I Samuẹl 9:6 - Edo Bible (E Baibol Ẹdo) Version 1996

⁶ Ọkpọmwa nii keghi wanniẹn wẹẹ, “Mudia nẹ o! Okpia nọwanrẹn ọkpa rre ẹvbo na, te emwa hia wa ya ọghọ ne ẹẹn, rhunmwuda, ẹmwẹ ne ọ rhirhi ta, te ọ gha sunu. Gie ima bu ẹre, u gha ghe, ọ gha sẹtin tama ima ehe ne ima gha na miẹn ẹsin na.”

I Samuẹl 9:6 ပူးပေါင်းရင်းမြစ်များ

Gẹnẹsis 24:42

“Mẹ ghi sẹ uhae na ẹrẹna, I keghi na erhunmwu wẹẹ, ‘E Nọyaẹnmwa, Osanobua Ebraham ne arowa mwẹ, lahọ rhie arudinodẹ mẹ vbe emwi ne I ru vbobọ na.

II Samuẹl 15:27

Ọ keghi bu Zadọk gha khian, ọ tama rẹn wẹẹ, “Rhie ovbi uẹ ighẹ Ahimaz kevbe Jonatan ne ovbi Abiata, ne uwa werriegbe gha rrie ore ẹvbo vbe ọfumwegbe.

I Ọba 13:1

Zẹ vbene e Nọyaẹnmwa gie ẹe, akhasẹ ọkpa keghi ke Juda gha rrie Bẹtẹl, ọ keghi wa sẹ evba vbe Jeroboam mudia ye ọkpẹn aka na ọ zọ ese.

II Ọba 5:8

Elaisia ne akhasẹ ghi họn emwi ne ọ sunu, ọ keghi gie ne a khama ọba wẹẹ, “Vbọzẹ ne egbe na wọ ruẹ yi? Gie ọmwa nii bu mwẹ gha dee, mẹ gha rhie maa rẹn wẹ akhasẹ rre Izrẹl!”

II Ọba 6:6

Elaisia keghi nọ wẹẹ, “De ehe ne ọ de fi yi?” Okpia nii keghi ma ẹre ehe ne ọ khin. Elaisia keghi fian erhan, ọ keghi fi ẹe fi amẹ, uhunmwu ughanmwa keghi hu ladian oke.

Psalm 25:12

Iran ni họn ẹmwẹ ne Nọyaẹnmwa, gha ruẹ emwi vbe ehe ne ọ ye odẹ ne ọ kere ne iran lele.

Aizaia 44:26

Sokpan avbe eguọmwadia mwẹ ta emwi ne ọ gha he sunu yotọ Mẹ gha gie ọmwa uhunmwu ne ọ ya rhie emwamwa mwẹ maa, I ghi ru ẹe ne avbe emwamwa nii kevbe ẹmwẹ ne a ta yotọ nii gele gha sunu. I tama Jerusalẹm wẹ emwa gha dọlegbe gha rre evba, kevbe avbe okpẹvbo ni rre Juda ighe a gha dọlegbe bọ iran. Avbe ẹvbo nii gha kpaegbe hin itowa ree.

Matiu 24:35

Ẹrinmwi kevbe agbọn gha gberra, sokpan, ẹmwẹ mwẹ i ra gberra.

Diuteronomi 33:1

Erhunmwu afiangbe ne Mosis ne ọmwa Osanobua na ne avbe ẹwae Izrẹl ọ te wu ọ re ọna khin.

I Tẹsalonaika 2:10

Wa ọrọre osẹe ima, zẹ vbene Osanobua vbe re osẹe ima, uyinmwẹ ne ima gu uwa ni yayi gha yin, kegha re ne ẹ i mwẹ iruẹn, ne ọ gbae kevbe ne ẹ i mwẹ abe.

I Tẹsalonaika 5:13

Wa kakabọ gha ya ọghọ ne iran, deba aho ẹmwẹ ọmwa, rhunmwuda iwinna ne iran winna. Wa vbe gu egbe gha rrọọ vbe ọfumwegbe.

I Timoti 6:11

Sokpan wẹ ne ọmwa Osanobua, gha lẹ ne avbe emwi na hia. Gha ziga gualọ ẹmwata, uyinmwẹ ne ọ khẹ ọghe Osanobua, iyayi, aho ẹmwẹ ọmwa, i ziengbe kevbe ufumwẹ.

I Samuẹl 2:27

Akhasẹ ọkpa keghi do ta uhunmwu ne e Nọyaẹnmwa gie na ma Elai wẹẹ, “Ẹghẹ ne Errọn ne erha uwa odede na gha re ọviẹn vbe Igipt ọ re I na rhie egbe mwẹ ma rẹn.

I Samuẹl 9:8

Ọguọmwadia nii keghi kha wẹẹ, “I mwẹ ikọbọ ne i gha rhie ne ẹẹn, ọ ghi vbe tama ima ehe ne ima gha na miẹn iran.”