I Samuẹl 9:26 - Edo Bible (E Baibol Ẹdo) Version 1996

²⁶ rẹn keghi vbiẹ evba. Ẹdẹ ghi gbe, e Samuẹl keghi tie Sọl vbe egedege wẹẹ, “Kpaegbe ne I do zẹ uwa urrie.” E Sọl keghi kpaegbe, rẹn vbe Samuẹl kegha khian la adesẹ ore.

I Samuẹl 9:26 ပူးပေါင်းရင်းမြစ်များ

Gẹnẹsis 19:14

E Lọt keghi bu emwa ne avbe ivbi ẹre nikhuo ra te rọnmwẹ, ọ tama iran wẹẹ, “Wa zẹgiẹ ladian vbe emwana, e Nọyaẹnmwa ra do fuẹn emwa na an.” Sokpan iran keghi ro ighẹ ọdẹn ọre ọ gbe.

Gẹnẹsis 44:4

Ugbẹn vbe iran ma ghi he khian rrei gbe vbe ore ẹvbo, e Josẹf ke tama ọguọmwadia ne ọ gbearoghe owa ẹre wẹẹ, “Mu egbe ne u khu avbe emwa na. U gha vba iran, u ghi nọ iran wẹẹ, ‘Vbọzẹ ne uwa na ya ọkhọ san ẹse yi?

Jọsua 7:13

Kpaegbe! Ya khuẹ awua hin egbe avbe emwa nii rre ne u wẹ ne iran mu egbe ne iran bu mwẹ gha dee. Tama iran ne iran mu egbe ne iran bu mwẹ gha dee ẹdẹ nakhuẹ, rhunmwuda mẹ ne Osanobua Izrẹl mwẹ emwi ne I ra ta wẹẹ: ‘Izrẹl, emwi eso ne I wẹ ne uwa fuẹn uan guẹ. Wa i ra sẹtin mudia vbe odaro avbe eghian uwa vbe ẹi re te uwa viọ avbe emwi na hin ehe ne uwa ye rre nẹ.’

Giọgis 19:28

Okpia nii keghi kha wẹẹ, “Kpaegbe ne u gie ima gha khian.” Sokpan, ọ ma rhie ewanniẹn yọ. Rhunmwuda ọnii, ọ keghi mu ikun ẹnrẹn gba yan ekẹtẹkẹtẹ, ọ na suẹn okhian.

I Samuẹl 9:25

Iran ghi ke ehe ne iran na ya gaa na sẹ ore ẹvbo, iran keghi wa ukpo ne Sọl vbe egedege,

I Samuẹl 9:27

Iran ghi sẹ ọkpẹn ehe ne ẹvbo sẹẹ, e Samuẹl keghi tama e Sọl wẹẹ, “Tama ọguọmwadia ruẹ ne ọ khian ke odaro ne ima.” Ọguọmwadia nii keghi kpao, e Samuẹl keghi ye gha guan khian wẹẹ, “Mudia khẹ mwẹ vbe ẹghẹ kherhe ne I tama ruẹn vbene Osanobua kha hẹ.”