹsalonaika 1:11

Ọna ọ si ẹe ne ima na na erhunmwu ne uwa vbe ẹghẹ hia. Ma ghi rinmwian wẹ ne Nọyaẹnmwa gie uwa gha re emwa ni ke ye uyinmwẹ ne ọ tie uwa yi, ne uwa do gha yin. Te irẹn gha ye ẹtin ẹnrẹn mu emwi ne uwa ho hia ni maa sẹ, ne ọ ru ẹe fo ighẹ iwinna iyayi uwa.

II Tẹsalonaika 1:3

Te ima gha kpọnmwẹ Osanobua ne uwa vbe ẹghẹ hia etẹn mwẹ. Ọ kere ne ima gha ru vberriọ, rhunmwuda, iyayi uwa wa mobọ wan yọ, kevbe aho ẹmwẹ ọmwa ne uwa mwẹ ghe egbe, wa vbe mu otọ yọ.

I Timoti 1:14

Nọyaẹnmwa keghi wa tue ẹsọhẹ ọre ọrhẹnrhẹn yan mwẹ, ọ keghi rhie mẹ ighẹ iyayi kevbe aho ẹmwẹ ọmwa ne ọre ogho mwa vbe uwu a ya egbe ba Kristi Jesu.

I Timoti 2:3

Ọna maa, ọwa vbe yẹ Osanobua ne Ọmiọnmwafan mwa.

Hibru 10:36

Te uwa gha mwẹ iziengbe, erriọ ọre uwa gha na sẹtin winna iwinna Osanobua, ne emwi ne ọ ve gha na sẹ uwa obọ.

Hibru 11:17

Iyayi ọre ọ ya Ebraham ya Aizik ne ovbi ẹre zọ ese vbe Osanobua danmwẹ Ebraham ghe. Ebraham ọrọre ọmwa ne Osanobua ve ẹre emwi, sẹ evba, ọ keghi wa ye mu egbe ne ọ ye ovbi ẹre ne ukpọmọkpa zọ ese.

Hibru 13:21

Osanobua ọfumwegbe ne ọ viọ emwi ni maa hia ne uwa ho ne uwa, vbe ne uwa gha na sẹtin ru vbene irẹn ho, kevbe ne ọ vbe la ekpa Jesu Kristi ru emwi ne ọ yẹ ọre vbe uwu ima. Jesu Kristi ọre uyi gha rrọọ na ẹdẹ kevbe ẹdẹdẹmwẹdẹ! Isẹ.

Hibru 4:11

Rhunmwuda ọnii, wa gie ima ziga ne a la owa ya gu Osanobua hẹwẹ. Wa ghẹ gie ima rhọkpa yin ehọ, zẹ vbe ne iran ru ne iran ma na ghi la owa.

Hibru 6:15

Ebraham mwẹ iziengbe, rhunmwuda ọnii emwi ne Osanobua ve keghi sẹ ọre obọ.

I Pita 3:4

Sokpan, ọ kere ne ose uwa gha re ọghe ekhọe ọmẹhẹ ne khuẹrhẹ, ne ọ re emwi ighobioye vbe odaro Osanobua.

I Jọn 3:18

Ivbi mwẹ, ọma kei ne aho ẹmwẹ ọmwa ima gha re ọghe ẹmwẹ unu kevbe etalọ, ọ kere ne ọ gha re aho ẹmwẹ ọmwa ẹmwata, ne a la ekpa uyinmwẹ rẹn.

I Jọn 3:21

Rhunmwuda ọnii, wa ne ọse mwẹ ni ghaan, a deghẹ orhiọn mwa ma bu abe gbe mwa, ẹtin ghi gha rre ima iwu vbe odaro Osanobua.

I Jọn 3:3

Ọmwaikọmwa ne ọ mwẹ idaehọ na vbe uwu Kristi, ọ gha da egbe ẹre yi vbe ne ẹ i mwẹ iruẹn, zẹ vbene Kristi vbe re ne ẹ i mwẹ iruẹn.

I Jọn 5:3

Rhunmwuda emwi ne a ya ahoẹmwẹ Osanobua kha ọre ọna khin, ọ rhie maa ima wẹ, ma ru vbene iyi ne irẹn yi khare. Iyi ne ọ yi, i vbe re ne ọ lọghọ ne ima gbe.

Arhie Maan 2:19

I rẹn emwi ne u ru. I rẹn aho ẹmwẹ ọmwa ruẹn, a mu aro ye iwinna ruẹn, ugamwẹ ne u ga, kevbe i ziengbe ruẹ. I rẹnrẹn wẹ ẹghẹ na ọ re u hia sẹ vbene u te ka gha ru vbe okaro.

Arhie Maan 3:10

Rhunmwuda ighẹ u rhie iyi ne I yi ne uwa, wẹ ne uwa ziengbe, mẹ gha vbe rhie ruẹ lẹre vbe ne a i na mwẹ ẹbe hin obọ ẹghẹ ọlọghọmwa, ne ọ ra do hihiẹ yan uhunmwu otọ agbọn hia, ne a ya danmwẹ emwa hia ni rre agbọn ghe.