I Samuẹl 9:9 - Edo Bible (E Baibol Ẹdo) Version 1996

^9-11 E Sọl keghi wanniẹn wẹẹ, “Iro esi u zẹẹ! Gie a gha khian.” Ẹre iran na gha rrie ẹvbo ne ọmwa ne ọ huanrẹn nii ye. Iran ghi mu oke hin rrie ẹvbo nii, iran keghi miẹn ibiẹka ikhuo ni tuorre dee, iran ra do sa amẹ. Iran keghi nọ avbe ibiẹka ikhuo nii wẹẹ, “Ọbiro rre owa ra?” (Ẹkpo nẹdẹ, ọmwa gha te ra nọọn Osanobua emwi, ọ ghi kha wẹẹ, “Wa gia gha rrie ọghe ọbiro.” Rhunmwuda ẹghẹ nii, ọbiro ọre a tie avbe akhasẹ).

I Samuẹl 9:9 ပူးပေါင်းရင်းမြစ်များ

Gẹnẹsis 25:22

Ivin eva, ọre ọ gha hanmwa. Vbe a te biẹlẹ iran, iran kegha gu egbe khọn vbe ẹko ẹre, rẹn keghi kha wẹẹ, “Vbọzẹ ne ọna na sunu vbe egbe mwẹ yi?” Rẹn keghi na erhunmwu ghe Nọyaẹnmwa wẹẹ ne ọ rhie e wanniẹn ne irẹn.

II Samuẹl 24:11

Ẹre Nọyaẹnmwa na tama akhasẹ ighẹ Gad ne ọbiro e Devid wẹẹ, “Ya tama e Devid wẹ emwi eha ọre I ra viọ ne ẹẹn ne ọ zẹ vbọ, ne ọ ghi zẹ vbọ ọ re I khian ru.” E Devid ghi rhiọrre vbe owiẹ ne ọ lele ẹe,

II Ọba 17:13

E Nọyaẹnmwa gie avbe odibo ẹre kevbe avbe akhasẹ ne a tama Izrẹl kevbe Juda wẹẹ, “Wa la hin odẹ dan ne uwa la khian rre, ne uwa gha ru vbene I khare zẹ vbene ọ rre uwu uhi ne I rhie ne avbe erha uwa odede, ne I vbe rhie ne avbe akhasẹ ne eguọmwadia mwẹ rhie ye uwa obọ.”

I Krọnikol 21:9

Ẹre Nọyaẹnmwa na khama e Gad ne akhasẹ e Devid wẹẹ,

I Krọnikol 26:28

E Sielomit kevbe ẹgbẹe ọre, ọ re ọ gha gbe aro ghe avbe emwi ne a ya fi ohan ne a gha lo vbe Ọgua Osa, ya deba avbe emwi ne Samuẹl ne akhasẹ hẹ rre, ne a Sọl viọ rre kevbe ne Abna ne ovbi e Nẹẹ, kevbe ne Joab ne ovbi e Zeruaia.

I Krọnikol 29:29

A gbẹn okha arriọba e Devid, ke omuhẹn ya sẹ ufomwẹ ọnrẹn ye avbe ebe eha, e Samuẹl, e Natan kevbe Gad.

I Krọnikol 9:22

Vbe uwu ehia, inu emwa ne a zẹe ne iran gha re ọgbalegbe onurho kevbe ehe ne a la la owa ke gha re uri ọkpa vbe vbe iweva (212). A keghi gbennẹẹn eni iran ye otọ zẹ vbene iran ya rre dọmwadẹ igue. E Devid ne Ọba kevbe e Samuẹl ne akhasẹ ọ re ọ viọ iran ye ukpo adazẹ na.

II Krọnikol 16:10

Ọna keghi ya ohu akhasẹ nii mu Asa sẹrriọ ne a na wẹ ne a ya ọgiọrọ rrọ ẹre. Ẹghẹ na ọ re Asa na suẹn gha ru emwa eso vbe uwu emwa ni emwi ne ọ wegbe.

II Krọnikol 16:7

Vbe ẹghẹ nii, e Hanani ne akhasẹ keghi bu Asa ne ọba gha khian, ọ tama rẹn wẹẹ, “Rhunmwuda ne u na mu ẹtin ya ivbiyokuo e Siria vbe ne u gha na te mu ẹtin yan e Nọyaẹnmwa, ivbiyokuo ọba Izrẹl lẹ ruẹ fe nẹ.

Aizaia 29:10

E Nọyaẹnmwa ru ẹe nẹ, ne uwa gha vbiẹhunde, te ovbe ghi ra gbele uwa kua na. Avbe akhasẹ ọ re ọ te kei ne ọ gha re aro emwa nii, sokpan, Osanobua rhu iran aro nẹ.

Aizaia 30:10

Iran ghi khama avbe akhasẹ wẹ ne iran gue unu. Iran ghi kha wẹẹ, “Ghẹ ta ẹmwẹ emwi ne ọ re nọgbae ma ima. Ta emwi ne ima ho ne ima họn ma ima, gie ima hẹko gha dada ebibi ekhọe mwa khian.

Emọs 7:12

Ẹre Amezaia ghi na khama Emọs wẹẹ, “Ọnii sẹe, akhasẹ, gha rri Juda ne u ya gha kpe orhu vbe odọ.

I Kọrinti 12:17

Akpawẹ ikinnegbe ima hia ighẹ aro wa nọ, de emwi ne ima ghẹ ghi ya gha họn ẹmwẹ yi? Akpawẹ ehọ wa nọ, vbe a ghẹ ghi ya gha họn ẹwia hẹ?

Giọgis 1:1

Ugbẹn vbe Jọsua ghi wu nẹ, ivbi Izrẹl nọ e Nọyaẹnmwa wẹẹ, “De ẹwae ne ọ gha ka gha khian ne ọ ya gu ivbi Kenan gbinna vbe uwu ima?”

Giọgis 18:5

Iran keghi tama rẹn wẹẹ, “Lahọ, nọ Osanobua a deghẹ okhian ne ima rrie na gha de ẹse.”